slyh

講真你地見人就block有乜謂呀，整個個人忙，呢個無問題，但係你要d玩家等你半個月就有問題，人地自制更新檔俾人用會有乜問題？

更新完都係經vlan玩、討論架啦，你地又唔係用d咩hotfile個類野賺錢啦。咁我唔認為會同你地利益有乜衝突囉。唔通你地有乜獨門秘方，你地d更新檔打完會順d定點？我就唔知啦，不過我好想知點解你地要咁做

slyh

引用:

原帖由 22029205 於 2011-9-26 19:51 發表

單單放vlan更新  都已經成版都係問題帖
仲比人放埋其他的話  點控制?

講真，我完全睇唔出l4d2版係更新個陣有幾亂囉，頂多就有幾條友彈出黎叫人update。

依家咁慢既更新速度，根本就令到呢個版完完全全無晒人，等你更新都等到蚊訓，舊野又玩到厭，咁鬼有人會傾計呀？

slyh

引用:

原帖由 22029205 於 2011-9-26 20:14 發表

亂唔係問題
問題係個個都放得更新的話
d檔既可用性同隱定性都無辦法保證
又唔知有咩bug (什至惡意程式)
同埋一更新個個都開得post的話 到時就真係亂
所以放街外更新依樣野 就算要做都未輪到普通會員做 當然以上都係 ...

好啦，等到我講根本就唔亂個陣，你就話亂無問題啦，真係今天的我打倒昨日的我

講d題外話，其實更新檔所制作既方法好簡單，只要搵出steam更新完之後改動過既檔案就得。更新檔我都做緊，真係一d難度都無，要付出既只係些少時間，同埋有耐心持續去整。

講翻正題，你所講既呢d問題，都有辦法可以解決。

我既立場係假設會諗住整更新檔既玩家唔多，所以我無，亦唔打算諗呢類問題。
OK，假設你既假設真係發生左，咁都有好多方法去解決。
例如話有心整更新檔既可以申請入組，如果佢整出黎既更新檔無問題，就可以入組。
每次有大更新就呢堆人內部協議好邊個搞，如果佢整既野有問題就對佢作出處罰。
我認為一堆人入面點都會有一個人得閒整更新囉，唔會好似依家咁等到蚊訓。

我承認我依家既講法同我所希望既有所偏差/予盾，因為咁樣既方法就會變左做另一種既官方更新。
不過，我認為依家vlan最緊要要解決既問題係更新速度慢(甚至係極慢(好似今次))。
我希望非官方更新可以post係vlan只係希望要解決到呢個問題。
只要能解決到呢個問題，用咩正當合法既方法又有乜所謂呢？

btw，l4d2係靠第三方mod(我指地圖)同官方更新先可以keep到依家都叫有人玩，但係你見到依家既vlan有人玩mod咩？
無，所以d人玩落去既原因就係官方有更新，如果連呢樣野都無埋(或者等極耐先有)。
只係會令人等到無feel，咁佢地就無心情玩翻隻game，咁vlan又少左隻有人玩既game。

slyh

引用:

原帖由 long3214 於 2011-9-26 23:54 發表
耐心等待啦!
版主都交代左點解遲,一次半次就算數啦!
你要學識"感恩的心"

vlan l4d2更新不嬲都整得慢，隔兩三日先出黎都已經係好難接受