EDDIE6446

( 如果你覺得呢篇野係我造作、想扮野博同情既話，麻煩你跳過唔好睇 )



我比你呢篇野搞喊左

我只是想大家知道　版主都係有血有肉既人黎　都會有壓力

由第１日做版主開始　紀敏教我既野我都銘記於心

昨天發生的事是我上任以來最唔開心既一次

又一次諗不如唔好做　咁辛苦為咩？

坦白說做版主真係好易灰心　每天遇到不同既問題要見招拆招

你做得好無人會感激你　你做得唔好就遺臭萬年

尋晚發生件事既時候我已經諗住唔做　但如果就咁唔做我真係好唔甘心

事件發生得不明不白　案中人針對本人嚴重誇張失實既指控　令我覺得非常心淡

坦白說我肯繼續堅持到呢一刻　紀敏真係鼓勵我、教識我最多

我唔希望因為我個人既事情令到大家不公平地認為紀敏係一個公私不分既人

如果你地真係要咁諗佢　我寧願請辭　亦都唔希望比你地覺得係佢包庇我

你地要誤會我人格無所謂　但唔可以誤會紀敏品格

慾加之罪　何患無詞？　因為一件咁既事而連累紀敏於管理蒙上污點

我實在難辭其疚　我只想講

不在其位　不知其難　你地明白嗎？