紀敏

引用:

原帖由 RDiver 於 24-2-2010 03:46 AM 發表
睇哂所有回覆..........有番話想講 :

有部分人話根本解決唔到問題 , 要靠玩家「自律」! 呢一點我唔係第一次聽 , 但點解我唔喺帖中提及呢 ? 因為實在太BullShit ! 如果樣樣嘢都只需「自律」就能解決問題既話 , 就唔 ...

你認為可以控制到既話不如你親自去試試修改vlan既程式
嚮玩家未完全離開該區既時候.係無法強制關閉.
如果強制關閉區域係會有機會造成對玩家一定影響既錯誤
自從vlan開發至今仍然未有實行踢除掛機者呢個方案.因為只要一個變動就影響所有遊戲
但是想告訴你.並不是每一個遊戲都會能夠識別玩家是否"遊戲中"
如果修改出踢掛機既方案...有機會影響到其他遊戲玩家玩玩下無故被踢出vlan
的確係好bullshit...點解你地諗到d野只有L4D2..唔會考慮下其他遊戲裡面既玩家
再講 L4D同2版既開場掛機既人大把..你咪即係要踢埋d開場玩家囉..


以前只要你地講聲.
我都可以成功幫你地爭取過好多樣野..
但係近期你地卑既意見真係冇可能到極點

之前都提及過N萬次.冇可能將插件同冇插件既SER分開.
你計計條數裝主要玩插件既場有幾多個...呢D場有咩特色?!
你地開慣插件場你地都知.一睇個人數上限就估到係咩黎
唯一難識辨既就只有高對開左觀眾位

你再考慮一樣野.如果所有開同一種類型既場既人嚮晒同一個區.例如30人COOP
一個區裡面有N個場.然後有幾多個240卑你入滿30人?!

另外我想一提 WAR3有一段比較長既歷史.各界亦都出現不少可以探測到數據既程式
從此我地先至可以做到限制版本...L4D2有幾耐!?

什麼通報機制..我想同你講...每一個帖下便都有回報.
每一個人既資料都有發送短消息
只要係與違規有關既事情.直接連絡管理員或超級版主就會得到適當處理
如果你地要用同版主傾黎討論你地嚮遊戲裡面同玩家發生既磨擦.咁好抱歉.
我地係唔會平涉你地既任何紛爭


想當年我都係話想搞個L4D既團隊專區.無論傾幾耐呢D野都唔係輪到我去話事
當你顧及到FPS Game既特性.明白到咩叫做風水輪流轉
你就會知道FPS GAME團隊既來源

來來去去咁耐以黎每一隻FPS遊戲都係只會紅一段好短既時間.然後就會冇人玩
來來去去都係果班玩家嚮FPS咁多隻GAME裡面周圍走..
你地唔鍾意同人地撈埋...人地都唔係好想同你地撈埋...
想當初建立FPS團隊區第一個嘈既唔係你地L4D
而係CS區既玩家

你提出既意見全部都需要透過修改vLan程式去解決
與此同時會影響到其他遊戲.是一些非常自私的想法
減少分區早已講過只要玩家有一名在區內.區域亦無法關閉
此兩個月以內管理員及版主一直嘗試抽出時間監測.
亦沒有搵到機會去將呢d應該一早已經減左既區關閉
再者
人地有心入你地多人區既.想同你地一齊嚮同一個區.
又點會自己分散走去個少人區
邊個唔想入到個區多場多人?!同自己班fd玩唔想撞區咪會囉
呢d緊有佢地既原因所以先唔過區

另外想提醒各位
咁多年黎vLan既程式都係義務性質提供
有三位仁兄以義工身份一路都冇糧出...去寫呢個程式.
每個月都幾乎係赤字...你地嚮講bullshit之前請考慮一下義工既感受

[ 本帖最後由 紀敏 於 2010-2-26 16:59 編輯 ]

紀敏

引用:

原帖由 haku0027 於 26-2-2010 07:54 PM 發表

減區呢樣野…一向都做梗…只係d人係個ser裡面減唔到

管理層決定減區已經係兩個月前既事.
但係一直都做唔到.因為玩家唔願意離開應該要縮減既區域.
而且減區既時間必須係嚮vlan shop開緊既時間.如果唔係都做唔到.所以先至拖左咁耐都未搞到

引用:

原帖由 藍染之神 於 26-2-2010 05:56 PM 發表


紀敏大人
想請問 你地管理層會唔會有進一步既改革行動呢??

如果有 請講比大家分享一下

若果沒有 我都唔會放棄 vlan  l4d
最多入得vlan玩開心就夠 ...

其實負責vlan程式方面既人員
每一日都做緊程式上既處理.
希望能夠做到更好
但係無論任何人做任何一件事
都會有機會遇到瓶頸
只要有某些方面唔符合條件既話.
無論你有幾好既idea都冇用

其實都好多野需要去諗
例如邊樣種要d.邊樣優先d.要識去判斷
你地就不停叫人改呢樣.改果樣.
但係有冇諗過一次修改要經過幾多人去測試.
需要幾多時間去整理資料.先至可以做到?!
實行係有一定難度.當然管理員亦都會去考慮應該用咩方法改善

暫時樓主提供既問題全部都非常不切實際.
而且一早已經講過好多野係需要你地去配合返.
我地先至做到.係你地唔信= =..

仲有一樣野就係.分區無論點改都好.你地班玩家唔肯改就一定改唔到
就算我分到好整齊.你地咪又係一樣隨自己心意去決定入邊個區
佢地鍾意嚮vs開coop我都冇辦法架.
舊時682都同我講過.你咁樣分盞大家唔方便.
分完.例如佢同班fd開個場自己玩.初頭想玩coop..玩到悶悶地又想轉vs
咁唔通又要轉區再入區再開過個場- -?!
已經講左無限次.分區.只係一個路標.點樣去行.依然係玩家自己決定
我係冇辦法捉住開場果d人隻手.迫佢揀返岩區入.

再講.呢邊已經算肯幫你地改下區名.
第二d.睬你都傻啦.(L4D暫時得VLAN有分模式區域)

大家都想改進我明白.但唔會係為左一隻遊戲囉.
想要大改動.要各個FPS 遊戲都適合用.先至可以去實行.
如果唔係換著係你.而家改完出黎.過幾個月.隻GAME又冇人
你會唔會灰心?!

踢除掛網玩家果度.我會同管理員傾下.睇下有咩方法可以做到.
但係唔好抱太大期望.
畢竟掛機開場既人.要深入考慮佢地既情況
如果唔係.卑你踢晒D掛機.冇人開場.卑你入到區.一樣冇得玩


題外話 :
我近排覺得某人成日當正我仇人咁.好似我會害L4D咁.真係BULLSHIT.我已經係最保L4D既版主.唔信問下L4D既真舊玩家

[ 本帖最後由 紀敏 於 2010-2-26 20:13 編輯 ]