ha1ha2ha3

其實棄保機制由上年信5開始出現 b版信6就開始沿用棄三保二機制 主要原因當然係當時上下軍英雄實力唔平衡 (呢個係個人意見啦 唔知仲有冇其他原因)(當然有人唔同意 玩得勁上軍一樣咁好揪) 但事實又點 我記得有人做過信6比賽統計 能夠上軍拿下勝利既遠遠比下軍少好多 (詳情我自己都唔記得亦都懶去做次調查 ) 棄保機制就由當時一直沿用到今時今日 普及既程度上至比賽下至友誼

但到左今年既13.1B版 其實上軍已經湧現左曙光 單羽 寧寧 道三 稻姬呢堆殺食英 竹中係今期其實都上緊位 而下軍就持續有減退之勢 先後有百地信玄既改動 再黎就係直江既三技(秀吉雖然同時被削弱 但上軍現今大勢已經棄秀吉而用 轉為竹中 阿松 服部 平手我認為上下軍其實已經達致平衡 上軍而家既優勢係在於多元化 由棄保機制得出既"陣"十分多元化 輔手數目遠遠比下軍高 令到上軍有棄保為零既優勢存在(無論下軍點棄 上軍都有一定既陣變化可用) 而下軍而家既優勢仍然係強控同強大既硬推能力 信玄威力仍有 湖衣既優勢 輸出亦有槍神等元老級英雄 而而家既大勢 計分友2 其實都係上軍較為多人選擇 就算計分亦好 通常已經選上軍為主 而唔係上年既下軍王道

既然上下軍達致平衡(個人認為) 其實可唔可以嘗試取消棄保機制舉辦信7 又或者先有一個月前既提出 令到大家可以一個月前以友誼計分嘗試下正常團戰 如果覺得操之過急 可以先保留 留待信7後諮詢vlan玩家既意見再由管理員提出信8應當如何

因為我都算係團戰既常客 有時都會諗 一d英雄係團戰時 多數被棄用 令到樂趣少左 例如百地果心  保直江就棄果心 保信長就棄百地 真係十場有九場都係咁 但其實棄完大家都有其他英雄代替佢地既位置 咁倒不如取消棄保等大家可以有多個選擇 有更大自由有更大既空間發揮

我知道係長左d 但希望管理員可以抽少少時間汲取下呢個小小既建議

以上只限於個人意見 我唔希望有人睇完就打哂問號 拎哂大炮 跪求大家理性討論一下