[Open]
[Close]
VS心得
---L4D2 4VS4心得---
前言:點樣先可以成為一個高手？靠既係咩？大家知道嗎？呢樣野係玩L4D既主要核心。對住高手隊或你平日經常打既4friends隊，結果往往相差好大，打4fds好自在好輕鬆，但打高手隊就被大炒，原因係邊？原因就你意識或者叫做經驗唔夠好。意識係咩黎？簡單黎講就係包括左你既個人技術、思路、合作能力、打法等等一切會影響團隊死活或比分等既既主要因素。好啦，而家入正題深入咁講講意識。“每一隻Game都有最佳玩法”，你認同我既講法嗎？比個例子你。玩踏地雷如果唔識玩亂咁開隨便開，咁樣玩法你中地雷既機會會好大。相比起識玩既，識睇數字黎分析，佢踏中地雷既機會就會較低，分數就會較高。清況就同你玩L4D用左一個相當失敗既打法一樣。大家一定要明白呢一點，如果唔係既話對新手或中手只會一頭霧水，覺得對抗好難玩，冇辨法進步。以下落黎係講講VS既一堆比較重要既打法，玩4VS4既新手不妨可以參考一下。
*人類：從開局到終局要保持防守意識
1.Hunter要秒、推 ，Jockey 要推，Charger要閃避。
2.隊友被捉，救佢之前，先衡量自己被人捉同救人既時間差距。會被捉趕唔切救人就先推、秒或閃避，後救。因為2捉或3捉傷害好大。
3.推進式清小屍，邊行邊清，多小屍既話唔好急住行，清哂大部分先，切勿只推唔殺,唔識清屍，只會留哂比隊友Jam屍，小屍打一下係扣2血，好痛下。
4.要果識得讀怪知道有Boomer時,隊友之間就唔好行得太貼。
5.打Tank要選擇一個最佳地形，空曠位打(當然首選係冇嘢箱有車既地方);其次係守大型房間如果唔夠時間行去空地既話，視乎當時咩清況。
6.一定要去揾火，留火對付Tank，用火睇清況選擇封Tank路或留住燒Tank。返後守Tank時如果行返一條特感同人類前進既必經既路，就要選擇用火封路;Tank想埋身用拳時就燒佢。
7.要有一個人用追擊槍點Tank。
8.小守或長守都要封位，封哂最近守點範圍既出世位。
*特感:進攻思路要清析
1.最主要靠4個特感合力配合，做2捉3捉打傷害。
2.攻擊次序，如地型有利，出世位近貼人類，Boomer就做頭先噴，其他3隊友緊接住上;太空曠就等隊友先Cover。另外上梯位就等可以控人走既特感先捉(如Smoker Jockey)。
3.做Tank時保持控制權，揾障礙物Cover同盡量望住人類。多數清況係等隊友夾3捉或2捉1Boomer先好上一齊上，用箱或車可以打到人類守點就打，打唔到既話就要用拳。3捉+Tank等於4控，有機會滅團。
4.利用Witch做助攻，一個r Witch或Smoker拉人，其他係後面伏擊封路。
5.利用落隆位打無救，通常落一個就要3捉。
6.把握Incoming黎進攻。
我就暫時係到講住咁多先...當然打L4D係唔只咁少野咁淺白，可以講到好深入，只希望可以幫到新手或提高一下技術。PS:本人只不過係一個中手，唔好有個錯覺係開得post教人就一定係高手，我只不過係想同大家分享下自己既心得。如果大家想討論一下戰術不妨係到講下，等大家一齊交流一下，一齊進步。L4D series 其實真係一款好Game黎，希望越黎越多人鐘意玩，特別係4v4對抗。
[ 本帖最後由 Rickcheng 於 2011-8-21 13:58 編輯 ]
