爆裂狂轟

我唔知偷圖呢2個字依家演變成點啦, 隨便打我對偷圖既理解
十年前玩war3 通常都只係2核機, 上網速度慢, 玩war3全塋幕
開/熄war3都晒10秒以上時間 (係呀10秒都鼓燥架)
一張比較大既地圖閒閒地晒10分鐘時間載
亦都有人想個war3入面多地圖,唔理載到D 乜(包括H圖,我都會)  
就造就偷圖狗出現

以信長呢張圖為例
通常D 玩家都入到game先知有更新, 就費事關game上網down啦,
邊有依家視窗化禁右上角Alt+F4鍵秒關咁輕鬆
又要至少down 10分鐘, 但係如果求其入個場down 快就2分鐘搞掂, 又唔洗上網搵
個時會有好心人士會開信長下載場幫下人
有D P K既高手是但入個新手場話未玩過/冇圖/求載/會完場之類既說話 down完秒退
當然有時9個人都一齊等啦, 中左招之後個個咪吊9佢 (都冇用啦人地都入其他高階場開左波)
久而久之咪有偷圖呢個term

其實開得個場比人down 就應該遇有人會down完之後走架啦
唔想咁  我諗唯一方法係整到自己名氣高D, 多D 入唔同場同人交流,
玩耐D  技術高D (指當技術好,就算玩未玩過既地圖差極有限既意思)
識你既玩家就會有興趣花D 時間陪你試玩任何圖 俾面你

至於入場玩一陣見唔岩玩就走個個都會架啦
唔俾走 咁D 資深玩家開HKE圖玩9 新手出氣都得
曾幾個時我同朋友挑信長, 佢開HKE圖
行暗位佢都可以遠攻到我,話有下忍睇位wo~
咁我當然信既, 因為佢打過信長盃真係有呢個實力
佢後來用熱鍵清我隻英技CD, 試下我睇唔睇得出係bug圖
我一眼就估到, 佢亦都認
朋友間玩下冇咩所謂既,但係有不肖既人會玩路人
呢下先死ma

爆裂狂轟

睇內文發現你所講既根本同"偷圖"定義無關 所以打左對"偷圖"個人睇法既文
之後我睇埋另一篇文先知原來個主題都係講緊偷圖, 個陣見係罵戰文就費事入去睇
其實人夾人緣既姐, 你同某個人唔岩唔代表嗰個人同另一個唔岩
又唔洗咁執著既, War3 係PC Game唔會累積積分
場完左就散, 玩到幾爽其實最後都冇L 用

然後你內文講既野, 我就用大陸著名改圖網5 5 yo u論壇定義, 叫 "改圖"/ "二次創作"
絕大部份都冇拎原作者授權, 擅自修改

簡單D既修改令到張圖容易玩D, eg 改錢,改傷害,加HKE
通常呢類圖係贏左都唔覺得光彩,爽過就算
但係當某張地圖改到成功發揚光大既就會有人捧, 絕信就係好例子
節奏比正信快,爽度十足
所以大部分人類都係P K黎, 就同4樓咁講, 多人認同為勝

如果你有玩過絕信/綠外眾神而又覺得爽, 唔覺得呢D有侵權成分, 就等同共犯
我個人就唔支持守城類型圖改圖啦, 畢竟原作者會俾難度你揀嘛

總結: 開心玩遊戲就好