引用:
原帖由 ltw1204 於 2014-1-9 01:00 發表
首先,我都只係試用sourcemod一個星期,完全係個新手,我唔排除插件內有bugs
最有可能出現嘅係bot_l4d_fixed.smx (喺 addons/sourcemod/plugins 入面會搵到)我只係分享並非各種插件嘅原創者,有問題嘅請自行搵解決方法/ ...
你有幾樣最重要既野無講清楚:
1. 整得整合包(難聽d「傻瓜包」)就應該列出當中所有插件名稱同對應功能,以便用家瞭解,日後可以自行更新甚至移除。一旦插件失效,影響到伺服運作,用家根本無從考究。你雖然講明唔負責,但你點叫人放心去用呀?
2. 針對正版既管理員設置涉及兩個檔案:admin.cfg 同 admins_simple.ini,你剩係教人改其中一個,管理員權限應該都無法使用,出唔到 admin menu。
3. 修改 CFG 既方法同有關參數既說明(包括 server.cfg)又無提及,好難相信一個毫無開場經驗既玩家會識得辦認各種參數,剩係點改伺服人數同玩家人數都已經玩死人。
4. 最關鍵既 Port Forwarding 就輕描淡寫,我絕對相信呢度九成人都唔識通過路由器上開通指定的通訊埠從而允許外界的流通,唔同牌子既路由器亦有不同設置介面,所以 Port Forwarding 實際做法都唔一樣(但都大同小異)。搞唔成個伺服就搵唔到連唔到,之前既功夫就會白費。
我唔係特別針對樓主,只係眼見依家實在太多 vLan 會員睇完教學仲係一知半解,周圍求救,多少因為整教學 / 製作整合包既人無認真考慮讀者 / 使用者既既理解能力同認知,間接降低用家玩家質素。
搞成咁,你地有一定責任(大部分 vLan 會員都唔抵幫,遇到問題唔去爬文搵方法,常見問題都可以係置頂帖解決,就因為「懶」得去嘗試,都唔知邊個一手造成),希望大家都能夠製作高質素既帖子。