RDiver

未睇 「(Part 1) 關心vLan既人一定會睇呢個Post !」先入去.........

http://www.ipve.com/bbs/viewthread.php?tid=193412&page=1&extra=page%3D1

針對 VERSUS 01 / Coop 01 / 11 分區長期爆滿 , 令全 16 個分區分佈極不平均既問題

參考版主同你哋各位既意見 , 有5個可行方案 :

1. 減少分區數目 : 大幅度將現時16個L4D2分區減至 6 個 ! 同時實行更有效既分區制度 , 以下係詳解 :

                            (240) L4D2 - Versus - 正規 / 高對  

                            (240) L4D2 - Versus - 插件           

                            (240) L4D2 - Coop - 正規

                            (240) L4D2 - Coop - 插件

                            (120) L4D2 - Scavenge / Survival

                            (120) L4D2 - 非官方地圖

-

                            分區數目 : 6

- 將分區制度「二重化」, 再分為「正規」及「插件」類別 .

- 根據過去人流同玩家喜好 , 覺得 Versus 同 Coop 各持兩個240空位既分區 , 係最理想 , 最合理既安排.

- 為鼓勵更多人認識 Scavenge + Survival 模式 , 所以特別開設 Scavenge / Survival 分區 作宣傳同推廣.

  始終係冷門項目 , 所以建議數量為120個位. 希望滿足對呢兩種模式熱愛既人士 , 同時將佢哋發揚光大 !

- 大家玩咗一排 , 開始對新地圖有興趣 , 或者懷念番L4D1既地圖呢 ? 所以特別開設 非官方地圖 分區.

  考慮到參與人數 , 故建議數量為120 .

- 每個月視乎整體人流 , 以呢個「黃金比例」黎增加或減少所屬分區 , 以免分區過多/過少.

- 此安排能使分區與分區之間分佈得更均衡 , 防止因其一分區位置數目太少而擠擁至另一分區既情況

  (好似Versus 01既情況)

# 正如紀敏所講 , 如需關閉分區 , 必先確保分區內一個人都冇 , 否則影響玩家造成網絡錯誤.

    (呢點日後再商討)

---------------------------------------------------------------------------

2. 滅絕掛機者 : 除開場人士(Server Host) , 超過 3 小時掛機(唔係玩緊 , 又唔係開場 ,但佔據分區位置)既玩家 , 應該立即踢出分區 , 情況猶如斷線一樣 .

做法 : vLan能夠判斷玩家於分區內的狀態 : 開場的屬於 {主場} ; 掛機的大多屬於 {準備} ; 入場玩就屬於 {主/客} ; 玩單機的就不清楚 . 如果vLan於系統上加設某些規則例如 :「如果 {準備} 狀態持斷3小時以上 , 玩家將被vLan強制性退出分區 」

# 我覺得vLan隊伍絕對有足夠技術去制定呢條規則 , 究竟佢哋擔心既係咩呢?

效果 : 當掛機既人減少咗 , 分區自然謄出更多空間俾真正想入SERVER玩既人 , 開場同參與數目就多咗 , 互動性亦相對地提高. 同時 , 利用這條規則 , 加上方案1帶黎既影響 , 玩家會變得更自律 , 掛機者數目就逐漸減少 , 人流自然可以更暢行無阻 !

-------------------------------------------------------------------------------

3. 強制更新 : 仿效 魔獸 :信長之野望 分區系統 , 對所有分區限制遊戲版本 , 不過 Left 4 Dead 2 唔同 WarCraft 3 , 改改 steam.inf 都更改到遊戲版本 , vLan未必有足夠技術只容許指定版本既人進入分區 . 就算係咁 , 我哋都有辦法去「強迫」開場既人更新 , 點解 ? 基本上玩既人往往受開場人士影響 , 如果開場既人都更新哂 , 入場玩既人根本不得不更新 , 達到「強制更新」既效果. 點樣做 ? 既然技術上未必可行 , 咁就靠我哋囉 !

做法 1 : 制定一條規則 -- 所有Server Hosts 必須於版主發佈「最新vLan官方下載patch」3日內升級至最新遊戲版本 , 一旦被發現無更新又開場俾人玩 - KICKED ! 或者將其用戶既Level降低於分區要求既最低Level , 藉強迫對方升級 , 不過咁既安排可能對版主造成一定負擔 .

做法 2 : 建立一個通報機制俾vLan Users 針對嚴重違規人士回報俾版主 , 再由版主針對性審查 , 一來減少工作量, 二來可以殺一儆百 , 增添阻嚇力.

# 通報機制將於方案4詳細交代 !

效果 : 可以短時間內「大規模」更新 , 保持最佳既遊戲質素之餘 , 正版玩家亦無須擔心 vLan 無場玩(你哋肯支持vLan 已經好感激) . 當凝聚力提高 , 人流就能維持高水平 , 而且 , 最新版本既Servers數量多咗 , 玩家就再無需要改steam.inf去玩番舊版本servers , 疑似「掛機」既情況就得以改善.

-----------------------------------------------------------------------------------------

4. 完善通報機制 : 喺方案3 - 做法2 已經提及過 , 與 FPS 抱怨區性質上差唔多 , 但規模完善好多.

- 只適用於 Left 4 Dead 2 @ vLan

- 開設一個分版作為通報平台

- 對任何懷疑違反規則 (FPS統一版規 , Server未更新 , Server類型與分區類型不符 等等)既人/事 ,

  大家能夠直接反映 , 向Left 4 Dead 2 & FPS 版主們回報.

- 必須理性地反映事件 , 盡可能圖文並茂 , 提供充分論點 , 論據 及 論證 來增加可信性.

- 各版主亦應該以公平 , 公開 , 公正既態度 , 針對性處理合理懷疑個案 , 並對個別人士作出適度懲處.

- 「講得出就唔怕認」! 所有參與人士都應公開身份 , 唔駛擔心對方搵你「尋仇」

- 除咗有關申訴 , 想Left 4 Dead 2 & FPS 版主提出針對 Left 4 Dead 2 既要求/意見都可以在此平台回報

   (唔好同 「用戶申訴」「用戶建議」等 版區混淆而產生誤會)

--------------------------------------------------------------------------------------------

5. L4D2 @vLan 聯盟 : 咩黎 ? 「L4D2 @vLan 聯盟」係 公會(union) 同 M群 既混合體 , 同樣以分版形式作為介面 , 不過必先向版主申請先加入到呢個聯盟 (申請方法並未諗到) . 對象為任何長期支持vLan所開設既Servers 同 建立既團隊. 有咩用 ? 運作得好既話 , 真係有好多用處 :

- 所有團隊及伺服隊伍都可以盡情宣傳自己 , 好似街市咁Hardsale黎引起其他人既注意

- 能集中統一 所有 L4D2 伺服器 & 團隊帖 , 方便外來人更輕易接觸 , 跟進 , 認識 各團隊及伺服器

- 團隊與團隊之間通訊更方便 , 聯繫更緊密 , 大幅增加交流(尤其係 44高對)既機會

- 伺服與伺服之間亦一樣 , 可以互相交流script , command code , 插件外掛 , source引擎既心得 , 促進伺服器既整體質素 (會唔會因為咁而引起競爭我就唔知喇 !)

- 分版只係初始形式 , 搞得好既話可以統一伸延至Facebook , Blog , Xanga , Twitter , M群 等交流平台

- 方便輕易招集所有團隊 所有伺服隊伍 , 一齊「跨團隊 , 跨伺服」討論 , 決議(投票) , 通知與 L4D2 @ vLan

既大小事項 , 例如我依家發起既呢個行動.

- 唔好攞「FPS團隊區」一齊比較 ! 呢個只屬於 Left 4 Dead 2 既社群 , 重於交流互動 , 通訊 , 宣傳 , 並唔係各團隊各伺服搞小圈子......

-------------------------------------------------

嘢就講哂 ! 大家不妨提出意見  尤其以上方案既可行性 !

[ 本帖最後由 RDiver 於 2010-2-25 04:30 編輯 ]

RDiver

留位先.................................................

RDiver

引用:

原帖由 藍染之神 於 2010-2-23 14:10 發表
我覺得方案2唔可行- -   你要知道掛機者分好多個性質 (例如 開場者 伺服問題 數據庫等)
方案3更新 要係宣傳方面著手 你地要知道更新檔成日出 要玩家接受咁急速既改變並唔容易
倒不如搞好方案1 分區同方案4  仲好 將 ...

我見到你回咗唔少post , 你既口吻同 天條院沙姬 好相似.....

首先你係第一個回我既人 , 點都多謝先 ........

都想有人肯睇我篇post ~~~ 用咗4個鐘頭寫 !

你講得岩 , 唔係每個方案都順利而迅速執行 , 仲有好多難關 , 我呢度都只係略略介紹我提出既方案 ~ 算係proposal 啩 !

我都覺得方案1 & 4 比較實際同effective.

RDiver

睇哂所有回覆..........有番話想講 :

有部分人話根本解決唔到問題 , 要靠玩家「自律」! 呢一點我唔係第一次聽 , 但點解我唔喺帖中提及呢 ? 因為實在太BullShit ! 如果樣樣嘢都只需「自律」就能解決問題既話 , 就唔駛有法律 , 唔駛有管理啦 ! 你叫大家自律 , 搵鬼睬你咩 ? 當然我唔認為帖度提出既方案都好可取 , 但我相信唔多唔少都起作用 , 我無話過呢啲方案可以百分百克服現時既困境 , 但至少大家會玩得舒服一啲.

其實你哋講咁多 , 都係想講冇得解決 ! 問題唔係玩家自唔自律 , 而係vLan管理層肯投放幾多資源 . 無話解決唔到 , 在乎你想唔想. 除非L4D2受歡迎程度好似**廣告**信長咁大受歡迎 , 否則無可能百分百得到各界支持.

老實講 , 之前我都發佈類似既POST, 今次都唔例外 , 預料到呢個結果 , 我花咁多時間寫兩篇嘢出黎都係俾自己一個交代 , 提出你哋一直好注意但又避談既話題 , 盡番作為VLAN用戶應有既盡任.

最後 , 整體上你哋既意見都值得考慮 , 無論成功與否 , 都應該一試 , 至少唔好抱有遺憾.

RDiver

引用:

原帖由 mv8245 於 2010-2-24 23:13 發表
強制更新其實的確系唔好
因為每個版本到依家其實都重有人玩
網友們反而會覺得vLan每更新一次, 破解又要重新做一次(除正版外)
感覺就會好麻煩

同埋Ban IP系一個比較煩既方法
因為到現時為止重有d寬頻公司系每一次開 ...

1. 本身破解就冇變 , 只係更新遊戲檔案啫 ! 所以話煩唔煩 , 就睇佢對隻Game有幾投入
    而且 , vLan出更新係配合正版更新 , 頻繁更新在所難免 ~ 當然我唔想大家唔更新 !

2. 我已經修改Post既內容 , 無話一定要Ban IP . 只要帶黎阻嚇作用 , 咩都無所謂 . 唔需要再為ban ip 繼續討論.

3. 減少分區最大玩家數目無助解決問題 , 啲玩家唔會因為空位少咗而又爆場既情況下轉去其他分區 , 「羊群心理」呢一點已經係 Part 1 提及.

RDiver

引用:

原帖由 傻鼠B 於 2010-2-24 17:48 發表
3. 強制更新
你知唔知出面有幾多網吧唔會更新
好多得閒約左成班fd既 諗住一齊玩下 係唔知情既情況比人klic左出vlan
之後又要再入過 又比人kick
咁會浪費入網吧玩既人 時間 金錢 d人唔知唔係最新版會比人踢 仲會話  ...

傻鼠B 你個POINT幾好 !

事實上 , 網吧玩既人......即係「街場」, 多數都唔會連上vLan玩 , 佢哋旨在同佢哋相識既人一齊玩 , 開心下 , 所以我認為強制更新對佢哋 , 對無更新遊戲既網吧唔會造成太大影響.

不過 ! 我哋都唔可無視呢班人既權利 , 所以我建議再開 1 個屬於「無版本限制」既分區(any mode) , 當然係為「網吧 / 街場」而設 , 一方面提供一個平台俾佢哋互相交流 , 另一方面部分「非街場」玩家對街場有興趣 , 咁做既話可以提供一條渠道同「街場」切磋一下. 當然我唔希望變相使呢個分區變成「避風塘」, 盡可能更新後入番所屬分區 , 幫助分流.

RDiver

引用:

原帖由 haku0027 於 2010-2-24 23:41 發表

減上限人數......e家1個區…都好少超過15個ser…再減埋上限…變左玩家可以選擇ge更加少…揀唔岩心水唔通換區揀…揀到有個區岩心水為止咩…倒不如都係 咩區就開咩ser…懲罰d亂開場者咪仲好 ...

我都無咁諗過喎 !

幾有point , 唔該哂 Haku !

RDiver

引用:

原帖由 haku0027 於 2010-2-24 10:33 發表

要改革真係好漫長…我地應該逐步逐步黎…正如紀敏所講，我地可以投票…並由亂開場者入手
建議樓主同時開2個投票.....
第1個投票…係同唔同意張l4d2 減至你所講ge 6個區(或者6+1個…正如我係19#所建議ge)
第2個投票… ...

我想再收集一下意見 , 但希望新資料片 - The Passing 發佈之前投票通過有關方案 , 否則到時我都想像唔到個慘況.......

RDiver

引用:

原帖由 haku0027 於 2010-2-24 23:50 發表

只需面將呢個區上限set 120人…應該可以避免「避風塘」ge情況

但呢個分區主要提供俾所有網吧既人 , 加上好似我講 , 有啲「非街場」既玩家都有興趣同「街場」一齊交流下,
120個玩家數目會唔會唔夠呢?

RDiver

引用:

原帖由 haku0027 於 2010-2-25 00:08 發表

一係咁…做得街場(網吧)…通常都係正規…而且無人掛機……可以大膽d…開2 or 3個80人為上限ge無限制區…因為如果個區全full…且裡面都係活躍玩家…80人就可以滿足到正規4 v 4 or coop ge情況…個區無人會無得玩... ...

我頭先都係咁講 , 但都唔可以忽視佢哋既

80 人 ........ 值得一試 !

RDiver

引用:

原帖由 NAGASUMI 於 2010-2-25 15:46 發表
版本相唔相同與玩家能否參與會唔會係兩回事黎?
開80又係咁開,開240又係咁開
cut左160個位唔等於佢個server做少左野
既然你話俾一個區for網吧或者你所誚o既無限制區,咁點解要cut做80人上限?
無限制區依家已經有11-16( ...

我好有耐性睇哂你篇回覆.

點都好 , 一定要玩家 或 開場既人 付出多啲先有改變 , 否則相方只會互相影響對方 , 問題亦永遠無法解決.

你講咁多 , 係咪想帶出一個訊息 :「唔改變好過改變」 呢 ?

我覺得vLan既管理層都用心良苦 , 要遷就多個社群先建立起現有既系統同制度 , 係相當困難的. 但咁唔代表有問題就袖手旁觀 , 又或者話無得改善去舒緩問題喎 ! 我既方案雖唔講得叫完美, 亦未必受所有人所認同 , 但我相信可以為分流帶黎效益. 只要做到呢點就係成功既第一步. 之後再點打算 , 就唔係我可以控制得到.

RDiver

岩岩番 又見到一大堆回覆 心中滿懷期待 睇完之後.................

FPS 版主都交代清楚 且幾位熱心人士既一番討論 , 令我就知道呢個「改革」要止步了....

所謂「不成功 便成仁」, 最少我哋都努力爭取過 , 介入過呢個問題 , 日後再有人對呢個話題有興趣 , 不妨先睇呢個

Post ! 希望經過呢次討論 , 可以俾大家更瞭解vLan既系統 , 同版主(管理層)有更深層次既交流 , 更明白vlan既若心 !

最後都要多謝以下會員積極支持呢個post :

- haku0027
- 天條院沙姬
- Pvt.Allen
- NAGASUMI

RDiver

呢位兄台, 我知講咁多嘢都冇用, 我提出既方法都係參考啫, 目的俾空間大家構思出更理想既方案. 不過個時紀敏一出黎就秒殺哂我啲建議. 我一早就預左會BAN哂, 但好希望力求改變, 之前既方案已經仍廢, 而如今既方案係大家同我都覺WORK ! 至於分區制度, 本來就冇乜約束力, 但絕對好過現況.

「呢d野都係靠大家自覺」你講呢啲嘢同紀敏有咩分別?

俾個理由我點解信長咁多人玩 , 但都可以控制到 , 而呢度又做唔到 !?

我唔鍾意接受現實, 既然玩家唔自律, 我就要強迫佢哋遵守 !