戰卍神

第一個問題想問既其實係,點解個話題會扯左去LOL同信長邊個好/邊個抄邊個呢....

關於呢個問題其實唔算太過對題,不過我都想回應下:

根據我既記憶,出既次序係dota->信長/LOL,之後呢,其實LOL係有一個[online化既dota]呢個稱號,信長我就唔講啦,因為本人唔係一個鐘意信長既玩家,比起對戰,我都係鐘意合作

第二點:關於vLan主力=信長

嗯....上面果度我都提過,我唔算係一個鐘意信長既玩家,其實本身我個人都唔算討厭信長,但係自從信長風出左熱潮,一大堆暴力信,絕信咁既信長改版出左黎之後,我就見到綜合既圖慢慢變左:
金字塔->絕信
ORPG->暴信
____->乜信物信

之後我次次開埸就會見到有人入我埸,拉走一班人去打信,開始果陣都ok,但係到接近e+既時間,已經有70%既圖係信,其他既就係巨魔之類.

當然,佢地都唔會變走哂全部圖既,其他圖當中保留得最好既應該算係守城了,我e+入ser都間唔中會見到守城,但係其他合作圖,闖關圖,小遊戲圖就好似消失哂咁 ,[見唔到既,咪自己開個埸囉 ]果陣我係咁諗,之後就等左十分鐘左右,終於可以開到個埸,以下係結果:

結果1:玩玩下一班人就嘈:[__!都唔夠__信好玩既,8_8!]之後走埸
結果2:玩玩下一班有禮貌既人:[對唔住埸主,有fd叫我地去玩信]

仲有好多呢一d既例子,就唔一一舉哂出黎啦....


當然,身為一個某d人口中講既[非主流圖]主義者,我點可以咁易就放棄呢?經過一番努力,總算叫到一班朋友,一齊玩下其他圖,少不了的,某d朋友都係只鐘意信長呢類,咁我都唔可以叫佢地一路玩其他圖既,不過直都e+,我都有努力開其他圖希望激起其他vLan玩家既興趣,可能我就係更變[主流]既一份子 ?

嗯...講到呢度先吧,思路開始唔清晰了 有意見既朋友都可以講既,特別係鐘意信長既玩家xD,因為我可能真係對信長有偏見

以上係一個係vLan玩左6年左右既玩家既心聲