戰卍神

(你究竟有冇玩過 我睇你第一句已經知你係冇玩過 10lv肥起反殺42lv都講得出
你唔好再吹大d?條友企定定俾你屠? )
雖然7樓講既10LV反殺42LV係吹大左小小，但如果LV差距收返細既話，有反殺既可能性的確係事實係咪?
(加上隻game較殺數 點解42lv仲唔完埸既? 定係新版改左殺數可以較999?)
呢點我唔係好同意，大部份玩過呢張圖既人都知道LV的確升得快，係完埸殺數係80/100既時候42LV既長期戰鬥的確會時常出現。

(新手集合一齊行做肥料? 根本團戰唔夠打就係唔夠打 等級差距就係等級差距
根本無反敗為勝呢回事 識玩既放兩三招技秒完你行埋一邊等回技再屠過第2個打遊擊
你仲要一齊行 怪又食唔到 人又殺唔到 等輸啦真係 所以張圖逼人團戰咪白痴囉)
冷靜，新手抱團只係一個戰略，而且唔係次次出門口都要即時做係咪?
而且抱團亦都有佢既好處，當你幾個人見到一個人落單CP既時候咪可以做到低等殺高等既效果。
再者，低LV殺高LV係會有十分多既額外經驗，的確係一個唔錯既反擊機會。之後用返等級差距壓制對面都冇問題

(搶寶箱 請問點樣用戰略去搶? 識玩就識得召兵仔睇位or隱身周圍搵人殺啦
不如你教下d新手們點樣唔俾人camp又可以硬搶個寶箱? 我玩親佔上風搶寶箱時都附送唔少人頭)
呢度可以推薦比樓上一件好裝，叫白骨血爪，佢既效果可以直接扣到寶藏/稀有怪物一半既血量，比刺客用黎汁雞會做到極好既效果。

不過我都同意新手比較難接受到呢張圖團戰係易比人屠呢個位既，亦都係因為呢個位令到張圖流失左唔小人

戰卍神

(可能我玩既係舊版本 你唔講我都唔知有白骨血爪呢件神器
睇黎搶寶箱模式已經唔同左啦原來係玩鬥快 一人一個白骨血爪 寶箱都秒
所以我就話越改越膠係冇錯 加埋晒d咁無聊既玩法)
白骨血爪應該都係7.X前已經有的裝了，如果你玩既係落後咁多既版本，點解唔試下新版個環境先呢?
個個出白骨係白痴就見仁見智啦，呢隻GAME賣裝既回報係得40%都好似唔到，只為一個寶藏就唔要自己一個裝位係咪真係咁值得呢?

(佔上風果隊點解要落單cp唔可以團隊一齊行? 團戰屠多你鑊唔好? 即使落單去cp
又會咁易俾你班低lv殺到? 隻game不嬲係玩打遊擊 例如玩忍者 放兩野技飛個普攻埋去你都瓜左
1個屠你5個都可能仲得 又或者玩盾戰 硬掘掘一個拖你5個 識玩既壓都壓到你完埸啦
反殺呢樣野你講得太易 一開頭滅人一兩次團已經可以屈裝屈lv屈得好犀利)
呢個問題問得好，我覺得可以詳細講一講：
通常對面隊拎到優勢既時候，新手就會知道去中間係送頭(中間因為有得拎錢而多人去)->所以會走去CP->而優勢隊係呢D時候為左搵人就會散開而唔係抱團，如果唔係效率就係降低太多。所以CP期間見到落單既敵人亦唔係一件稀有既事。

之後下一個問題係，落單CP既人比一個團見到係咪真係咁易比人殺到呢?
基本上每個職業都有佢既控制技，而且某D仲要特別多(EG：騎士)
中三招都可以長暈到5秒左右，如果5秒一個團都打唔出2000左右既輸出，咁應該就係個團有問題而唔係隻遊戲太膠。

再講一講你提到既兩個例子：忍者同埋盾戰
忍者既大部份攻擊都可以被魔水抵消，隱身可以被睇隱反制，當呢兩個手段都冇哂既時候，忍者單一對團既威力實在冇你想像中咁高。

而盾戰呢，就係一個血同甲比較高既玩法
但，當盾戰需要玩甲既時候，佢既血量實在唔會高得去邊(比盡4000左右)
輸出高既可以打佢，打唔過既咪走囉係咪?
反正戰士追唔到人是常識吧

(非也,根本冇可能反殺 2轉點會輸俾個轉都未轉既人 就算俾你1轉又點
六件神裝打你一兩件神裝 技都升爆加點又加爆 咁都俾你反殺就好唔正常
普攻都a死你啦42lv既話)
非也，某D職業既2轉技對某幾種主流玩法黎講根本就係廢(如融影弓手，突進騎士等)，那怕差都只係差一兩招既時候，裝備能夠發揮既優勢我認為係絕對能夠超越到果1-2招技能既

簡單D講就係，控制技先係呢個遊戲既主導技能

戰卍神

(你講到佔下風果隊遇上絕境時發揮到無窮既力量咁
你真係當佔上風果隊死架? 2轉技你話某d職唔太勁 咁裝備上 技點 食物呢?
42級有可能輸俾20級以下? 根本普攻a都a死
仲有你講乜騎士控制暈5秒 你講得太簡單 你根本講晒 招技係自身範圍暈
唔近身根本暈都暈唔到 落單既唔識打遊擊咁容易俾你暈殺呀?)

你亦都唔好當到下風果隊全隊要無窮既力量先可以殺到上隊一個人咁誇張
我地之前講緊既例子係CP到6件神裝既20LV打一個1-2件神裝既42LV不是嗎?
裝備上明顯係20LV完勝，技點我亦不認為CP到有六件神裝既人會小得去邊(每隻CP1技點)，上風隊純一優勝既 地方就係食物上既優勢。
係22個書點大約只係等於2件神裝左右既情況下，比較點只係得返42LV既技能選擇較多同埋多一兩件神裝邊樣比較優勝。
而我覺得兩樣各有各既優勢，並冇你所講咁絕望無法反擊。

之後係騎士方面，眾所周知騎士係呢隻遊戲入面可以達到最高移速既職業，就我所知起碼有3招移速相關既技能(一被動兩主動)，學左2招已經可以做到最高移速既效果，開住魔水加行速衝埋去都唔算係一件好難既事係咪?

(玩法c 弓手你未行埋黎都可能已經被屈死
屠完一個仲唔閃人等技再屠過第2個?)

其實呢隻GAME入面比魔水克到最慘既就係法師  ，幾秒時間你覺得一個團隊殺唔到佢既話，我建議你可以試下出把裝叫藍精靈，效果係打人既時候扣佢MP，攻速夠快既話完全可以係果幾秒扣哂法師既MP，咁佢就連遊擊既資本都冇啦

(仲有你話魔水破忍者 忍者唔識開魔水破你魔水? 我開魔水a你唔死既話隱身行遠少少又得
開睇隱 你又知我幾時隱? 你秒秒鐘反隱? 俾你睇到又點 忍者遠攻 咁容易比你捉到?)

隱身行遠小小呢個話題就不得不提到睇隱既範圍啦，簡單D去講，睇隱既範圍係[施放者視野範圍外小小既距離都仲有效]，姐係話如果你隱身又想跟住我既，我睇隱基本上係冇可能見你唔到。咁當然如果你控到個距離真係岩岩好既話，呢D只可以叫技不如人(高手怒新手)，何苦呢?

(戰士追唔到人唔可以照追既? 追你班友九條街搶晒d cp睇你地點肥
你一應戰  咁我果邊都一定有隊友識行埋黎幫 滅你團都仲得)

搶哂CP呢個操作聽落好美好，但係先不論盾戰既行速唔可以令佢超過對面隊既任何一個人，跟實對面隊既話咪比佢地既術輸出慢慢磨，磨到一定血量就集火你架啦。
再者，盾戰既CP主要有兩個方式，一個係偏攻擊型既炎龍擊，呢個方法要靠人品爆，而且要睇範圍爆，靠汁既話實在難以汁哂對面既CP。
第二個方式係光環式，呢個方法十分穩定，CP打你2-3下就自己死左了，但一黎你要吸引到CP打你，二黎CP要打2-3下其間比人反汁雞既機會實在太多。

(總結 : 頭5-10分鐘定勝負)
呢點我同意一半，係少於80殺既情況下，頭5-10分鐘可以帶黎既優勢的確好大，至唔至於定勝負我就有小小保留。
但如果係80+殺既情況下，稀有怪物/大寶藏，角落4龍等等既元素都可以帶黎唔小反擊既機會，而且優勢隊為左保持優勢提前轉職選擇技能之後，佢地既技能組已經固定，好易比人針對返。呢D位都係反敗為勝既轉機。