期待已久既呢一間 七本日本料理
前幾日終於去食喇(09年7月30日)
地址睇圖有了
我想講既重點係d野食
呢間野最好既係: 叫夠$50即可以$20食半磅三文魚生(即係兩個人其他非特價野夠$100可以叫1磅),計落想食魚生既最平應該埋單=$77
一個定食大約40~70啦,就咁一個麵/飯就大約30~60
仲有ok多壽司揀...每碟約20~60
個日我叫左 金菇肥牛定食一個,花之戀一客(兩件),吉列豬扒定食一個,半磅三文魚生
埋單$172,我覺得唔太可以話"物有所值"
其實除左三文魚生其他都麻麻...
食左幾件先記起要影相
先講我個金菇肥牛 都唔錯,呢個價錢同味道成正比既,$50
口感好好,可惜既係牛肉味冇乜...
個汁都唔錯
淨係計金菇肥牛,由價錢,味道,份量,等各方面評分我會比79分(100分滿分計,50分=普通)
但係!
如果計埋定食入邊既飯同湯既話...我打盡都只可以比38分
湯就間間都差唔多,呢間唔算太差既,但唔可以話好
飯就真係omg喇...
睇住同我一齊去個朋友...食左兩啖就冇再食了...
的確...d飯好難食,揩口,乾身,我覺得係局得唔夠耐
我睇得到佢d米係幾靚既...但係真係入唔到口
再講花之戀
相比加太賀的不值一提...
唔記得大約幾錢了
但係只可以話佢呢個跟本可以話係一碟三文魚+一碟沙律醬飯...
夾起易散,而且又唔係話大件...真係唔明佢點搞-.-
要比分,唔考慮價錢部份我都只係話50分,是旦整都有既lv
計埋我比佢43分...比普通差少少啦
到個吉列豬扒...
同d飯簡直係天作之合
雙劍合壁後可話係最難食既野食
d炸豬扒層粉比肉厚,肉質似香口膠,味道?只有油味
我諗...30分都比多左佢...
唔計價錢既話都可以比35分既...
最後要講既當然係三文魚生
可能因為黎既都係為左呢個,快靚正
厚薄程度我都覺得岩岩好
如果唔係話要符合每人夠$50先比叫呢個規定既話
可以比到佢86分既...
後記
我睇下周圍既人其實都係食麵
早知叫d麵黎試下啦,應該會好過d飯既!
間野都幾爆棚下,魚生平嘛
我覺得呢間野只係刺身好食
可惜只係晚市先有三文魚生既優惠啦
成間野連埋服務質素等等既評分都可以比65既(味千拉麵係一間我覺得50分既野,大部份茶餐廳都係50分的)
推介程度由0~5咁比,0係極唔推介去食,1係冇話好唔好,5係一定要去試既話
大概2.5啦,三文魚生救番曬d分!
我會再去既~但可以試多幾間唔同的...
==========================================================
下次我想去 鐵板超純和風日本料理
組人去~~~
可以睇下其他人對呢間點睇:
http://www.openrice.com/restaurant/sr2.htm?shopid=6344
拎黎網聚去下都好
