vkboy

只要有心 人人都可以係食神
其實打l4d 真係靠耳多過靠眼,用眼 就要心眼去睇V.V
想跳射hunter 一般真係要靠經驗同埋練習,我e加都唔可以百發百中
得閒自己打街場咪多d練習下囉, 如果隻hunter撲你既 試下大膽d 唔好推,喵準少少先射(最緊要中頭) 如果隻hunter唔係撲向你,作干擾戰術既,由佢跳果一刻望清楚,喵在他的最高點開槍(hunter飛到最高點 係空中停留最耐時間既一刻)  只要射中就可以,因為一般唔係飛向你的話,你好難真係一下爆到頭 今堂教住咁多先

vkboy

無用　打到上去，就係鬥傻B少，唔係鬥高手多，邊隊白痴少邊隊就嬴
街場d人　夠膽死 係3個隊友中間被hunter撲中，綠血　直接挖到死亡．．．．．除非你練神推，除左神推都無野好練．．．
見你救人快　封位準，就會4隻怪圍你

[ 本帖最後由 vkboy 於 2010-11-17 14:11 編輯 ]

vkboy

講真...打街場真係練花式...練唔到技術......最多做鬼玩下hunter高撲 做人玩跳射hunter
但基本上真正實戰 都唔會玩高撲,爆hunter唔係唔會既...但都會推左先囉

街場:做鬼d人逐隻出唔等,無合作可言,做人d人又唔配合封位,一樣都係無咩技術可言
你一個人 最勁都好,都唔可能分開企係4個點到封位.....所以只可以練反應

vkboy

引用:

原帖由 Jerry-___- 於 2010-11-18 12:50 發表
邊個話練唔到技術
同街客玩佢地逐隻出  甘點解你唔配合人 要人配合你? 你cover人唔得既  搵岩一隻黎cover傷害都高-___-
做人走位係練拉屍技巧 各樣各樣(自己領悟) ...

兩隻出,同4隻出,傷害,係幾何級數上-.-"" 2捉 係兩個人救兩隻 3捉係 一個人救3隻+boom屍
而且打街場你會發現想搵人cover 結果佢地全部 智障地一早復活定被人 聽聲 穿牆打爆哂....結果你呆企左一分鐘 都無一個隊友成功撲到=.=

vkboy

引用:

原帖由 Jerry-___- 於 2010-11-18 15:40 發表
有甘既隊友-_-你可以選擇玩轉數做單丁   玩得街場你都無得怪隊友嫁啦=]
我地以前玩係俾人xyz   屎忽開哂花花草草  
想人地知道自己個名  愈玩就愈突出  愈突出就愈多柒野 ...

真係都幾愁....每次被感特捉到,最低消費40血...綠一捉中就黃,黃一捉中就紅......
有時boomer盲左你兩個隊友....一隻hunter捉住,綠血放血放到死都唔識得救...好似真係可以盲哂咁.....完全一個人呆係角落唔識救
所以打到好火,...e加除左FD場 邀我入 其他街場我都真係唔想打,一係就擺明入去玩野(對被人chr左既隊友,係咁幫佢推背XD!!!!) 不過fd場都係隨機分隊多...所以好想搵幾個組固定打

[ 本帖最後由 vkboy 於 2010-11-18 15:51 編輯 ]

vkboy

有咩唔明咪問 其實我都想指教下你....可惜vlan 好似仲未跟到更新進度Q.Q
不過如果你以為l4d 做人 講槍法 考反應 就大錯特錯,
想救人救得快,唔一定要反應快既,只要你個槍頭長期喵準住隊友咪得囉XD(唔係同你講笑嫁)
戰場第一定律,被攻擊者有權決定攻擊者的位置,你槍頭對住隊友,無論邊隻怪捉佢都第一時間救到,就算smoker拉左 都可以第一時間打斷條利

vkboy

其實做人都好講合作,做屍講合作(時間上同步 最好boom盲左之後,3捉同步到位最殺食)
做人都講合作 而重點係空間上面,除左用自己視野封鎖屍的復活位外,一般情況下都優先站在牆邊or角位,一般大家知都站角最安全(只顧兩面) 站牆其次(要顧3面)
安全狀態下一定要4個一齊跑 就算暴跑都要跑,邊跑邊射
戒備狀態下盡可能保持兩動兩靜,兩個靜態ctrl左 喵準定隊友 or 重生位(有時候我地用視野封復活位,會刻意留下一兩個位唔封,引對方復活 然後用槍camp住)兩個前移,去安全的角位,就輪到後面郁

咩叫安全狀態 咩叫戒備狀態?? 殺左兩隻捉以上,為之安全狀態,當然殺哂4屍最好,但有時對方未必復哂,殺到兩隻捉就已經安全,因為l4d2避免了1代的秒殺情況,所以極限只有3捉。就算被boomer盲左,or自然屍暴都一定要走,唔走打屍暴既,當你打完d特感又復活,只會無止境被殺。安全狀況跑15秒左右,就可以開始慢返落黎 進入戒備狀態,直至再殺掉對方2捉以上為止

另一個情況係好多新手發現屍暴時,被人係咁摸個頭,支槍歪到7彩,點救人呀?!在這裡記住一點,自己既屍用推,隊友既屍用射.這一點好重要,喪屍圍你,除非你係死角,就算你靠牆行,都有180度既屍群打你,更別說在空地是360度,你點樣搖點樣甩槍 都無可能一排彈,清哂所有屍,但相反,如果你幫隊友清屍,你既掃射幅度可能只係5-10度,用機槍基本上,十零發就可以清哂,就算lv1槍 打半排彈 乜屍都可以清哂(除特感)
所以如果兩個人中左boomer汁,大家推開自己d屍,幫對方互射,同各自清自己d屍,速度可以差成好幾倍。

咁可能你會問　「我幫佢清完屍，佢自己走左去唔幫我咁點算呀??」咁就只可以證明對方真係一個新手，你自己自求多福．．．．，所以你反應慢，你被屍群圍　拍頭拍到你支槍救唔到人　絕對唔係你既錯，被屍群圍左，同被特感捉到其實情況都係差唔多。

所以做人最緊要識得分什麼時候要跑得快好世界，什麼時候要camp復活位　咁你就會好安全到達終點

vkboy

p.s.安全狀態,一般都是散彈帶頭衝 一直向前發炮開路 (跑第一個既人一般都係磁石人吸哂d屍) 其他囉機槍既跑兩步就ctrl低,幫第一個射哂左右兩旁既屍,再繼續衝
當然唔一定係散彈先可以帶頭跑既,因為我都唔識用散彈 亦都好鐘意成日衝,咁就要靠推,一般任何情況下都是,推自己屍,射隊友屍,永遠錯不了

補給品 汁唔汁其實唔太重要,對於新手來說,最重要是,你要確保隨時知道3個隊友的位置, 只要你知道3個隊友係邊,就算被boomer盲左一樣可以救人,這亦都係點解高手接近無視boomer既原因 被人盲左,立即衝去隊友旁邊 因為一般,boomer一盲,其他3捉都會立即出,你隊友九成九會中招 你被人盲左,立即過去,如果隊友被撲左,你都識得救(盲都唔係盲哂,近距離無可能救唔到),萬一撲中你,咁你隊友,又無盲又咁近,亦都一定救到你

等boomer d屍清唔到黎到,你先立即衝去角位or牆邊 清哂佢盲搞掂 (當然如果你隊友醒目既,一見你盲左,就會陪埋你一齊靠牆行)  至於spitter 一般都係等hunter or charger 撞左先噴,一般都無得避....如果hunter 同charger 未撞 佢就已經早洩左既,你聽到聲先跑開都黎得切...... 至於你話,走埋一齊,會唔會被charger一個抄飛哂....講真,你盲左,就無得避咁多,無盲既人避開charger 撞中你一個,又唔傷得幾多血.....佢要係白痴避唔開隻charger 你亦都管唔黎

都係果句,對於d嬴左敵人,輸比隊友 既悲劇玩家 致以最深切既慰問

vkboy

聽聲穿牆e d唔洗教,直路就盡可能貼牆行 不過轉彎位記得一定要行大外檔 防止特感轉彎位伏擊你,行太外檔過彎 用視野開路先,等佢復唔到,就算復到都有一定距離 有足夠時間爆佢頭

做鬼既話,唔洗唸咁多,4屍人齊立即做野,除左witch位同埋秒殺位(跳落水渠返唔到轉頭果d位)可能勉強留一留博秒殺外 其他所有位,人齊即做密食當三番,有boomer 優先,一盲左 3捉立即上 唔洗唸, 唔好以為係d咩陰濕位,危險位到做,就一定可以大傷,如果你成日想等陰濕位做,你會發現成場靜係睇人行,因為每關e d咁既位唔會多,而且你遲遲唔復活,被人聽到你出咩怪 有咩組合自然會估到你想做咩野,一早準備,打住牆角穿牆黎過彎位,你乜都做唔到  一盲+3捉,捉到盲一件,捉兩件,起碼都交到30血(成功捉3件,肯定紅一件)所以多復活幾次,食多幾次糊,一定仲著數(做人要跑咁快都係因為唔想被你復咁多次)

spitter 唔好留,4怪一出,spitter噴完自己衝上去自殺,spitter係後面噴完唔死跑返轉頭用e位復活,e d 技術係人都識,你噴十幾獲都唔死,唔代表你特別勁,只係代表你特別
1boom1spit+2捉,得兩隻捉人兩個人救兩個人 盲俠救人都無壓力 1spit+3捉,捉到又如何,無屍無盲,1排彈,殺3隻鬼,打靶咁樣打,spit一定跟char or hunter搵食,被你叻到盡都係down一個,1盲+3捉,成功捉到 對面1個盲俠要救3個隊友+清屍,起碼2黃1紅你話邊個惡

witch位,如果係幸存者,路口一出黎 轉彎立即見到witch smoker可以預先復定立即拉第一個開witch jockey仔都預先復定,係轉彎位後一個身位準備(防止對方穿牆角)騎走第二個 防止對方打斷條利 char仔留返後面等復活,萬一前面失手,立即後面抄上黎博嘈醒隻witch

如果witch係大空地,一般都可以無視佢,一般有狙擊,M16,AK,3連發,是但一支都可以慢慢喵準爆你頭,所以唔好咁 企witch後面,博被人除非對方用level1槍,jockey就可以企witch前面,幫條女抓下背,你無睇錯我無打錯,企係witch前面 唔係後面,你企前面萬一幸存者睇唔到witch 打中你,穿牆中witch一樣搞醒佢,就算佢醒目唔打你,都無辦法準確喵準你,因為佢根本唔知道你後面隻witch幾時昂高左個頭,相反,你企條女後面,佢睇得清清楚楚,邊個位可以打邊個位唔可以打,等條女一低頭,佢就爆你頭
你唔好以為人地用level1槍粒準星差,就唔敢打你,用手槍ctrl低左 粒準星同M16一樣準

我知道用機槍or狙擊 係有辦法遠程殺witch 在特定條件抵下打witch 第一槍打頭有機會射暈條女3秒(因為我試過,1,2代都試過)但係確實既條件我都未肯定,好多時候都失敗,但偶然有成功既例子,這方面有待大家去驗證(當然我都希望有人開場比我做下實驗)

希望e d文章可以幫助到大家對整體實戰力有所提升啦,成日蝦新手其實我都覺得唔好意思(其實唔想同新手一隊ja) 祝大家好運

[ 本帖最後由 toto345618433 於 2010-12-1 07:31 編輯 ]