｜LoSeR｜Max

我今日出現左兩個身份
1.評審
2.觀眾
先講講作為評審..
第一次主持vlan最大型比賽 但就一點緊張感都無
可能因為4強既人 都差唔多係見慣見熟..(8強比賽果陣 因為我發緊燒 實在太累 所以訓左 係度同各位評審同三管致歉 )
好彩既係 朋友們都知道我今日既身份有所不同 大都聽從我講既野..
最可恨既係 觀眾們不停迫入選手既比賽區域 完全唔聽我講 最後我都放棄
跟住就係我最想講 作為一個觀眾既感覺..
但要講返我少少既往事
大概幾年前 第一屆vlan盃 我代表住｜LoSeR｜ 戰鬥數十場
最終以全勝紀錄奪冠 好不威風
亦都係我其中一次最自豪既比賽
尤記得 果陣我地果陣組合 永遠係以技術搭以默契取勝
到今屆比賽 我在公在私都好 其實我都好想秋風拎到冠軍
係我眼中 睇秋風打機係一種視覺上既享受
因為佢實在係好有技術 好勁!
作為佢曾經既敵人 而家既好朋友
我都覺得今日絕對係一個悲劇!
請恕我直言
今時今日既信長 實在係變得好悶
而家根本就係為勝利而比賽
完全無左切磋 挑戰等等既成份存在
或者有既 但我睇唔到囉
尤其係決賽最尾一場..
見住武田大技硬推 百地巨龍仲要加粒血鋼(不如建議作者將神原改埋中立等大家都可以用啦好唔好?)
無可否認 你地吃兵係好強 推塔意識可能甚至係最高
但我黎唔係睇你點推塔 我真係想睇一場技術型既比賽
推塔我地唔識咩 我地係想睇你地高超既個人技術!
我第一次睇比賽 真係悶到訓著左
我唔係想踩今年冠軍 但作為一個觀眾 我諗我絕對有權去發言掛?
我希望 下年比賽係拎人熱血沸騰 冠軍係可以令到亞軍完完全全咁信服
而再唔係沉沉悶悶 義龍長宗百地信玄無腦硬推

P.S.
今日都算收到戰利品 多謝各位係我件衫上面寫左名既朋友

｜LoSeR｜Max

所以我由頭到尾 只係認同秋風一人
我從來無見過佢玩百地會血鋼巨龍
從來無見過佢會淨係識無腦洗兵
我只係覺得 時代變左
我仍然係一個唔肯追上時代
過份文塞既人

｜LoSeR｜Max

你點樣知道佢曾經諗過想無腦食兵=.=?
btw 話不投機半句多
你可以為你地得到冠軍而感到驕傲
而我絕對唔會因為咁既決賽而感到刺激

｜LoSeR｜Max

如果我以足球黎用比喻
冰島無疑係摩連奴時代既車路士
成績無可挑剔
但就係沉悶 無樂趣
冠軍 你可以獲得
或者你會話 十年後仍然有人會記得你係冠軍 不過就唔知你打法有幾悶
但今時今日 你地仍然得唔到好多觀眾既掌聲
相比起
小弟我仍然係喜歡巴塞 阿仙奴等等以攻為守既球隊
但願日後會再出現一隊地上最強
再出現一隊以攻擊令所有對手屈服既隊伍