[Open]
[Close]
請借位來放下小弟的心情..
今天 我睡不了
我面對了一個恐懼
獨自面對一個埋藏於我心底接受四年既恐懼..
經常係別人面前裝大哥既我 都要倒下(w)
好難堪 好辛苦 好痛
其實我好想人了解我 好想人明白我
自小就完全感受唔到任何家庭溫暖既我
實實在在好想好想試下比屋企人錫 關心既感覺
我開團 叫Family既原因 大概因為咁..
唔知幾時開始 我變成朋友身邊既垃圾筒
只要佢地有唔開心 都會將佢地既不快放哂落我身上
當然只係屬於傾訴..
曾經有人試過去了解我..
不過連自己都唔了解既人點會明白其他人諗咩?
好孤獨 好寂寞 好冷
我認識一個人 佢唔算得上係我既朋友
甚至可以叫係我既敵人
因為我想要既野 佢永遠都得到 而且仲唔會留底線比我..
我經常諗
如果我同佢唔係永遠站於對角 我諗我地兩個一定係一世既好兄弟
我認識一個人 佢算係我最好朋友
佢永遠比我幸福 因為佢根本唔會嘗試到我既不幸
我深愛一個女人 佢傷得我好深好深..
深到就連自己都唔清楚究竟幾時先到去到尼個悲劇既盡頭
我鍾情一個女人 佢令我非常心痛..
因為佢連自己都仲未接受到 一直永遠將自己埋藏係過去
其實 我真係好細膽 好無用
好多事都唔想自己去面對..
只不過係世事迫人..
我都好想有d咩事都跑去爸爸媽媽懷抱入面大喊一餐..
但就一次都無試過..
可唔可以唔好再係我面前講屋企人有幾煩有幾煩
我真係唔Q明
完全唔Q明阿
可唔可以唔好再同我講邊度好玩
我搵錢係用黎養自己
有多餘錢我都要留黎下年讀IVE夜校
我真係無其他人咁幸福 我返少一日工甚至會連飯都無得開
可唔可以係話人25仔之前考慮下自己做過D乜?
老老實實我重情你不義我可以點?
我真係有好多煩惱..我只係一個19歲既小伙子
有好多事我仲未識去解決 去面對..
可唔可以唔好再迫我去面對阿
我都想同我將來既小朋友講我細個果陣有幾幸福
而唔係我細個有幾辛苦!
我好少會唔甘心..
因為我好明白 任何事都唔會公平..
但 最少也給予我繼續走的原因好嗎?
最後了 有一句係同敞團Family既兄弟們講..
小弟近來可以心情會極差..希望你地可以原諒我尼一排接近無賴既行為..
如果大家將本文完全看畢 我需要感謝你浪費不少時間
睇到多字而唔想再睇落去既朋友 抱歉了
我文筆差 吸引唔到人
尼篇文唔係d咩驚天動地既信長教學..
只係小弟將心情完完全全發洩出黎..
