salem

4.7普攻汁尾刀
要考慮幾個因素：1遠英定近英，近英一點即攻擊，出手較快，但要走來走去走去無血既兵仔度。遠英就舒服d，吾使行去身邊打，但就出手時間耐d，有飛行時間（出手到打到兵仔）
2 普攻數值 有d英普攻高d（力英）相對就易汁d，遠英（馬岱初期）就比較難。
3 兵仔既相互攻擊情況 每個兵仔被對方幾個兵仔攻擊同時睇買兵仔血量減少既速度。
所以綜合來講初期汁尾刀時要有耐心，因爲兵仔初期攻擊低，20-30左右，血量減的慢d，等兵仔剩1mm左右血時出手，遠英就早少少出手。中期就1mm-2mm左右，後期高攻（150up）就再多d，3mm左右，當然吾係甘准啦。吾通打陣時仲羅尺度，以上都係講一個感覺者，多多自己開圖練習下就識了。
無人干擾下汁尾刀熟練之後再經歷有干擾汁尾刀、同自己隊友搶尾刀、一邊壓制或者反壓制一邊汁尾刀、一邊壓制或者反壓制一邊汁尾刀再加TK。
一步步來，能夠完美做到最後一步，相信你離高手就好近了。
到時如果你有更好既心得，吾好忘記上來同我地分享。
至於技能汁尾刀，以範圍技能來講，要清楚自己技能傷害有幾多、範圍有幾大之後普攻兵仔到一技即死既血量，然後放技能，都係盡量一次汁多d兵。如果帶暈既範圍傷害技能建議係有把握既情況之下施放。技能汁兵初期又要考慮自己既魔量，戰綫既推前等好多因素，後期就無甘多制肘了。無團戰時快快趣技能汁一兩波兵走人，以防分分鐘被人圍（路人團）
技能汁尾刀仲有個常見既情況下使用，就係己方被壓制得好嚴重時，通常見到既有帶索比面具既大夏用第一招汁兵。
以上只不過係一個大致既情況者，具體去到邊個英雄，採取既方法又有相應既變化了。
今日口水多左d，歡迎樓下各位補充及指正。