花小奶

自從lol推出之後

玩信長既人都變少左

打團戰既人都一樣

而vlan團戰計分方面真係變得好冷淡

以前招計分,一陣就會人接

但依家唔好彩的話真係成日都冇人接

所以我提出少少個人意見

希望等玩家們重拾返對計分既熱誠同新鮮感

(1) 重洗vlan計分榜

原因:唔知幾時開始自從計分開始冷淡後,計分榜既排名一直都冇變過

頭十位既隊伍大部份都已經退左信又抑或又再打計分

(2) 實行「洗Rank制」 好似舊式制度咁 但就每個月洗一次

等d新團隊都有機會爭奪第一位既機會

(3) 如上,每月勝出既頭三名隊伍都可以獲得VIP,勳章

例如:好似第一名就送5或7名vip(一個月) 至於送比邊個則由團隊隊長自行決定

第一名送一個月我就覺得岩岩好,因為一個月後會vip消失

自然佢地會係下一個月既賽事努力

勳章方面,好簡單,就類似英雄賽一樣,由vlan頒發

分金,銀,銅 意 三色,意第一位,第二位,第三位 圖樣一樣

同樣地一個月後自然消失,增加罕有性

如果好似英雄賽咁永遠存在,久而久之會變得無乜意義

假如一個月有三隊可以獲得頒獎勳章 一隊5或7人 乘於3的話 15或21人左右

若干年後,就通街都係 咁就會變得無乜意義

(4) 設立一個子版或母版 記錄下每一個月頭十名團隊的名稱

一來可以作一個記錄,二來可以當一個藉口來搪塞反對者

相信重洗計分會引黎,一直名列前矛既團隊反對

所以設立一個記錄,一來可以證明他們的努力沒完全被抹殺掉

二來可以安撫他們

照copy返我之前既意思先 (看回覆中....)