斷玉

引用:

原帖由 SpaWN★ 於 2014-4-7 17:18 發表
人地係反對佢通過服貿所用既方法(黑箱作業)呀

而且服貿弊多於利 你估人地台灣人係好似香港人咁見錢開眼咩

再加上台灣反共思想係根深柢固 唔係某D順民咁有奶便是娘 ...

本來打左一段野...唸下都算...
決定超簡單化算啦

物極必反~否極泰來
社會本來就歷經無數次高低起伏

斷玉

我只係講事實
你既然都斷言講香港人見錢開眼
咁仲有乜好講姐...

人地就係要搵食
可能你衣食無憂~不愁三餐溫飽
你當然可以大條理道爭取你口中所謂"大義公義"
又想事事順境~完美主義下解決所有問題
我只係覺得呢種人...呢個世界和平得制...搞到人真係食飽飯搵屎痾姐....

最樣衰係....唔夠人錢多...就話法律有錢人玩哂....話人官官相護等...
人地窮...無啖好食...為生計為家庭....又比你地講到為左錢而失去自我...
你地呢D人仲識乜？憎人富貴~又厭人窮囉....

你係咁把炮的話....麻煩你是但落一區
叫人唔好幫其他國家企業打工....更加唔好賺內地錢...
之後話你出糧比佢地日日陪你反政治...算啦...你又無呢個本事...
唉....去拎綜援啦咁.... 弊啦....又比你地媽叉話食殘廢餐囉...
死啦...咁點呀？咪一句講哂囉...."乜叉都你講哂"

抽人水唔係問題
但請自量之餘...仲要考慮他人情況
唔好意思...兜口兜面串到你咁應...
當我扮正義...為天下間辛勞中的父母說話
生活已艱難...錢銀左度右度都算...無比其他人體諒都無乜所謂
仲要比你呢種人永遠只係識係電腦背後大言不慚話見錢開眼
你做人真係仲有少少羞愧之心就好心你出少句聲..玩少D針對...面係人比...

斷玉

引用:

原帖由 SpaWN★ 於 2014-4-8 19:44 發表
我都只係講事實
根本係香港9成人都係錢字行頭
咩野都以搵食為理由 為左搵食可以出賣所有野

第一唔夠人錢多同話人官官相護有咩關係?
我不嬲唔計較人地係有錢定冇錢 我只係計較做得好定唔好 岩定唔岩
第二我有話人地 ...

一野就車埋去講人見錢開眼~
我就真係睇唔出你有幾係人地身上考慮囉

你呢種人唔係憎人富貴厭人窮~仲係乜？
搵食姐.....有乜好出賣唔出賣？唔好講到好有本錢~無左你出賣就好似唔掂先得架哥仔~
重點你又係咪咁Q多野賣？而人家又咁想你賣呢？
而家有殺人放火咩~？而家有偷呃拐騙咩？定係人地搶左你飯碗？
做人唔先為錢~為生活~為家庭~為子女~~
唔通係度講為公義？為道德？為理想？
你咁有本事~你咪搵呢D野黎填肚練仙囉~我洗咩理你經歷~
而且講到自己咁Q有經歷~咁你就更加識得體諒水深火熱之中D人~似乎又未必係咁

打份工又比你講到乜叉都出賣哂...你又唔鍾意..咁反感
而家唔做野~去拎綜緩...你又唔Q比...
呢D唔係叫你講哂佢...又係叫乜？
定係你自己做緊全香港人老細？還是你已經斷手斷腳拎緊綜援？
你係二選其一者...我咪認衰仔...你講乜都係有道理你岩囉

講到自己好似幾有道理之前...
講到自己係好高人一等之前...
真係再次唔該你自量一下先~
係我眼中...人始於係人...有好有壞
真係拎住本特區護照同本地身份證..又或者拎其他國家護照~就搖身一變？
擺脫哂人本身所有劣根性？你覺得你係咪你係囉...
你要自命清高...邊個吹得你脹？你估真係有人咬你食咩

呢個世界就係咁多人需要用錢為生活~
我地凡夫俗子就係咁低賤~
你咁唔順超~你咪去快D升仙~用最神聖眼光...去鄙視我地係人世間出賣魂魄偷生囉:handshake
你繼續做你最高尚之人...我都唔再講D乜...最緊要大家記得大家自己講過乜~
唔好轉頭大家各自講一套做一套就好了...
我就繼續出賣我自己搵錢~你呀？老實講我真係無興趣知~:handshake