斷玉

小弟不才
前幾日去左dubai旅遊
而家人在london，聽日會過去cambridge
再過幾日，就會飛埋去paris先會返香港

小弟我從來都無唔先尊重任何人，
除非有人先唔尊重自己，我都唔會客氣
大家當我係偽君子黎都無問題

呢個日，我深深體驗到，vlan有幾多人廢話係幾多up得就up
講到外國人天上有地下無
中國人就好似賤過地底泥咁
你地到底睇到?聽到?定感受到???

斷玉

又無啦啦跳左上去，拉唔返打字最底，
谷住先發帖，ok，繼續

香港人貪錢??見錢開眼!?
唔該自己走去問下dubai mall，入面條食蕉，有幾睇唔起我先
未買飛去enjoy個aquarium果陣，條食蕉有幾好態度同語氣先
影幅外牆姐，喝狗咁喝，一買完飛行到佢面前，笑到好似第一次見返我咁
呢個世界，邊度唔洗錢??

中國人最唔守禮??外國人好節制自己!!??
我好記得有人話自己係外國住左一排，加埋都見唔到有人衝紅燈等等
麻煩都係自己去london各街各巷用普通語問下佢地係咪外國人，或者我眼花姐
你都知啦，而家都講過老花都唔係老人家專利

斷玉

唔好意思，又跳左，補充修正一下
上面係講加埋唔夠衝十次紅燈

中國人最鍾意搶野!?
人地搶我地d資源之前，都叫行得正企得正
大部份時間都叫你情我願
你地真係要去big ben附近睇下同問下乜野叫被人搶
d鬼佬化妝完，就等你地無啦啦想影相，就攝埋去，
之後懶係fd底咁纏住影，繼而老屈比錢，幾多人中招!!??自己去問

最正係今日聽到一句，
係我岩岩由tower of london個exbihition出黎無耐
咁岩係隔離聽到幾位香港老人家講野
其中一個就話: 搶野，英國佬乜野都搶架啦，你睇連屍體都搶，你睇大英博物館就知，木乃伊都係度
我心唸:打仗唔搶野，咁仲乜打仗!?
點都好，係搶?係貢獻?大家自己去考究同判斷!

斷玉

其實今日最令我覺得可笑地方係
有好多人講到係"香港人"非"中國人"
fine，但原來係外國人面前原來都自卑囉
今日坐船，由westminster去st. katharine，
因為頭站，又星期一，無琴日星期日咁見到咁人山人海坐
加上係中午時間，甲板都係得7個人8個人
之後下一個pier，係我後面黎左三個女人，係三個香港女人
應該一家人啦，都叫有老有嫩，如果年齡有錯，請當事人通知我修正
本來好地地無乜野，佢地影下相，廣東話傾下計咁
好啦，再過多個pier，人突然跳增，咩事?轉channel講英文，我都笑q死左，
係我隔黎應該跟團人，有港人同內地人，佢地都係圍內都用自己母語，
偏偏有d人以為自由行，講英文會變得high class d?會變得受尊重??
唔好意思，我唔覺，更加比人睇死多d

斷玉

最後，大家覺得我亂發up瘋的話
可能造成大家都變得道聽途說的話
完全唔值得相信的話
請自己去感受下呢個世界
我人生仲有好多時間去認識呢個世界
斬釘截鐵咁認定自己係正面立場，邊個知岩定錯
我眼見未必係真，耳聽未必是對

可以選擇的話我都想有d係我睇錯聽錯
無奈，人始終人係人，要高高在上根本就無可能
大家有能力的話，出去見識下呢個世界會見到好多野
是非黑白唔係數學題，無絕對對錯
中間一樣存在好多色彩，一樣存在灰色地帶

斷玉

大家覺得難睇難聽可以唔睇唔聽，
反正係唔岩聽，唔岩睇的話
排版排到繞飛，自然都唔知點解都會厭三厭四
反正用電話打字，盡力左就由佢

放心，我唔需要雄辯d乜
呢個世界人就本來有好有壞
有人覺得最衰最差果d係中國
最好最正果d就係哂外國
永遠將自己人或地方睇成黑色，無視其他顏色
又將人地睇成白色，
繼而無限放大各人之"長"
我有咩辦法改變大家去以咩目光去睇呢個世界d人
似乎無權無義務要我去咁做

如果咁唔好彩咁岩比我睇到呢d事情
大家咪黎媽叉我話我斷章取義，以一一一一一小掫人咁醜化外國人啦囉
我有咩所謂呢，反正我唔會武斷其他人點點點
而家分別何在???人就係人，多數??少數??邊個統計過??
人地好，我地一樣有
人地衰，我地又係有
大家最終用咩眼光去看待呢個世界，就留返自己決定
我自己眼睛就係一對，睇野就係立體d野
我暫時未有能力將左眼右眼分開去睇事物

斷玉

我覆緊果陣係未見到你留言= =
而且我已經一行一行咁打
我已經無好似有d人，連分行都無
我都明白一大堆字係難睇d
我只可以講句唔好意思
我都有行程，轉頭落去食埋早餐就會閃人
打字都係急急忙忙
點都好，將就下，多謝每位肯細心睇完d人

至於會唔會再重新整理，目前好難做到
因為我都唔知點解，手機打字full左之後，
自動跳下一行果陣，一唔小心按到上面d字
就拉唔返最底，所以我只係一直咁打落去
又或者過多幾日，返黎先再正式修一下

斷玉

有個好心侍應，就算過左10點半，都照為我同屋企人服務
可以享受下英式早餐

意思差唔多啦
至於點解有其他標點符號
始終打字見唔到語氣
我用第一身去講，理解都會有所出入

大家可以代入我角色
又或者以以上陳述角度去理解都ok
唔該哂

斷玉

咁我唔會否認以整體質素黎講
外國人係遠遠係中國人之上
教育差距實在太大
但我地都無辦法否認新一代質素係度進步中
繼而反觀我地自身香港
你地又有無十足把握，實牙實齒咁講我地新一代都持續進步中??
十年??二十年??三十年???
慢慢拉接水平之後，我地仲可以自我感覺良好認為自己遠超於內地人??
到時就真真正正比其他人恥笑我地固步自封，坐并觀天
呢樣先係我真真正正比較擔憂問題
呢個世界一直都係玩緊龜兔賽跑遊戲
唔好以為自己企係前面，就唔洗後面對手追到有幾近
只要對手一直跑緊，你懶懶閒，結果係點???唔洗我講都知

斷玉

有一點似乎大家搞錯左
我唔係要為內地人抱不平
我而家係鬧緊我地自己香港人

明明相同事情，相同結果
只要發生係內地人身上，拎住免死金牌都無
總之就一定判人死刑
內地人係香港做出種種不雅行為
當然唔抵幫，明明有問題，當然要指正
最弊係，我地有d夜青都當街大小便呢
無人捉，無人拍，就以為無??你地可以選擇性痛罵人地不是
我就真係無咁好面皮講我地好高高在上啦
有問題係要解決，而唔係貶低人地黎抬高自己
人比人，比死人，見高拜見低踩，大有人在

你地認唔認自己係中國人有乜所謂
我只係覺得上述講呢種人，唔好係度認"香港人"
呢種人，一樣係度影衰哂我地香港
一係最好連香港人都唔好認，任你地彈三彈四邊個會理你

斷玉

你呢種講法咪就係正正我想講的差勁行為囉
無直接指出就代表無暗示????
你太睇小文字威力，定係你太高估香港人心態???
覺得人地係文盲耳聾???
有幾多人係咩心態去不斷抹黑內地人，請心照
當然，今時今日上一代內地人咩料咩質，大家更心照
香港而家開口埋口都彈三彈四，又好神奇無彈外國人，唔知又點解呢，請賜教
同比自己質素差d人，有咩好比???問題永遠挑剔唔完
香港人真係咁有quali的話，認認真真咁同外界比嘛
一味咁製造內憂，但又解決唔到
社會一直都係由"能者"支配住
如果大家覺得自己係"能者"的話
就請嘗試去支配係你地口中講到一文不直的"無能者"內地人嘛

以一個痴線上帝言論去喋喋不休的話
香港本土唔少人都以為自己係人中之人tim
只係一個痴線講出口，一個自封姐
一個痴線夠你地講一頭半個月
咁我地果d真係可以講到香港淪陷都未講完

斷玉

講到出口
我都唔怕認
你地咁q高班，我都有本事貶低你地
你地都係不外如是姐
正如我係人地眼中都不外如是

我呢，就一步一步向高處進發
你地呢???向下踩住落梯級 以為向上爬???
點都好，認屎認屁唔係我呢個帖目的
都係去返雙重標準呢個問題 好d

人總會有雙重標準時候
盲目咁批判，對事又好，對大家自身又好
似乎都好似無乜走前過一步
寬己嚴人個個都識，個個都試過
但至少起碼，對內地人又好，對外國人都好
一視同仁，以嚴謹態度去看待
眼見到，就好似殺父仇人咁
見唔到，就唔提，唔正視，自欺欺人
到最後，咪又係人地有人地生活，我地有我地忙碌
我相信內地劣質文化係無辦法動搖到我地香港
但係我地幾時先正視我地"不見光劣質文化"??
呢樣先更重要囉大家

斷玉

如果唔係雙重標準，加上盲反作祟
一個大小便case，會夠香港人嘈左一頭半個月?
作為理性少少，你都無興趣為篤屎嘈半個月嘛??

我都真係要開始懷疑大家理解能力
我有支持內地人在港不雅行為??
我又有講佢地無問題，可以接受咩??
我由始至終，我著眼點根本無放係佢地內地人身上
某程度上我本人都會事不關己，己不勞心
內地人目前有幾差勁，以我能力，真係無辦法改變到d乜
但作土生土長香港人黎講，
我自己都唔想見到時下青年，除左日鬧夜鬧之外乜都唔知唔識
我好歹都受過唔少前輩分文不收咁教我做人
我都希望做多少少，再以一個小前輩身份教年輕新一代
網上充斥咁多不實，係真係假，的確係要靠自己分析，
呢個世界真係有d人會有人講乜，佢信乜
但係再理性少少，再多d角度去睇事物
可當中未必咁惡劣，係有方法改善
憤怒係會容易令人蒙蔽雙眼，失去理智

我都果句，有d野做得幾多得幾多
反正我正常早死過你地
呢個社會越來越充斥天怒人怨的話
自食其果，你地反而食得更多

斷玉

你覺得我係雙飛咪雙飛囉
咁你想表達d乜???
想串人之前，衡量自己有咩point串到我先啦唔該
一陣怕你惱羞成怒就唔好啦
我都唔想我個帖，會比肥佬鎖

仲有，你以為人地國家，會好似我地香港咁咩
一個大小便，一個低能言論
就上新聞之後，仲要嘈足半個月嘈到街知巷聞??
你真係最好唸清楚我d問題先黎串，又或者潛水當見唔到好啦
當然，你要丟自己面，請繼續，我就無視閣下

而且我就唔知咩派金事件
你真係覺得我想返黎拎咁值得可以串
你咪比錢我買機票返黎香港囉
再見住我去拎，到時咪比你串到我夠
我又真係幾想即刻返，睇完名勝已經好悶

斷玉

好唔好，人自己有權去選擇，亦都識得選擇
我只覺得，與其不斷咁哂時間圍繞一個無關痛癢話題
不斷去攻擊，不斷咁互相挑起是是非非，為d乜???

你講忍?
香港人忍?你忍?定我忍?
我自問我身邊，忍香港人仲多過內地人啦
內地人惡行係多，但係我地圍內都唔少，呢樣都係一種事實

不斷批判內地人唔緊要
到有一日，人地有所改善之後，
我地自身問題無改善過就笑大把口囉
呢個無人敢保證到d乜，有人會改都會死性不改，好自為之