斷玉

死神~~
我睇你呢~~仲有一點根本就唔明
好多野都係有因果關係
點解會有體罰發生？
無啦啦老師體罰學生好過癮？
如果真係咁...咁本身呢個老師...又或者長輩...佢地自己有問題

就以我為例
我細細果個勁唔掂話...又成日打架...
結果比我老竇打到九彩...
我老竇不嬲都為我好...我一直都知...
問題佢真係打我打得咁爽？
大家見仁見智

你要大家考慮下校規既跟隨性
但係你究竟有無唸下
當唔跟隨既時候...又會發生咩事呢？
好啦....而家體罰錯哂...無左體罰
你睇下d學生有幾大改變？

你當我武斷都好
以前d學生...就算讀書唔成...都識得做事做人...至少都叫識得尊重下人
而家d學生...哇...正到你唔信...
下下都識得講自由...講人權...幾有自己思想...幾利害...
用哂一堆"盾牌"去擋....擋得幾多得幾多...
最大問題...咩叫"人權"都未知...學人講人權....
咪就係用哂佢地所謂既"特權"去唔尊重他人...但係又要人地尊重佢喎...
你唔好以為我講緊少部份人
我！敢！講！係！絕！大！部！份！人！

你係咁講話盲目跟隨校規...就係「愚」
與教學精神..背道而馳
咁唔知...而家d學生...滿唔滿足到你而家心目中既看法呢？
d學生又係咪真係咁有...邏輯思維咁呢？

我都係果句啦
你無"本錢"...你憑乜同我講"條件"...要見我"底牌"？
自己唸下

斷玉

要證實死神講d野...對與錯...
又或者...係好與壞
其實只要睇下而家d學生就得...
新一代...仲唔係最具代表性？

斷玉

我都講左...
而家體罰錯哂...
只係希望你明白...點解會有體罰既存在姐...
根本同法律存在一樣
你會唔會無啦啦要去坐監？要去罰款？
你只係睇體罰有問題
你又唔睇下...點解個學生會比人體罰？
真係奇怪

正如樓上outgoing所講
你唔去觸犯佢...法律只會對你有保障...

不過我先祝死神一句
如果你日後...生左一個...壞到你管唔到既細路...你唔好怨啦...
你鬧佢...佢當廢人講廢話...你有本事咪打佢囉

斷玉

其實......你中間果段d心理...
我睇到都覺得有d吹脹

受尊重識得尊重？
受愛乜真係又識得愛？
我只可以講d所謂心理研究...已經...唔可以適合時下學生
佢地身邊...無人尊重咩？無人愛咩？
佢地根本大部份人...唔好話唔識尊重人愛人...
連自己都唔識得尊重自己...愛自己...

我而家係學校做緊TA...
睇到班學生...你都咪話唔擔心...
成績好壞都算啦...起碼都要識得互相尊重...
就係因為無得體罰...d學生做錯事犯校規...仲可以大聲過d老師囉...
d老師得個忍字...話佢地又唔聽...

我就唔知死神你幾大啦...
你日後出左黎做野...再睇返而家d學生...
你就知...咩野先真係叫"背道而馳"