神機．新手

小弟我返左五日學,覺得中四,五既課程好有問題.,,,
中四五既課程主要為會考而設,你讀完,考到個試,就k了
咁就有問題了
首先,呢種課程,我地吸收到既知識一定唔會多,因為你為左應付考試只會記一d重要字眼,,,
例如:神機．新手好令仔，佢開左好多個post,有xxx,xxx...
d人如果考會考既,就只會記"神機．新手好令仔",其他因為次要,考試出既機會唔大,所以唔讀,咁又學到幾多呢?

第二,呢種課程對學生既壓力好大.雖然話你同全香港所有既考生都係考同一份卷,但係你地既學校,資質,老師,仲有學習環境都唔同,咁樣鬥法,英中既學生因為學校要保住個朵,吸引其他細路入黎,所以個個都讀咩咁;中中就因為知道自己既對手係英中,所以有兩條路,一係索性唔溫,過多排做雙失青年;又或者老豆老母仲有幾個錢,去x代,x皇度補補補,結果肥左補習社,學生又學唔到野,你試下會考之後十年再問問自己:你究竟係間補習社學左d咩?個答案一定係冇,因為佢教既野只係為考試,唔可以做長期記憶(記憶有分短期&長期,短期最長可以一個禮拜,長期可以一生都記住)

第三,填鴨式教育.我覺得中四五就好似一個勁大既廚房,入面有n個廚師一齊整北京填鴨.d老師不停俾料你,盡可能要你塞,塞到幾多就係某一日拿去俾評判,d評判有d野唔食(冷門題目),有d野好鍾意食(必出題目),你塞哂佢有所謂,所以d老師膠的,真係會要你全部讀哂.當你隻鴨塞到不能再塞個陣,爆左,咩都冇,傷心過度死左,or勁低分要做m記,咁又有咩謂...做咩要考咁多...

唔理大家認唔認同都好啦,總之緊記一樣野:
記住要回帖!

[ 本帖最後由 神機．新手 於 2007-9-11 22:00 編輯 ]

神機．新手

唉，
有機會我都唔想係香港讀...
香港教育制度始終有中國傳統教育既影子,學生學唔到d咩....

神機．新手

正解
呢點可以由香港學生攞獎既情況睇到...
香港學生可以拿到奧林匹克數學比賽既獎,
但係就拿極都拿唔到一d好講創意獎...
因為香港學生學野記野可以好掂,
但因為教育制度既關係,完全扼殺左創意呢樣野...
教統局成日話"多元智能發展","求學不是求分數"(考試不是求合格 )
全部都係廢話...

神機．新手

因為香港始終脫離唔到傳統...
呢種教育制度係中國傳統教育既影子...
以前既人背熟"史記"都可以做官,而家你背熟history書就可以合格...
冇咩分別

神機．新手

你好難怪李國章，
升官係需要手段先升到...
人之常情,...

[ 本帖最後由 神機．新手 於 2007-9-13 16:01 編輯 ]

神機．新手

你邊個做都有呢個心態啦~
人就係咁樣,呢d係人既劣根性~
唔可能一朝一夕變到~

神機．新手

引用:

原帖由 死肥老蕭 於 2007-9-13 17:22 發表
攪手段根本唔應攪教育,揾學生做籌碼....

算喇,
佢地係咁,
講一套做一套,
講又多過做....
香港高官既弊病....
唉...