Maiev

抱隻狗上去可以因為好多原因而造成長時間延誤 但咁樣並唔代表撞死隻狗係合理既做法
如果因為咁而搞到長時間延誤 其實係可以體諒的
如果我係港鐵 我會選擇救狗先 咁做雖然會比人話又再延誤 形象繼續下滑 但總好過比人話謀殺狗隻 形象直接插水
立法會班人鬧港鐵係因為港鐵經常故障延誤而情況長時間未改善 如果港鐵係因為人道原因而要延誤 其實佢地係唔會+唔敢鬧
至於蘋果新聞 你覺得報港鐵員工質素差對港鐵影響大D 定係報港鐵不重視生命對港鐵影響大D?
所以呢 港鐵今次唔係魚與熊掌不可兼得既問題 而係從損失與巨大損失之間選擇一個既問題 而港鐵今次明顯係揀左「巨大損失」

其實D人見到港鐵撞死狗會鬧港鐵係人之常情 唔通見到有狗比車撞死會無反應?


最後我覺得 要避免同類事件發生 港鐵要做既唔係加強保安或者培養職員愛心 而係快d幫所有站裝月台幕門

[ 本帖最後由 Maiev 於 2014-8-24 19:43 編輯 ]