落葉風聲

依家香港既教育制度，基本上係「弱肉強食，適者生存」。用精英制既方式去淘汰差既學生，淨返D所謂讀書叻既人係道，其實好多都係為會考為高考而讀書既人，有幾多個真係叻呀??
其實，有好多學生係真係「鐘意」讀書嫁，無奈個教育制度比學生太大既壓力，我唸你都明白，壓力大可以做成好多副作用，其中就包括缺乏學習動機，從而失去自信心，係人群當中自我形象低落，然後會乜興趣都冇晒。而香港呢個教育制度肯定唔會適合好似香港呢D咁緊張既城市既學生讀，生活節奏已經好急速，仲要迫佢地讀書，唔怪得依家D年青人好多都中途輟學，連群結黨，虛度光陰，甚至迷失方向。
相信呢個都係香港教育制度所做成既一個嚴重弊病！