V.L.A.N..

嗯,你無估錯,你俾個標題呃左然後入左黎。

信長之野望係無可能光復返以前個興盛狀態

原因係咩? LOL? 不,應該係話不完全係

其實一隻遊戲幾好玩,都終有佢既壽命,無論長或短。

對? 甘你會問,我開呢個POST既目的係咩?


我講前段說話,只係為左等大家睇落去有個心理準備
我想做既野,唔係光復信長,而係企圖延長呢個遊戲既壽命

好多人會諗,其實大把人嘗試過,最終都失敗,我憑咩去做呢件事

甘睇黎我要自我介紹下
1. 我對WE(World Editor,姐係魔獸地圖編輯器,姐係制作信長呢張地圖既原件),有少少知識

2.我份工做市場調查,關於廣告之類,所以我對顧客心理有一定認知,睇埋下文你就明

3.我從信長講日文玩到識講英文(舊版信長英雄係講日文),所以我算係老玩家


OK,呢D唔算得係咩資格,SO WAHT?


前段廢話(字海可以唔睇,拉落去睇下一part)
唔講廢話,點去延長,唔係呢篇想講,呢篇主要係想講,點解信長會沒落

三國,DOTA,大家應該聽過,DOTA既成功造就三國同信長興起,之後LOL都因此成功,

但教識徒弟無師傅呢個大自然既定律,紅遍全球既DOTA都開始沒落,何況信長?

但又係咪因為LOL既出現,而令呢兩個GAME沒落?

錯,係因為好簡單一個原因,厭


唔係因為LOL有幾多比信長好既新系統,唔係因為佢有好多新英雄


而係因為大家都厭左,厭唔代表隻GAME唔好玩,只係因為人就係甘


你同條女一齊3年,有另外條女俾到新刺激你,所以你離開你舊女友


唔係因為佢唔好,而係因為你玩慣左,玩厭左


簡單吧,這是人生吧?

我唔想拎LOL同信長比較,唔係因為我係死硬派,而係我無玩過LOL,,

但我肯定既係,如果LOL出先左3年後先有信長(條件係連WAR3都要新過LOL先), 我保證信長乜都唔洗改都紅過LOL

呢D就係市場,明白嗎?

其實4G呢個世界一早有呢樣技術,點解唔一早出? 因為商人要賺左3G筆先

點解IPHONE5既技術一早可以有,點解唔一早出? 同樣道理,因為人係貪新,人係仲意愈黎愈好

但佢地唔會知佢地其實付出左幾倍既資源換黎一樣本來根本唔值錢既野

呢D就係顧客心理,呢D就係市場心理學


簡單吧,這是人生吧?


其實4G同IPHONE5個到係BY THE WAY講下, 想大家明白一下,人就係甘


遊戲都係甘。



甘厭,厭D乜? 係咪信長改左個系統,加一百隻新英就可以挽救到?


呢個大家都知係無可能,因為呢個涉及到宣傳手法同埋顧客心態,其實我覺得呢part講得太多

原因亦都好多人分析過,我講以上論點係想講俾大家知,信長呢隻game無可能返返以前甘,一定無可能

解決方案

而我地而家要既做既野好簡單,就係維持同埋延長,我諗大家都係想睇呢part


首先,信長呢類係競技遊戲


點先會多人玩? 就係

簡單
爽快

技術
合作

虛榮
滿足

一次性
挑戰性

等等等等,大家都明

甘好喇,當大家有晒上面既要求,甘你下一步係點?

就係比賽

無錯,解決方案之一就係比賽

比賽對一個競技遊戲黎講,係最主要既吊命藥,仲意玩呢類遊戲可以滿足到人既自大,好勝,貪心,虛榮呢幾面,所以佢地會不斷去挑戰

但挑戰,佢地覺得街場已經滿足唔到佢地,團戰,嬴輸都無人會知,就算拍晒片,又有幾多人知?

有幾多人想名流千古? 無錯比賽就可以滿足到佢地呢樣野

而家從比賽成名既人/團隊

都可以俾到未夠資格既人/團隊有同樣既希望


可惜信7搞成甘,其實個人認為有好多方法解決,但呢個時候都唔應該討論呢d

仲之,比賽對成個game都有好處,希望大家多包容,令更多人肯舉辦比賽


下一篇將會講高潮:技能與英雄,現存玩家心態討論等等

到時我會整定片俾大家睇, 當然,如果呢篇無乜人支持,或者無乜人想改變或者有意見

甘就算



[ 本帖最後由 V.L.A.N.. 於 2013-1-10 00:19 編輯 ]

V.L.A.N..

(呢到同主文無乜關,如果唔想睇太多字,可以睇下篇,但真心想你地睇埋佢)

估唔到甘多人回,

其實今朝我去見客有時間都有上論壇睇過d意見

本來諗住一個個甘回,但估唔到而家多左甘多人回

所以各位,我做唔到回覆


或者我向大圍甘澄清一d野先

我唔係咩人分身,我有正身,但唔出名,無人識,我以前係係GGX到玩開,前兩年因為轉左工,多左野做

唔好話信長,連機都無乜打過。

甘點解我要發呢篇POST呢? 希望大家唔好誤會我係到懶專業,懶看透甘,想出位等等,我做既野唔係博你地係到不斷甘話支持支持

希望大家明白,第一,我無收錢做野,第二我打字同諗野都係時間,第三,我對VLAN都係一知半解,唔好話管理員,得罪講句,咩團最勁,我都唔知(我係到向以上各位致歉先),所以大家唔好誤會我既目的


話說我近年出左黎同女友同居,洗費大左,時間又少左.工作又煩

結果我去搵返讀書時期玩既GAME(PS.其實我好後生姐..,2X歲..我都做過學生嫁.. -_-' )

就係信長。結果我玩落發現左個問題,就係頭兩個月玩,覺得好好玩,但愈玩愈悶,因為甘多年黎,信長更新得太少

我見到前面有人話,LOL都會玩厭,之後就會玩返信長...

我O左,我唔係想串任何人,(PS.講真,我係和平派,可能人大左,我唔仲意打機都動氣..因為好白痴,我明明想透過打減壓,點知最後因為動氣而加左好多壓力)

講返佢個問題,甘你話LOL唔興後D人會玩返信長,係咪好傻既諗法?你諗下就明邏輯問題,你甘既假設,姐係未來競技遊戲除左LOL外就得返信長,所以就會出現你個情況

不如我舉三國個例, 會唔會有人因為玩厭信長而返去玩三國? 簡單?事實就係甘

同埋我想重申,我唔係想光復信長,唔係想令轉左玩LOL既人玩返信長

我只係想維持現況.減低流失率,令個GAME可以延續一段更長時間

唔好問我點解甘做,

不如問下自己點解想信長繼續落去

點解你仲要黎信長區?


因為,你唔想你既技術白白就甘無用武之地

就好似以前打二戰既士兵, 參戰,你就係英雄,完左戰爭,你一文不值

亦因為,信長呢隻GAME係一個令你有好多好多回億既遊戲,你既戰友,你當年玩信長既瘋狂

你唔想就甘有佢死, 就好似之前香港人講既集體回億

等等原因,呢D就係我發文既目的。




PS:主文,我聽日先打埋佢(SORRY)希望大家或者睇下我黎緊既計劃,先再決定支持與否


但點都好,暫時多謝支持我既人。


[ 本帖最後由 V.L.A.N.. 於 2013-1-8 22:22 編輯 ]

V.L.A.N..

喂-- 不如...唔好係到鬧戰..或者拎證據等等..因為...離題,,

V.L.A.N..

樓上講既系統性既改動,如果有利玩家,其實係值得拎出黎講,改圖者應該更細心去考慮玩家既心態,而唔係自己想點就點


關於以上呢幾點,我聽日(盡可能有埋影片)去展示一下,我既理念

理念之一: 唔削弱過強英雄,反之將弱勢或冷門英雄變到更有趣,從呢點去吸引更多人去玩呢D英雄,亦令玩到悶既人感到有D新意

我聽日先得閒組合埋

V.L.A.N..

引用:

原帖由 alankui 於 2013-1-8 22:26 發表

算了 我不想再跟你為此事嘈 此事經完結 我都不想把 這樣的小事 增至 10多頁 畢竟是別人的Post 加上跟Post的主題無關
再爭議都無用 很無謂 我想說的到此 你再有回應我都不會再回應 我在此向這Post的樓主 道歉 給你造 ...

唔洗講對唔住,多謝你有留意我既文就真


不如大家討論下,信長的未來?

V.L.A.N..

引用:

原帖由 Xan_W 於 2013-1-8 22:14 發表
分區比賽點睇?
區內自己組隊vs
贏左代表區出賽

參賽者必須為區內人仕
咁樣實力會分得平均d我覺得
因為要搵同區有實力既人都幾難

至於問題:
1.資金方面
2.地方問題
3.代表隊伍既數目  (有d區人比較多  出一隊比較 ...

哈哈,有咩好擔心,點解要多人區就出多幾隊,奧運,係咪非洲人拎晒金牌?

如果你問我會唔會吸引D?

當你規則係完善,唔會有灰色位去睇

區賽事成其實比較難
因為而家好多團隊既成員都分別黎自唔同區,如果你要分區去比賽,變相會拆散好多團隊

甘自然報名既團,就愈少,或者有唔合作既問題等等?

V.L.A.N..

引用:

原帖由 秒殺無極限 於 2013-1-8 22:41 發表
文是作得幾好 但講完又有WT用?
講到識整穿梭機 最後都係齊TALK

甘講左,如果有心人睇左會一齊去做,就等於有希望


乜都唔講,就死路一條

我其實未完,所以係咪得把口,不如...睇多幾篇?

V.L.A.N..

引用:

原帖由 Xan_W 於 2013-1-8 22:54 發表

呢d人由佢啦   無建設性言論
番正題
樓主話比賽係吊命藥
信7個制度都吊唔到信長
比賽制度係咪要作出d咩改善

信7吊唔到信長? 有冇睇參賽隊? 64強姐係坐底有64隊,就甘計5人一隊(唔講咩請槍,或者一班人開幾隊既問題)

64*5=320,講緊仲有一班報唔到名,另外一班為信8而努力緊既新手

如果你因為信7失敗,而唔去搞信8,甘佢地有咩目標?

如果隻GAME令玩家覺得無目的既話,就好快完

唔知你地有冇玩過一隻叫DAYZ既遊戲,係我玩過最好玩既喪屍GAME,但點解我玩左3個月就無玩

因為佢無後期,無目的,


比賽制度呢樣我唔方便講,因為我無甘既經驗

或者你應該問一班有參過賽既朋友意見會更好

V.L.A.N..

引用:

原帖由 lwktl 於 2013-1-8 22:58 發表
其實將個主導性放落一啲有心既玩家到已經ok
由自己玩家(西)選加人入去個比賽group到 已經可以掉走好多小朋友/冇品
Vlan協助性質聯絡相關網吧/處分(神秘)玩家 ...

SOR,可能我理解唔係甘好,你呢到想講既係?

V.L.A.N..

有好多人我想覆,但今日多野做,到而家有時間發文,唔想晒時間

如果等我覆既朋友,聽日覆你

我而家即刻打主文




其實我想講多少少比賽

,其實舉行比賽,各方面都有好處

1,玩家,最直接既得益者,唔計無報名費.,可以參加一場比賽,可以令團隊出名,可以令你磨練既技術不至白費,俾你刺激,滿足同埋失落等等情感,仲有獎金呢(我諗都唔會多)? 呢樣係玩家最大既得益

2.vlan,間接受益者, vlan要舉行比賽的確真係要考慮好多方面既野,大家真係唔好覺得比賽話搞就搞,因為你要考慮參賽隊伍既積極性,包括多唔多人報名,肯唔肯守規矩等等. 如果無乜人參加,搞黎晒氣,如果多人參加,規則一定要定立到無灰色地帶, 呢方面難唔難搞?唔難,係極煩, 到技術性問題,直播,宣傳,計算方式,講起每樣都唔易做,最慘係個收效未必大,要做好佢,又係要諗。其實仲有好多野講,但免左佢,講到尾錢同時間。
你會問,既然你覺得甘煩甘晒錢,點解vlan係得益者, 其實好簡單

當你多人參加,就等於每費幫佢壇宣傳

當個比賽搞得好,就可以俾更多後繼者有希望,姐係變相幫佢挽留會員

甘佢點賺錢? 咪係廣告,當你壇多人黎,有晒數據,就有大把廣告商搵你壇擺
甘其他點搵錢,我唔敢講,亦同主文無關,仲之希望你地明佢地點解有得益就ok

3,網吧,其實係最少收益者,呢d要到比賽會係該網吧舉行時,先會有丁點宣傳收益

所以,維持一定限度既玩家數量,對大家都好

甘,點解唔合作一齊搞好佢?

ok甘比賽呢到我講到呢到..先(有機會或者有人提出問題再講)。


第二章. 新意

一個人厭左一樣野,好直接既解決方法就係俾新意佢

簡單吧?但其實好難做

你睇歷年黎,幾多信長改圖,幾多改進都唔俾接受,最終都係還原基本步

甘就死喇 , 的確係以(11.2b)為核心既信長圖(vlan官方圖係其中之一)最好玩,最簡單直接表達到信長之野望呢隻game

所以就最多人玩


其實點解會甘 , 好多都因為無壇官方支持其一原因,其二改圖作者唔識去宣傳,其三作者同玩家無溝通,無細心去考慮每個改動,結果俾人炮到上太空

其四,係我最想講,但唔係信長一成不變既主要原因:

玩者心態。

當你玩熟一個英雄/模式,就好似你搵開乜個髮型師幫你剪頭髮一樣,剪開你就唔想轉

因為你驚第二個唔識剪, 結果你玩厭左呢種髮型,所以你一心去試下第二個髮型師轉下髮型

但點知佢剪左一個好潮既頭,對你黎講,係十分樣衰,你接受唔到,你堅決唔會再去試新髮型

但問題係,潮係咪等於衰? 好似以前剷青等於"7",結果而家大部份男性髮型都有剷青"效果",連名星"gem"都係甘

如果你俾呢d頭俾10年前既人睇,係旺角笑到你去沙頭角


呢d就係玩者既心態,

當我玩開信長2技,閃介,倍一下就殺到人,但當你改到佢用同樣模式殺人,但唔成功後

我就會覺得好氣憤。

就好似我之前甘講,人係仲意愈黎愈好既野,

無人仲意佢覺得好用既野,變到"無甘好用"

因為唔慣,所以人就好想變返以前甘,好似你個枕頭,你張床一樣。

原因係因為呢隻係舊game,人習慣左個舊有模式。

改圖者應該考慮呢d微細既心態,要好好考慮先去行呢一步

但唔改,改得細微係解決唔到厭呢個問題

甘我講甘多野,咪好矛盾?

而你問我講完甘多,我會俾咩意見?

其實本身我諗住整片,但無時間,得個rp,希望各位有心就睇睇佢,都不過係5分鐘左右


係我改望月千代女既rp


我想講,我既理念係唔係改弱英雄去達致平衡,"平衡"從來唔係信長既賣點

爽快,刺激,技術,反應呢d先係信長最吸引人

你地話信長好屈,技能太強

你地話直江太勁

你地話火狗太壓

呢d都應該改

no,你一改就會出現我上面講既情況

我地應該要去諗,佢地點解甘受歡迎

你諗下,信長既出席率(姐係計街場同團戰既使用率),我無正式統計,但我肯定高過我讀高中返出席率


岩唔岩先,我地應該諗佢受歡迎既原因,從而去推測玩者玩呢隻game夠竟想做d乜野,想得到邊d野,邊種玩法


ok,甘去做,你睇我rp,

如果唔睇,可以睇我簡介一下


其實我只係將狗女加左招被動

呢招被動,我底技係用左上衫招禁技(1技)((我唔記叫神乜)),當你召左狗之後先可以用,作用係禁對方兩秒技,之後係被施技者既4周出現一舊野(詳情睇rp),呢舊野會放出會扣血既沙塵(扣幾多呢d唔係重點),持續兩秒,之後就將隻狗移到過去被施技者身邊

點解我要甘做,

先講狗女既缺點先

你玩過狗女都知,佢係好慘既英雄,狗女狗女,但隻狗中後期連打兵都吃力

原因,防低,移速低

慘到連火狗個三隻都唔夠打,甘仲叫咩狗女


大家都知道,每個有召喚技既英所召出黎既野都有佢既目的

1火狗:幫大絕卡位,放個陣當巨龍用,放三隻狗,兩隻食兵,一隻打馬眼或者做其他野

2竹中,爆塔

3石川,1技精虫爆塔,食兵,做眼,打馬眼,可以多隻存活,前中後期一技都可以控人),大絕:爆塔

4,羽柴:爆塔,禁技

5,太原:流動珠盤,壓路,爆塔,可以多隻存活

仲有冇?我一時唔記得

我之你睇左知後會話狗女隻狗,前中期狗攻高,食cp快,扣人血都快,絕對唔會差過以上

但希望大家睇下,本身狗女,少血,少魔,連隻狗都少血

壓路能力低,谷住要cp,但又因為佢本身無乜輸出技,食裝問題又黎,ok講單殺效率唔係高,群殺講裝

再加上佢去做人,俾人反做返既情況大多出現

如果你中期中左毒尿,紅血,你爆大返泉都一樣死

以上理由,就係狗女唔受歡迎既原因

講到呢到,我知有好多高手搖晒頭,話我唔識玩

ok,我認我唔識玩,但事實證明,狗女既出席好低,或者我既分析有錯,但事實就係事實

為左解決呢樣野,我嘗試去將個焦點放係狗女隻"狗"既身上

其實佢隻狗真係唔廢,有暈有倍,攻都唔低,咬死人的確好易

但基於佢移速低,想叫佢去追殺,尾刀,根本無可能,

連菊姬既分身都做得野過佢90幾倍

所以我諗緊,不如整招技,令隻狗變到更有用

結果我做左出黎,目的有幾樣
1.可以令隻狗唔洗慢到等人走晒先出黎,而且仲可以令狗女接技個陣唔洗控隻狗,等佢自動埋位做野
2.招技施距有2000k,可以拎黎趕走追緊隊友既敵人(如果隻狗飛到過去第一下攻擊就暈到人,直頭可以cut埋技),
同時可以拎黎嚇人
(仲有,請待續)

講到呢到先,下回再分解,或者你地睇完有咩問題可以留低

V.L.A.N..

引用:

原帖由 小飛豬 於 2013-1-10 00:20 發表
看到大家不斷的提出建議,雖然可行性唔大,

我一直在解析同反駁,不是潑大家冷水.我只是想大家更全面的討論問題

加油吧,至少平台還在運作.

你的努力,我們一直在看