william234

之前AOBA講已知BUG, 再寫番出黎係到:
-松久大技BUG (應該是指無限cut起手爆炸不扣CD)
-AT模式, 3分模式, AR模式 不能正常運行 - 下架處理及待重制
-建築物保護機制的BUG (包括殺生石可以快速擊破軍營及騎兵營的問題)
-野獸之卷, 南蠻胴 戰象在放下物品時會同時消失
-聯合軍大本營守將能獲得"施予金錢犒賞全軍"的回血及裝甲加成
-部分出兵位置不正確

上述冇提到既:
1. 部分英雄模組太難點或有時有bug點唔到 (清水/阿松/山王/三好/最上)

2. JJ佬3技冇加成到比招D技回血回魔量

3. 松9大技傷應改傷害唔到馬, 目前對建築物傷太高, 而且炸人公式應該做一開就有基礎起始傷(400/600), 每持續0.5秒+20/40, 總傷800/1400

4. 除正宗外, 所有增傷裝備(皆朱, 神甲, 武服, 長船, 村正, 長光等等) 都可以疊到增傷

5. 長船應改回有視miss, 數珠貴千幾蚊既裝防唔到7600蚊既裝

6. 投降BUG, 5V5變4V5走左件果時有機會冇得提早10分鐘(35分鐘)投降 (隊友可以投票但發起投降果條友投唔到票, 就算票數過左要求都唔識投降)

7. 冰水太弱, 仲廢過風傷

另外P版官網應該仲有D資訊錯誤, 未update到, 例如上泉仲係寫敏英, 宇左仲有18大說明, 長光效果仲係舊版說明, 果D你有時間再慢慢proofread la, 我純粹咁岩睇到呢幾個位有錯, 唔知仲有冇

以上係睇信長直播+整合某D玩家意見既野, 供AOBA參考

william234

肥川改走2技降速係好事黎既, 如果唔係冇人企係到比你射, 追又追唔到人。
我會建議肥川大技改到同森仔咁差唔多睇齊, 大技分箭變90%攻 (目前減攻太多), 1等大技4支箭2等大技6支箭, 同時關分箭比個狂怒擊效果有暈及傷, 對應番森仔大技關分箭有爆擊。

至於肥川3技唔比硬化外皮減傷係有原因, 你有硬化外皮撞神甲既話就仲衰過唔減傷, 所以點解九鬼3技要改就係咁既原因。就住硬化外皮, 我會建議AOBA柔刀可以KEEP原本效果, 但脅差改到50%減80傷害去減少神甲擋傷被撞影響。同埋神原大技個減傷都應該移除, 可能改做單純大技多番5防左右就算。

肥川3技減法傷+反傷呢件事好唔符合一隻射手既特質, 建議同馬場換, 肥川3技變物理減傷 (朝信3技)+回血, 馬場3技變加防+反傷, 當然馬場成隻英個機制值得諗過大改, 不過呢到我唔多講了。

松久2技3技還好, 大技緩速其實都冇咩改既空間因為改完成招野就冇用同埋呢招係持續施法係要勁D, 最主要係針對傷害部分, 呢個係我既回覆到就寫左, 至於改成點就可以再討論。

william234

想補充樣野, 對於解水技能 (太原3技), 我再整合埋CARTB提既結城, 其實我認為可以咁:

太原同結城淨化, 既然可以用條件去分觸發唔同效果, 我建議呢2招技改到如果對方冇水果陣係暈技例如暈1.5秒, 而對方有水果陣就係解水+慢速1秒 (慢速幅度用番而家, 太原50%, 結城85%)

william234

AOBA都退左信, 咁佢係咪要走? 個個跪哂佢番黎整圖, 你冇建設既你就收下把口, 唔好只係識得去鬧走做建設性野既人, 成段留言完全唔見你會比D同信長有關有建設性既意見。呢個世界大把時事評論員都會去評論他國政治, 但佢地都唔會去果個國家甚至係果個國家生活, 咁係咪唔比得意見? 果D人係咪全部要轉行? 你咁有本事你搞到果班時事評論員收哂皮先再講我。

我成日睇TNK, J仔, 煙月, 文靜台, 咁佢地係咪同mh同隊扮傻? 答我?

同埋點解我要退信? 咪多得你呢D成日留hate speech既人, 我打信又嘈唔打信又嘈, 慘得過D人把口講到好憎我, 但又要成日係咁開AC黎我個台到搞搞震博比我BAN, 開幾十隻AC都唔夠。唔該唔好講到信長好似大市場咁講到我要黐呢個市場咁, D人鐘意玩咪玩, 唔鐘意玩咪唔玩, 有咩好嘈?

事實上我本身諗住退信會搞到訂閱少1/4至少, 我仲要鼓勵D人如果只係想睇信長既就退訂, 亦都特登提AOBA係佢既信長官網到下架我既頻道連結避免D人誤會我仲有打信, 點知搞下搞下仲多左100幾訂, 唔該拎數字說話, 事實證明信長唔係D咩大市場。我唔係要踩低而家有開信長台/玩信長既人, 我既睇法係D人因為回憶因為鐘意因為開心或者其他原因而玩咪玩, 冇高低之分, 我又唔會話呢班人有咩唔好, 又唔係搞著人。但你搞著我, 呢樣野就好差。

我係到留言唔係因為餓狗搶屎, 而係純粹做好心, 點知就比人當賊扮, 著雷劈, 原來我整理信長玩家意見都有問題。JJ佬3技bug呢樣野係我睇TNK直播係到鬧我先知, 如果唔係我唔打信我點知呢個bug? 因為我對魔獸既了解比較多而提出意見比大家拎黎討論就叫懶清高, 心諗我連改歌詞都可以為信長呢個遊戲專登寫左首改歌仲要岩音既, 我都唔知有幾多人可以做得到。

同埋我提出改版意見呢樣野唔係新聞黎, 我唔係半路殺出黎無喇喇扮大佬比意見, 最早可能由15版左右已經開始每個版都有份提, 差唔多每次改版都幾千字份稿, 有D仲有留底係到。 而目前信長版本現有既野, 有某D都係我有份提出黎既, 唔係要哂命, 呢張圖我唔係功臣, AOBA先係最大功臣, 而其他信長玩家亦都有份付出有份比意見, 呢張圖係集合左廣大玩家同埋AOBA既心血係入面。只不過我想講, 我既存在從來都唔係黎搞亂檔, 我係比建設性意見既, 如果唔係張圖都唔會有D野係我建議過既野黎。而我不嬲都有比開意見, 所以我呢次都出黎比意見係再正常不過既事情, 毋須係到開心大發現。

我唔出聲D人當我綿羊, 所以我係咁意表下態, 為左唔阻住AOBA收集意見, 之後呢個PO再有任何攻擊我既留言我都唔會再覆, 呢則留言代表哂我既態度。

[ 本帖最後由 william234 於 2025-6-24 12:16 編輯 ]