死肥老蕭

你仲唔改正,我就要做嘢,唔好告我唔比你連post 的人權....

死肥老蕭

樓上唔駛咁激,佢可以申請法援,不過受唔受就唔清楚...

死肥老蕭

其實讀書唔單止學書本上知識,仲要學識守紀律,因為將來出到社會就要守法,

到時就唔係記吓缺點,留吓堂咁簡單,學校定d規則,一定係從學生利益出發,

你d態度就好似古惑仔係差館發爛渣,招積得黎,懶講人權,其實大家應該經常響電視見到果d,

所以你仲係保持咁態度,將來差館d古惑仔,可能有埋你一份都唔定... 想想吧

[ 本帖最後由 死肥老蕭 於 2007-9-18 19:43 編輯 ]

死肥老蕭

引用:

原帖由 締ξ死神ψ 於 2007-9-18 19:49 發表

學校學紀律外，更重要的是學會有邏輯地分辯對與錯。

否則 和被訓練成為奴隸 有何分別？

呢d留番讀完書先講,讀書時要尊敬師長,遵守校規,如果唔係,專做反叛青年,同學校攪對抗,成績好都無用....

死肥老蕭

引用:

原帖由 締ξ死神ψ 於 2007-9-19 00:23 發表

呢位朋友仔冷靜dd... 我都唔係講你 囧

我個post有指明對像架喎... (有使用引用)

你從邊一句覺得我有任何反對你既意見呢？

---------------------------------------------------



只不過你用左有色眼鏡睇野姐 ...

你地從來無響校長老師家長角度去思考，自以為隨心自由人權就係最好，甚至無枉管就更理想，

管理成千學生你估咁易，無論年齡，性格，程度，都有好大分別，仲有唔少専攪事的反叛學生，

死神你係信長區執行板規時，咪一樣有好多人睬你都儍，爭取唔係唔啱，但必須係校規可容忍或灰色地帶爭取，

唔係貿貿然去反抗或有意犯校規，記住你地身份係學生，呢個時候係吸收各方面知識，包括懂得遵守校規，

學校制訂頭髮長短，係因為各位儀表實在太出眾，龍珠頭，雜草頭，大量出籠，我見到我個仔個頭，

我都想用交剪幫佢剪一剪，其實儀表都有代表性，將來想做龍仲蛇你地自己想吧，

將來後悔千其唔好怪父母老師，條路係閣下自己選．．．


真係估唔到死神都一個反叛學生，不過唔好屈我載有色眼鏡，你地係邊類學生自己最清楚，老師校長是否針對各位，

就是乎你平日的言行，如果要爭取學生權利唔係呢個身份爭取，他日做咗大學生或投身社會才講．．

[ 本帖最後由 死肥老蕭 於 2007-9-19 16:52 編輯 ]

死肥老蕭

我都覺得用愚忠愚孝呢d黎形容唔反抗老師校長的學生,一d都唔公平,我覺得有癲倒是非黑白之嫌


坦白講學生用手機除咗向家長報平安外,其它用途都對學生壞處多於好處，未揾錢祗懂駛錢，

仲有係咪潮流興乜，學生要跟潮流，學校係咪一定要放寬比佢地，唔放寬就係學校問題呢．．．．

[ 本帖最後由 死肥老蕭 於 2007-9-19 12:29 編輯 ]

死肥老蕭

你好鐘意屈人，一時話人載有色眼鏡，一時話人80年代的思想，無錯我係話學生載手機唔好，但無話一定就係反叛，唔通唔讚成學生載手機就係思想守舊嗎，唔通任學生放縱就先係為師之道．．．．點解呢代Ｄ學生永遠都咁自私，祇會從自己角度去睇，永遠都唔關自己事，死神我對你好失望，因為你濫用民主．．．

死肥老蕭

我真係唔想同死神再爭辯下去.第一句就挑釁性,攪到病榻中的我亦半夜起床回貼,有人話唔比提出意見嗎,

我講緊學生冇從校長老師方面去想,你就攪乜手機及盲目跟隨就愚忠愚孝黎擾亂視聽,不過呢d都係你慣用手法我都唔想爭辯,

我都希望你能為d學生創造神話,拯救成千上萬學生,始終香港未來都要靠你地......

[ 本帖最後由 死肥老蕭 於 2007-9-20 09:40 編輯 ]

死肥老蕭

你都好强詞奪理,學校點會訂d過份而又損害學生利益的校規,叫女學生穿三點式的例子,

簡直係你先諗得出,你返學本身除咗學書本上的知識外,就係要學習尊師重道,遵守校規,

唔係他日如何面對社會,學校校規可能唔完善,但都係經過一輪抽絲剝繭訂出來,係學生來說,

無論知識及心智都未成熟,就要强迫校長老師接受你果套，是否開還笑，你要這樣，

並不代表其它同學認同，到時其它同學就要那樣，爭吵就永無休止，話人愚之前，

先想想自己吧．．．．

[ 本帖最後由 死肥老蕭 於 2007-9-20 16:44 編輯 ]

死肥老蕭

其實我咁興係佢一開始就話人載有色眼鏡,又話愚忠愚孝,我已經病到五顏六色,都忍唔住,

唔好吓吓用人權黎壓人,唔認同就一定愚忠愚孝嗎,呢代d學生真係比濫用自由害死,得罪各位都講句,
大家連上堂打機食嘢都覺應份,上堂唔聽書,放學唔做功課,成績點會好....好坦白,我真係好擔心呢一代學生......

[ 本帖最後由 死肥老蕭 於 2007-9-20 22:37 編輯 ]