生神仙

引用:

話說上次阿哥我為民除害，搞掂左個走場狗，琴日仲諗住照網友講番現場鞭屍

點知番到去岩岩好見到佢沉左落地下消失左

我真係好後悔！如果上年去既話條屍就唔會咁快消失！！

冇計～

唯有打番鋪信長順番條氣～

點知！

一入到場！

就感覺到對方ＡＴ團有好勁既壓迫感！

咩壓迫感？

佢地既行軍就如天邊劃破翔空既一隻鷹

對我地既走位瞭如指掌！

就連我果招失傳已久既－－超級閃介終結突擊　都被他們避開！

我二話不說，即時大喊：［好高手！］

隨即起立離座，急不及待咁想同幾位高人見面！！

究竟係英俊不凡既帥哥？定係魅力非凡既女女？

我內心暗喜

點知！

當我發現佢地既時候

係我眼前既只係一堆沉醉在ＭＨ力量之下既ＭＨ狗！！

我既心即時好似跌左落谷底咁。。。。。。。。。。。。

［帥哥，你有冇事？］

我冇事！我收起悲痛既表情，謝過剛才慰問我既侍應妹妹

昂首闊步咁走到果５條ＭＨ友後面

大曰：［呢度唔係用ＭＨ既地方！！！］

呢個時候，成間網吧既人即時啞晒，淨底既只有電腦遊戲發出既聲音

［唔關你地事！繼續打機！］我叫道，於是網吧繼續正常運作

過左一陣，５人組既其中一人突然同我講：［我地ＭＨ關你蕉事啊？？］

我忍無可忍，使出無影手想去關閉該場主既電腦

忽然！

一雙比我更快既手在電源開關前接住我既招式

我即時呆住（好強既氣！），其中一個長頭髮既５人組來到我耳邊細細聲同我講：［我再講一次，我地ＭＨ關你蕉事啊？］

強勁既壓迫感！

哥我一回神，即刻甩開佢隻手，向後跳離佢地幾個身位

［你地究竟係咩人！］

５人都笑了

［我地唔係人］５人奸笑著曰：［。。。係神］

［以後自己用ＭＨ就好神？］我大曰：［這只不過係狗既諗法！］

呢句話已經入左佢地心

５人聽後皆露出不滿既表情

［成！做佢！］場主先發制人

長頭髮既成立即脫離座位，以音速衝過來

氣流非常勁！

但哥我要冷靜！

［哥我已睇穿晒你既動作！］我笑曰，隨後則身伸足

前一秒，成準備使出餓虎偷心！下一秒，成已經比我ＫＩＣＫ低，個頭砍落格角度穿左，血流如柱

頭先佢地既氣勢只不過係紙做

［咩話？！成！！］佢地大驚

［我冇事！你地快Ｄ走！！］成大喊

［好！下次我地一定十倍奉還番比你！］

隨後佢地衝過電腦台，撞爆玻璃窗飛落街道並消失於人群之中

我回頭睇成

佢口中吐出一句：［Ｍ。。ＭＨ。。先。。先係王道。。。］之後就訓低左

我慌忙察看：［死！又搞出人命！］

即刻同隔離Ｄ人講：［佢打機ＨＩ得濟，唔洗理佢］

哥我即刻埋單閃人！

ＭＨ狗，始終都得到左應有既下場

我諗條友ｅ＋重係網吧攤左係度

大拿拿一條人命，就咁冇左，我ｅ＋煩惱緊應該要點做好．．．．．:hug:

分筆真差