今日講既係食冰cp打路推塔
主角係真昌,想睇番出裝連技點技去第二頁
打路:
4至5呢前,留暈技,有危機就放,點先叫
有危機,你覺得佢想殺你,叫人殺你
當然,你係安全既情況下可以用埋21技洗冰既
1技呢係未高呢既時候用黎尾冰
尾冰即係係隻冰既血量好低時,低到你可以一下殺左佢,例如100血
你就補上一下a[普攻],放技能食左隻冰佢
1技係3呢左右可以配合埋電卷食1波冰仔[1波姐係4隻,有時1波有56隻]
1技同電卷都唔可以完整血咁殺1波冰,因為冰會升級,加血同攻擊力等
加上技能始終有傷害極限,唔夠令果波冰死既話
可以開埋2技>出其他裝幫輸出[落石,紅電,風書之類]
上面個行為就係常見既洗冰,姐係不斷食1波冰黎搵錢
洗冰對於新手係唔錯既選擇,唔洗用腦,車23招技,1波冰,走人
因為真昌係法英,唔洗出力英先要出既如再生,和泉涷雲等既裝
新手們玩唔起,只會狂死
真昌如果係打路,最好出個回魔>加快魔力回復
針對真昌:
打路果時如果想壓下對方,壓姐係比壓力對方英雄令佢難以食冰
[針對前期]
真昌可以出手劍,魔水之類,閒時用手劍,普攻磨下佢血
[中期就落石火計之類,不過中期就唔會磨,直接殺快D]
佢驚就會走,咁樣除左你係條路食冰會安全之外,因為佢回血,而且佢食唔到冰
留埋2技招暈,磨到咁上下,殺佢/開技打走佢
你就有更多時間食冰,真昌企路1技係好屈機,10秒cd高傷範圍大
信長係一隻好需要技術既遊戲
新手需求係食到冰,連技唔好手殘
高端小小就係自己食到冰之如,令對方食唔到冰,最簡單就係殺
係打路既時候,除左開心食冰,同時要留意下對方英雄係咩料
最簡單係多留意下對方既出裝,例如對面信長/單雨,出哂爆彈手劍果D
擺明想收你皮咁,你自己就要醒神
係食冰時候要馬上準備得切開魔水/閃走,放隻手係數字鍵上on call
呢樣就係反應,新手最缺乏!!!!!!最常比人話就係呢度
同埋既係,打路既時候除左對路英雄外,真昌就只係要擔心對方輔手
如果對路英雄佢有足夠單殺你既能力,輔手可能會較小見
但唔可以確保冇人黎搵你,應付輔手呢
你可以用反應令佢殺唔到你
用裝備令佢殺唔到你,保護自己既裝備,例如血鋼,丁丁,魔水
有個唔洗錢既方法,冇錯,叫放馬
係條路上,除左見到既地方,見唔到黑哂既地方叫暗位
以防對路英雄,輔手係暗位突擊,可以選擇放隻馬仔係暗位
唔係煩教埋,唔係隨便搵個暗位放,係放個自己成日食冰,而又見唔到既暗位
放得馬要睇馬,自己隻馬可能比人趕,姐係普攻打走什至打死你隻馬
點解要打你隻馬呢,因為打走左你個視野,對方英雄就可以係你冇留意下收你皮
所以睇馬係重要,而且馬仔係幫自己買野,死左都幾煩下
好似人地game要番屋企買裝就笑死人
如果你一心龜塔
龜塔姐係留守係塔內,因為對方英雄/輔手太惡,而保守食冰而玩法之一
或者對方英雄好鐘意搞你隻馬,你不能長期控制馬仔
放馬睇位唔係一個好選擇,除非你好想死馬
另外,有樣野叫出忍/忍眼,係高端玩法
忍係忍者,識隱形,方便放暗位觀察/追蹤敵人
我唔建議新手出忍,因為較難控制,而且其實都幾煩下
新手玩街場,打番新手就無謂玩高端
打路時候,如果技能低/唔夠輸出既時候,大家就唔好馬上開技,要留到冰仔血量不足
如血量顯示為黃色,紅色時施放技能,你就食到隻冰,食到冰有錢嫁
有錢就可以出好裝,呢度要注意番
最簡單示範可以睇下對方英雄食冰時候,用電卷通常都係電2隻至3隻冰仔
打路安全,食到冰有錢,可以試下殺人,殺人要睇下自己咩裝
對方幾血,夠唔夠技能食硬佢,同埋如果係真昌既話
要留意埋夠唔夠魔力,技能cd等,搞笑既新手會閃出去,發現自己冇暈技
比人反殺
如果自己試過殺對方英雄,唔理佢裝備硬好,定神反應好
你殺唔到佢既話
又驚佢肥/隊友話佢肥,因為肥係威脅黎
唔好諗啦,吹雞圍啦
對方可以叫輔,自己都可以叫輔,如果隊友唔得閒
就要靠自己啦
真係搞唔掂,換路係1個唔錯選擇
如果隊友有心自肥唔理你,on膠膠唔識幫,叫埋幫都唔理仲罵你
係我就吊7佢,新手就自求多福,不過通常都會幫手
隊友黎到,睇下佢有冇魔,有冇技,問下
如果對方英雄驚你既,姐係見到你會走,就叫隊友出手先,你再幫暈收佢皮
殺人時可以選擇開魔水,以防其他對方英雄係度阻住哂
2/3個英雄開水圍1個被暈
不能開水的英雄,通常被圍果件都會死
開水係確保你既連技係隱妥,唔會有人暈到你定點
你就可以完全咁控制比人圍果條友既生命,除非你地手殘啦
以上重點
先消化下呢度先
講到口水乾,推塔同cp聽日先講
