最近入親ser..見到黎黎去去都係絕信,
巨魔比較多人玩想介紹返一d舊有既圖,同埋幾張新圖..
希望大家可以多d試下玩新野..
| 希望大家5好(玩都未玩過/未知點玩)..就認定一張圖係無聊~
海賊王世代1.2-強者來臨
~~~~~~~~~~~~~~~~~~~
係一張3vs3vs3既對戰圖..
形式同火影有d相似~
one piece迷可以試下玩..
5洗成日玩死守城~
一開始都係買血牌法牌出去食下兵升下lv..
之後就睇返自己係咩屬性既英雄出返d咩屬性既裝..
力英出返力裝..敏英出返敏裝..智英出返智裝..
出左裝之後..要再幫d裝升lv再合野..
好多人5知道係邊到買升裝既材料..
你地可以去樹林入便既野怪到打..
每一個樹林會有2隻野怪係到..
都可以去主城左右2邊既路..
中間位會有一個商店買材料..
JUMP大賽2.1[無月&牛頭一護]
~~~~~~~~~~~~~~~~~~~~~~~~
同樣地係張3vs3vs3既對戰圖形式同我上便介紹個張都係甘5多..
所以我5再點樣去介紹呢張圖..
唯一同上便個張5同既係..
呢張係動漫混戰..有好多5同既動漫人物..
新手岩岩第一次試玩可以試下玩以下呢幾隻英比較易上手
宇智波斑,嗚人,女帝,自由高達,天空龍
上帝電流(無圖片..很抱歉)
~~~~~~~~~~~~~~~~~~~~
我個人認為呢張圖係張幾有創作空間既圖雖然我都見過有第張上帝電流..
不過係英文而且d野好似比之前有d亂既感覺.
甘樣可能已經令到好多人5想玩..
所以我介紹返張舊版而且簡單好多~
呢張圖主要分為2個角色..
上帝同人類..
玩人類就好似玩緊雪地生存呢張圖甘..
不過當然啦..一定係會難好多..
中意過關斬將既人就岩..
因為有人幫你地即場整野..有好多變化..
一開始做人類既朋友..
係起點俾小小耐性去等上帝幫大家鋪下條前程大路xD
你地只要經得起上帝俾你地既考驗..去到終點就OK喇..
玩呢張圖大家最好只在乎過程..5好在意結果~
而玩上帝既朋友..
你最好俾多D中途休息點.
俾多D經驗,錢佢地買下野..
簡單D講..你地可以當呢張係一個由自己/朋友/路人..
一手一腳為自己設計既過關生存既小遊戲~
船難歷險記
~~~~~~~~~
呢張係一張好經典但被人遺忘左既生存地圖
呢張圖以前係war3都幾多人玩..
但係依家就......自己諗;)
好多人都話5知點玩..
入到去你個人會系水里面..
你要行去有樹木果D地起屋(道具位會有個屋,個屋可以變翻道具)
個屋入面可以升技,例如武器..
升完武器佢係唔會比武器你,佢只係允許你制造武器..
你個人有制造武器的技,同埋可以挖石..
你個人的生命會一直下降..
要加血就要打周圍果D行黎行去既小動物..
小動物死左會掉生肉,你要起個火之後放個生肉落去先可以食..
要贏就要穿過呢個森林,去到右上角個村莊到..
不過途中有好多怪,D怪會越來越勁..
防具要自已打怪打出來.. 武器就自己制造完之後..
一直合到最高,最多可以拿2個武器,
右手武器同左手武器
石刀合到最高就系無雙寶刀
木棒合到最高就系雙戰槌
今日介紹到呢到先..
可能呢幾張圖5係個個岩玩..
又有可能依然有人覺得呢幾張圖係無聊之作..
但都請大家尊重一下整呢d圖既作者既心機..
同埋體諒下我打呢篇野既心機QAQ
多謝合作
另外我同我個fd岩岩開左個rc群..
有興趣想一齊玩既..
就加埋入黎 rc群:25658378
不過我地5玩絕信/卡戰
[ 本帖最後由 神秘.人 於 2012-8-21 21:33 編輯 ]
