Agnes.bbb★

今日唔知係咪行衰運呀!好嬲

話說今日有一對情侶上左黎我間網吧打機

咁呢對情侶係一個肥婆同埋1條毒拎

個毒拎渣住盒飯比完錢我就開左機比佢地

佢地1坐底就開左魔獸 我真係心諗 依家呢個年代仲有人打信長? 唔係呀

之後隔左無耐又有一個人 鬼鬼鼠鼠咁埋黎叫我開機

要求坐佢地後面 我都覺得奇怪 原來係佢地d老友黎

但佢地無主動打招呼 點解我會知佢地識得?

因為我見到佢偷偷地望住佢地 自己又開埋魔獸同佢地1齊玩

事後仲做左d令人髮指既事!! 不過當中都有d事幾有趣 可以分享下

咁小弟以前都有玩過下信長 都了解信長有d咩野

佢地個場肥婆玩狗女 毒拎玩槍神

咁佢地打打下 條女死左重生係溫泉 就叫條毒拎行過去搵佢

毒拎果然好聽話咁返左溫泉同佢會合

之後肥婆笑笑口咁問佢 肥婆:依家明未?

毒拎: 唔明  點解既 肥婆接落再講: 我係望月你咪係我隻狗囉釣(厹)  狗公

聽完之後我真係笑左 正所謂姣婆遇著脂粉客就係指佢地啦

毒拎聽完之後個表情好似好嬲咁

肥婆見情況唔對路就一野飛身埋去 不斷強吻條毒拎 個畫面就有如朱羅紀一隻殘忍既暴龍進食弱小動物一樣

跟住佢個fd臨危不亂 走埋去剪左佢條滑鼠線(當時我仲未知) 其後個毒拎大叫 呀 死左喇

死左之後 個毒拎就拎左盒豬扒飯開始食

係佢食食下既時候 我又聽到個肥婆問佢 肥婆:我靚唔靚?

毒拎:靚既  肥婆:有幾靚先 毒拎:就好似我食緊既呢盒豬扒飯塊豬扒咁靚

哇 妙問妙答呀 形容得非常貼切

但肥婆聽完之後成塊面紅晒 就隨手拎起左盒飯 一野就車勁條毒拎度

佢個fd亦都好快速咁去熄左條毒拎機 跟住跑後樓梯走左 走之後仲講 阿boy1世人兩兄弟 今次幫盡你啦!

結果佢地整到成地都係飯 我叫個毒拎打掃埋先好走

估唔到佢竟然一粒一粒飯咁執番擺落口

最後我放左佢地走 之後埋去執下台面 見到條滑鼠線斷左

查番閉路電視先見到原來係佢fd做 我是咪應該報警 ?