deathslp

我部電腦壞左..
唔知仲有冇人記得呢
我壞左既電腦預計係8月尾先整得返好
8月先可以再上黎同大家吹水同埋貼好圖比大家睇
不過..係我電腦壞左呢段時間..
我忍唔到係屋企冇野做既關係...
出左去搵左份工...係做百佳(奧海城二期)
由於我到8月17號都仲要返學校補課
所以我早上要返學下午就去返工
初初我去返工果頭幾日都冇咩事...
點知...就係上個星期5..打風果日(8號風球)
我地做兼職打8號風球係會人工雙倍
點知有個經理佢唔知為左d咩..
係都無理取鬧...鬧完我個fd...無啦啦叫左我入去經理室到
係都眼啤啤...又係咁話我返工傾計
最重要就係我果日冇傾計...因為打風有好多人買野
我都忙到抽根...邊有時間傾..
我同佢講話今日冇傾過..佢就話咁之前有冇
咁返工講一兩句係唔係過份先??
咁都要比佢鬧...仲要叫我早d收工....
人工雙倍果時..叫我同我個fd提早走...
大家都知咩事啦應該...
唉..點解會有d咁既人....
今次壞左電腦都比我見識到我將來出黎做野
會遇到既情況...
都算有得有失啦.....
8月尾我再返黎我會再同大家分享架喇...
大家唔好比佢沉...等我返黎呀


p.s:我去我個fd屋企到打呢篇野

deathslp

肥佬...我明白原來做野係咁慘...
讀書真係好好多.....
以過來人既身份...同大家講..
讀好d書...寧願做大小人..都唔好做細比人小
我下年都要會考...所以信長我都唔會點再玩~

deathslp

到時等我出返個好post先
係時間閃人...今次一別要到月尾先再見了