巫撞

講真其他人點講我唔理

但當初呢個舉報區  係我 綱吉 文靜公子 等人爭取返黎

就算俾人封晒號

到而家我地都從來無後悔過

同時都唔想當初咁辛苦爭取返黎既野話唔要就唔要

如果小飛豬真係無心繼續管理落去

我願意接手 每日花時間係舉報區身上

巫撞

引用:

原帖由 小飛豬 於 2019-10-11 09:16 發表

現在來來去去都是你們兩群人之間的鬥爭, 若有一方得到權力,就會出事.
不要說甚麼可以做到公平,全部都是廢話.
出事了,還不是要我處理.

首先希望小飛豬唔好幫我地划小圈子先，

講真每個人都有佢既朋友，你可以話我係邊班邊班人。但我既立場，就係站係「普通玩家」個邊。

我想針對既就只有「外掛玩家」，個班「外掛玩家」每次惡意挑戰vLan底線，出晒面開外掛同大搖大擺炫耀自己使用ｍｈ

不斷以惡意言論攻擊其他普通玩家，完全地破壞遊戲體驗，

仲對呢啲惡劣玩家仁慈，即係對自己殘忍。

關於做唔做到公平呢一點，之前你開既貼中已經提及好多可以設立既規條。

但好似因為小飛豬唔想搞得太複雜，

所以最後冇採用到，呢個係本人認為比較可惜既一點

本人會盡力去跟返規矩做野，因為始終冇規矩就會亂

但講開又講，呢班外掛玩家憑咩可以得到「公平」？

一班肆意破壞遊戲平衡，擾亂vLan秩序既垃圾，都配得上「公平」兩隻字？

巫撞

引用:

原帖由 小飛豬 於 2019-10-11 13:28 發表


是否我劃, 我心中有數, 畢竟大家的分身有哪些 ,我自知, 上面已經回復過了, 再次感謝. 不想再重複.

並非舉報的玩家才是普通玩家，更多的是遊戲中的普通玩家，還有很多舉報的玩家我也不認識

不清楚這樣"分類"有甚麼意思

巫撞

舉報區唔係為左賦予誰權力而存在

如果唔係因為呢班外掛仔出現

vLan玩家根本唔需要舉報區，有頭髮邊個想做癩痢？

冇左舉報區呢班人只會變本加厲，恣意橫行！

陷其他玩家於水深火熱之中。

小飛豬你聲稱唔想平台與玩家陷入對立局面，

唔想對雙方其中一邊賦予權力。

但現時將舉報區關閉，無異於默認外掛玩家既種種惡行！

現時只有少數人開分身使用ｍｈ是舉報區的功勞，

一旦舉報區關閉，只會令更多普通玩家放開膽使用ｍｈ！

到時信長區將會成會一片煉獄，變成當年ｗａｒ３　1.26　ｍｈ橫行的局面。

這樣還是你當時想大家一起開心玩的局面和初心嗎！

明白你每天花時間花心機去處理一堆舉報和負能量難免會有心灰的時候，

會有想放棄，想汁左佢一了百了的時候，雖然舉報區對打擊ｍｈ既成效唔大，

但的確有佢存在既必要同用處！

同時希望你明白，能力越大責任越大。

如果真係因為繁忙而做唔過黎，可以請新版主幫手處理一下。

就算唔信任在下，有心接任的大有人在，實在無必要累壞自己　

呢個都係我最後回覆了，如果真係有興趣有心可以ｐｍ我。