世狸

個人上，玩過台灣信長尤其16.3B2之後，我覺得好過癮，節奏感上快好多，所謂咩金錢系統，殺人系統，全部都好有鼓舞性，前中期殺人易拆塔難D，戰法系統加強左個刺激性，最正就係魔水時間短，物品CD短，接技物品多，重點係英雄與英雄對決、會戰，接技精彩，英雄有新意，同舊版好大分別，但係一樣多人鐘意，咩保持特色……到底係咩特色呢﹖個人覺得港版一場信長都要起碼成四十幾分鐘，唔計快攻，街場都幾耐下，而且接技裝感覺上死板，三電、吹箭、落石、火計、水計、狂風、冰計、毒泉、鬼丸、毒弓、紅雷、吉鋼、風傷、巨龍……不過巨龍相當昂貴，想接技……唔計雙電都起碼落石，唔通真係爆彈完場咩。
11.2B版由紅版就玩緊，冇優化等成世，到家下都差唔多六年，唔改變係經典，改變係前進，正如一個遊戲不停更新，保持耐玩性，而且加入新元素，當然有好有壞，但係唔改變就冇新野玩。遊戲可能你慣左一種玩法，但係出新版就會有新玩法，唔係仲有挑戰性咩﹖一個競技遊戲鬥智鬥技，唔通要繼續原地踏步，冇拓展空間﹖
玩遊戲，友誼第一，點解要玩一場遊戲而結一個怨﹖作弊果陣，做既開心，輸既傷心，玩遊戲求快樂，輸贏唔緊要，但係輸俾作弊會沮喪，正如足包ONLINE，一開場就完左，或者你明明贏左都排最尾，你又點睇﹖關於汁裝A裝呢D，我覺得係提醒人要小心自己隻馬，注意運送安全風險，出外旅遊買下保險啦。同暗位陰人冇咩分別，你不如叫風魔唔好隱形，服仔一定要直拉。戰場上殺對方馱馬，截斷補給乃兵家常時，如果唔係就叫人改做無限血算啦。
始終都係善良同心狠問題，呢D好睇個人，走場果D呢……輸唔起又為何參與……踢人果D……你為左咩。咩叫品行，當你用粗口話人地冇品果陣，你都好冇品，你就肯定佢係特登既﹖見到疑似MH唔好咁快肯定住，人地真係純估位果陣你又點過得去﹖法官同你講，我叛錯左你死刑，家下俾你條屍落葬啦，咁都得﹖
大家安守本份，玩下遊戲咪算囉﹗家下你人工低唔開心，定係你食唔到三百唔開心﹖
我自己都成日犯錯，所以都希望俾多D機會人。