長崎良美

2015-07-18我現在先知觸手呢個職業咁勁,唔駛養龍,只需保住你條命..跟住用觸手,飛觸手去搞店總指揮車= =..


2015-07-11新增地獄上飛機REPLAY2015-07-11加多個地獄上船REPLAY
早期對付吞噬者同暴雷克斯 鞏固避難所+維修工

2015-07-08第25樓新增我在地獄的早期玩法
(綜合各位玩家給意見所得出的玩法)


2015-07-05我來講解一下點解會用電檣,而唔係用地洞。
(前提係你屋企入面有攻擊中既塔同時因為恐龍攻擊前後次序)
用電檣係會主動攻擊就會先打你電檣。
而且用電檣建築時可以起到特登留有一格空格,俾你隻人自出自入,可以出去引怪或者捉下小雷克。留有一格建築位置就夠俾你隻人入番屋企,就算俾怪追,電檣先郁佢都無咁易入屋企郁你隻人先。


除非你唔想出去。就起貼曬玩地洞。

如果起地洞,你起得唔好留有空位,迅猛龍系列同埋細小體型的三角龍,小雷克,可以唔鬼理你地洞直接入你屋企,因為地洞你唔上人,敵人就唔會識得主動攻擊你地洞,直接入屋搞生搞事。
各位起野果陣留意下,大部份建築都需要2x2的位置,要起貼曬,敵人先唔會直接入你屋企。
萬一真係守唔住,你隻人又需要走既時間,龍先會打電檣,有時間俾你隻人走,但係玩地獄級既避難所,會俾3隻吞噬者完全搞店,避難所爆既同時都係隻人GG既時候。


2015-07-05上傳一個地獄REPLAY,雖然83分時失敗左,唯有下次再努力。

2015-07-01郵輪爆機SAVE呢,有高手專玩恐龍

2015-07-01裝甲車SAVE,但由於恐龍猛烈攻勢下3萬血裝甲車都爆,輸左(哭)

另外我之後會長駐係5SER,希望各位集中係一個SER,唔駛周圍搵侏公場

各位好,久違了的侏儸紀,由於舊文勁耐無更新,開過新文算
先至聲明呀,我唔係高手,也不是神手,只係一個普通玩家咋=3=

好啦,正文,今期講既係實戰方法

今期個D98Tkz-5版呢,正,可以揀多幾個模式一齊玩

今次爆機呢,只係侏儸紀難度一,困難既高一級

玩禮物模式,我都好少執野,經過見到先會執下道具,有D專家就會執到一堆先至守城

今次爆機SAVE一開波我都唔知抽到咩職,有D錢木,我仲揀埋補給模式,耐唔耐俾DD資源來

我通常直接搵個大D既地方做守城點,直接搵木頭,最好直上100到

中途有時間起埋發電所,如果有龍黎,出電檣,等電檣電瓜佢

恐龍攻擊都有先後次序
1,先攻擊維修中的玩家
2.起緊既建築物
3.最近攻擊中的建築物/部隊

所以起電檣屬於2,起好變成3,引龍去攻擊

有人問如果遇到吐痰龍點算,我有2個方法,
第一個係電檣後面起槍塔,
第二個方法就係衝去條龍執邊起電檣對付佢

玩好電檣,殺到龍有錢,我接著就會起實驗室
起約4支步槍2塔,呢4支步槍塔主要對付吞噬者,都幾有效
如果遇到愚弄者,我會建議起回血泉,我維修+回血,愚弄打我都唔係幾痛,4支步槍射到佢爽爽地

起完4步槍,跟住朝2個方向玩,搵資源或者強化守城

我先講搵資源,生物學院升人類基恩工程,3次,
跟住你隻人就會每次搵4資,比起唔升基恩既玩家快4倍
跟住就係機械學院礦工+高階學院的高級採礦(要750金),
升完高級就可以出4隻礦工,加每隻每次搵2資,4礦工=一次搵8金

強化守城方面,我步槍會升到電子步槍,都係4支,夠遠,攻速快,清小龍快,但攻擊效低
跟住我就會玩火箭塔,玩2支核火箭,雖然攻速慢,但係夠遠攻高,打巨翼手龍(神閃)也不錯
跟著再玩好D,可以玩未來戰士,未來戰士需要火力中心研究既機械兵先可以出
但係未來戰士既火箭技能要學物理學院既火箭2先用到
玩落去仲有錢,就可以玩全彈發射塔(要學激光2,火箭2,唔記得駛唔駛學核)

最後要講既係上飛機,我都有2個方法
第1個方法,簡單,係餐廳買6個回血,直接開跑衝去飛機到
第2個方法比較安全,升機械學院,車底1+2,同埋移動速度+10%果個
就可以係車輛配給中心出乜鬼科技車,唔駛用油(按A可以衝出龍群)
未來戰士,人,維修工入晒車,
衝到目的地,清下龍或拉開,你隻人就夠安全,上飛機

補充:萬一俾暴龍雷克斯入到屋企,唔駛驚,
只要你仲有資源,只要你仲有塔,
就瘋狂係暴龍雷克斯腳邊狂起電檣,爆左唔緊要,
再起,再爆,再起,直到佢死為止。

舊文章地址:
http://www.ipve.com/bbs/viewthread.php?tid=548752&page=1&extra=#pid5481583

2015-06-07新增一個合作爆機save
有一條超硬恐龍直殺入屋企,全彈塔都打唔痛..另有傷殘人士,電腦都無死XD,合作就是力量.

[ 本帖最後由 長崎良美 於 2015-7-26 19:22 編輯 ]

長崎良美

先多謝各位回覆。
我都讚成地洞比電檣好。但係前題要出機械學院，而且升的資源比較多，我比較少用，而且有d龍唔理地洞，會衝入屋企搞事。
玩唔慣初期用。
正所謂各有各玩法
點玩都好，運氣永遠比實力重要，無運氣場場俾龍圍毆到氣咳，咩神職都死。

長崎良美

嗯,我得閒上去果陣再試下

長崎良美

我學各位新手升地洞先,真係好堅好好用,夠曬硬正

另外今日7月1日新增左2個REPLAY

一個爆到,另一個睇剩低既劇情GG左,勁唔抵呀 :Q :Q

長崎良美

大佬，我呢d係免費攻略黎，唔係收錢好冇。講真，真金白銀買攻略書都唔係咩都完美啦。

另外成日有人問點玩點玩，好多人自己單守又唔教人，冇新人加入架啦。

地獄我上線都有玩，得閒我都會搞個地獄replay出黎。

[ 本帖最後由 長崎良美 於 2015-7-4 19:51 編輯 ]

長崎良美

首先屋企>發電廠(10金10木)>學院(5金5木)>機械學院(唔記得幾資源)>特殊建築物(5金5木)>地洞(25金25木)>鞏固地洞(20金20木)>再升避難所(30金30木)>跟住搵100金100木>升級發電廠(5金5木)>研發機械礦工(45金45木)>出礦工(50金50木)>(搵資源出多隻)>跟住我會出實驗室>物理學院>高階實驗室>激光塔

鞏固地洞以上,人入左去可以殺蚊,又有遠攻可以對付遠攻龍

避難所夠殺1-2隻吞噬者,記得防守完去維修,仲有你執到裝備,放入地洞更加高防
玩地洞要注意一點,小心藍色既蚊,藍蚊會冰你地洞,冰左人出唔番黎

直到地洞爆為止,最好有多1個玩家係你身邊幫你殺藍蚊

[ 本帖最後由 長崎良美 於 2015-7-8 01:04 編輯 ]

長崎良美

我唔怕同你講，除左地獄同惡夢，電檣配槍塔殺到愚弄同吞噬，當然愚弄攻擊快過醫院回血，但我目的就係人訓低，佢就會打我電檣同塔，醫院回好左人再修理過。

你睇過我d replay未先，咩叫得個紙上談兵，我有replay架。

你連文章都未睇曬就亂咁講野，我話左唔係高手，唔係神手。

你講到你咁神，唔駛你爆惡夢，爆個地獄黎睇下。

長崎良美

加上你有冇睇我最新個早期地獄點玩，我都換左打法啦，係25樓黎呀師兄。

長崎良美

特攻兄，有次同你爆地獄塔船走呢，我唔記得save

你有冇save，我想po番上黎

冇save得閒來多獲地獄
我認我今獲真係柒左

[ 本帖最後由 長崎良美 於 2015-7-11 14:42 編輯 ]

長崎良美

有睇過我講既恐龍攻擊次序嗎

恐龍攻擊都有先後次序
1,先攻擊維修中的玩家
2.起緊既建築物
3.最近攻擊中的建築物/部隊

所以你維修梗係先攻擊第1點既你,

當你訓底時就會跳去第3點,變番打建築物

當你起番身再修就係變番第1點

所以我就話要起醫院幫你人補血

但係你無攻擊中既建築物,梗係一直打你到死啦

而我講既情況就係有電檣+識攻擊的塔+醫院+維修黎KO佢

長崎良美

呢D舊攻略都唔緊要啦

而家我聽各位意見換左用避難所,1-2隻吞噬者可以自己搞得店

如果仲有狂暴雷克斯,升鞏固避難所加埋維修工都搞得店

當然最好入埋+防+反彈既道具

呢個情況要小心藍色既蚊(會冰凍+攻擊)

冰左就你隻人卡係入面出唔番黎,直到爆為止

長崎良美

一般遠攻龍梗係得啦

但係遇上狙殺者或者網人果隻梗係死得啦

遇上呢2隻，無隊友，你有冇咁醒仲衝上去
你係咁問d舊攻略，唔搞新打法，我真係幫你唔到

[ 本帖最後由 長崎良美 於 2015-7-15 11:24 編輯 ]

長崎良美

你唔講，我真係唔知，幫左個大忙，thanks
另外回覆43號貼子，我原本諗住由佢沉落底，但係耐唔耐有人問野，我先至回覆。

[ 本帖最後由 長崎良美 於 2015-7-15 11:35 編輯 ]