別理

細佬玩咗信長都十年有多 但係都係冇人識細佬 所以扑括嘩 決定要上位
為咗等各位更認識細佬 細佬先行響喱到做個簡單嘅自我介紹

細佬名梁 叫海亮 俾面嘅可以叫聲亮哥 唔俾面嘅希望大家可以叫細佬海亮鴉baby

細佬平時最鍾意玩嘅英雄係織田信長 唔是細佬自誇 場場廿幾三十殺0死對細佬黎講真係易過食生菜
平時除咗玩信長屠下人之外 細佬冇咩特別嗜好 所以有陣時都幾空虛幾寂寞

話雖如此 細佬都有唔少喜歡嘅東西架

細佬最鍾意嘅食物係黑提子 最討厭嘅食物係車厘子   

鍾意嘅動作片巨星係麻倉優

阿 細佬有個煩惱想向各位請教一番

事源是咁的

細佬以前好鍾意出街happyhappy 自從身體各方面開始成長後 細佬就變到好討厭出街

而家細佬每次出街都會俾mk妹圍住 問細佬拎電話 可唔可以陪佢行街街之類嘅野啦

如果條mk妹係自己一個人嘅話 咁我見得閒嘅緊係會盡紳士風度陪下佢架啦

但係你都知道 mk妹身邊總有一條mk仔的

咁條mk仔見到條女對細佬搭哂糖 發哂姣咁 緊係會心有不甘架啦

見佢對拳頭握到實一實 係人見到都驚啦

喱個時候 大家可能會問

乜你平時唔係睇開動作片架咩 點都會偷到師 學到一，兩招掛 仲怕班mk仔做乜

冇錯 細佬知道只要自己認真的話 佢地並唔會係對手

不過從細到大 細佬嘅夢想係能夠奪得諾貝爾和平獎喱個殊榮

試問因為一次武力事件而搞到夢想破滅 你叫細佬如何出手?

哎 唔好意思 細佬好似將件事扯遠咗

say個sorry先

好啦 大家了解咗咁多 係咪對細佬好有興趣先?

細佬雖然係男神梁海亮 但絕對唔會擺架子

最後 希望大家多多支持 等細佬成為未來信長界揸fit人 my name iS.     海亮鴉baby

[ 本帖最後由 別理 於 2013-10-13 01:54 編輯 ]

別理

有邊個唔識我梁海亮?