[Open]
[Close]
[高質討論系列]點解咁多人MH?
拿首先小弟得閒無野做就上黎望下有咩新POST
結果黎黎去去發現都係得MH/走場/招人一齊玩既POST
依個POST呢就係針對住MH個部份既帖黎講
我依家就咁望落頭三頁呢關於MH既POST都係得依幾隻
1.係邊個邊個係咪MH?
2.我冇MH呀
3.有人做MH既經紀係到SELL
我先講頭兩點先
點解一個玩家會對另一個玩家產生"佢有用MH"依個心態
"條友係咪MH架?" "嘩你老虎我隻忍跟住你咁耐你都可以反CAMP我?"
--------------------------------------------------------------------------------
首先如果佢真係MH既,咁佢某部份技術一定唔會好得去邊
E.G 打路個陣瘋狂食你電卷呀,連技成日失誤,成日計錯血,逆風都仲係出智障裝
依的係睇得出既
咁但係如果佢真係完全估位呢?唔好同我講冇可能次次估中,你玩法走位行既路單一無變化就一定估得中.
例如你直江CP 次次都係去上捉人先,捉完有血有魔就行去食上野區CP,跟住兜中.依的咁單一既行法,藍天小馬都估到你啦
再加上視野問題成個地圖有2/6都係山/樹/唔行得既位黎,咁你得4/6既空間可以活動,要估到你有幾難?馬眼,忍眼,你一俾人見到,人地就可以即刻估你下一個地方行邊,
俾多個例子:直江你係軍師位俾人忍眼/馬眼見到,唔講佢隻忍會跟住你行,就咁講馬眼先,
咁你可以去得邊?
1.食完軍師行左食箭塔右面隻野怪(識解魔水個隻)
=好容易就諗到 跟住一係捉中,一係食商店上面兩隻強盜架啦
=中路唔見既,諗下見到佢個陣佢有幾多血幾多魔
=多血多魔就姐係唔會返營 會去搵下一個目標
=少血少魔就姐係會返營啦,咁跟住落黎上路就好大機會唔會捉
2.食完軍師行右面去強王位食野怪/準備捉上路/
=咁你自己留意下,睇下對面隻英有無READY話想配合直江輸出你而做奇異動作
E.G 行到好前貼緊你射你/A你, 本身前幾波都有用技食冰既,但係無啦啦留哂技,正係用普攻尾刀
=如果冇既話就一係唔係捉你,一係就諗住自己秒殺你
=如果唔係既 你見自己隊中路企位行得好貼上面既,姐係好貼近中路上面既樹呀,山呀,
咁如果我係隻直我都會捉中路先啦,
咁其實你自己諗一下,如果你係對面隻CP,你會點行?.你多數都會估到佢係邊,用你自己回血回魔既時間去諗一諗,代入個角色.諗下你自己係個個位,下一步會點做.咁緊係啦都要你自己玩個隻英勁你先會估到條友去邊
你見親以前打團玩寧寧既,其實都好叻玩直江同毛利依的突人既英.因為佢地自己本身就熟隻英知點玩,所以先代入到.預下睇下可能咩時間會黎捉你咁你會照一照睇下有無,無既咪提下自己其他路既隊友囉,你睇返D大團團戰RP成日講話:直江可能上左,秀吉可能係中,雙輔唔見唔係下路,中上自己睇住.咁ED就係經驗.就係自己代入返入去個角色既証明.
咁到話依家街場喇,出面睇POST睇神尾葉子都唔係次次估中啦,都會有MISS啦,你話佢扮出黎既話,我真係覺得你有需要去睇睇醫生,你潛意識已經咬實左佢係MH,咁人地解釋完你實有下句駁架
第三部份既就唔講啦,SELL MH不如去學下做地產
歡迎高質討論,睇下邊日收工得閒會上黎望望有咩言論值得我覆
[ 本帖最後由 あずさ 於 2014-7-1 19:37 編輯 ]
