戰俘

根本男方都未準備好 見家長... 或者咁講... 邊有人咁樣見家長...
不過佢肯定有d 野 令到對方討厭... 否則.. 一個正常人點會咁樣

見家長最基本守則
1. 拍拖至少一年先進行此"儀式"
除非 女方家長要求... 但至少半年先OK

2. 第一次見面 最好出外面食
係外面食 對方家長唔多唔少有所保留, 對你既印象,說話
甚至可先與女朋友商量...得知對方父母喜好

3. 見面禮
果籃最保險, 一個完美既果籃, 有齊大部份最普通既見面禮, 紅酒,朱古力, 包裝精美, 唔食得都睇得
總比一盒燕窩,一支紅酒 得體好多

4. 標準答案
人地問有冇計劃結婚...即使無 , 都一定要答有...
因為... 計劃結婚..當中包括 幾時結婚.. 同最重要既 同邊個結
我有計劃結婚..唔代表要同你個女結架嘛... 就算係 可以係30年後既事... 但我真係有計劃架喎...
問你幾時結, 咁就一定要答, 其實我儲緊錢買樓 (即使全副身家只有數百元)
咁大約咩時間啊... 答 : 家陣d樓價高.. 睇定d個市先
遇到唔想答既一定要耍太極, 耍到個話題遠離目標

5. 即使遇到再討厭的.. 一字記之曰 : 忍
保持微笑, 禮貌, 始終係長輩....

樓主文中 1, 2, 3, 4, 5 全錯...咁一定死