kwong19

生存手冊結束.

本帖嚴禁盜文,如要轉載
請在標題加上〔轉載〕
及在文章開頭或結尾
部分列明出處和原帖網址。


警告黑名單
poonwangkin <
此人抄襲本人的post


(生存大法進行中,請比d時間我加工,因為我唔係成日開MC的,

放心,唔會走你地數.

係minecraft圖就影左,差埋加字教學)

估計下次更新進度:

擴建第2基地(完成)

,搵更多食物,挖礦洞.

有唔明的地方係,希望大家幫下我

•改變了生物難度的概念

•區域難度：待在一個地方的時間越長，難度將越來越高
•隨著難度浮動 - 物品，附魔或AI將隨著難度更改
遊擊法,住左1~2日就去第2基地,搵來換去,唔知得唔得.

話晒1.7.4出左咁耐,而我又冇係到講過D生存大法.

加上呢到冇咩教學,所以想係呢幾日整生存手冊,教大家入門.

就唔怕要問人果時冇教程,搞到次次上 minecraft zh 睇,呢到可以睇到我D心得.

整個 post 由0開始,教你打做自己的家,係生存mode做出基本的基地

(我唔係擴建人員,唔會整到又花又草,戰鬥堡壘係為左生存mode,個屋企只在功能上.)

(如果你睇到有D地方整到會靚D,可以提出嫁)


如果有人睇,這下次我就會開始 三軍未動,糧草先行 為主的生存大法


生存測試會用易的模式去開始,場地都係抽的,我都唔知有咩野地方.

如果你想同你的朋友組成2~4人的小組,加上分工合作,得到更多的時間搵資源,

呢個手冊都會幫到你地嫁.

請在開始之前,學會基本的走路,拆方塊........

同埋準備7 zip / winwrar 是但1個,去開我的教學檔案




三軍未動,糧草先行,意思就係 食物同補給最優先  就算你有裝甲,如果你飢餓條唔夠8成,

咁你的生命就會因為咁而無法天然生命恢復. 1.6.1果時的更新,做成難度上升.


目標: 1. 搵到村莊/雞/牛/南瓜/西瓜/南瓜 ,因為佢地最易養. 南瓜西瓜,因為佢地可以種

搵到2隻雞可以用種子,滑鼠右鈕比佢地食,生下小雞,種子打草就有. 小麥就比牛.

小麥可以用種子種,種野要對住草地,用銼頭右鈕,最好有水. (冇水點種......)

(動物會因為你手上有佢中意食的野同埋你行,只要唔好行太快同太遠,就可以帶佢地返屋企)


搵到的時間是很早的話,就會很有利. 村莊唔好咁快去,因為開始時冇咁多火把,最好就有64支以上先去)

村莊就會有野食,方便補給. 但係記得拎夠就返自己屋企,因為你唔夠火把幫佢地.

2. 擴建小屋,整火把,工具同武器. (唔去村莊住,直到你準備好)


•飢餓
•天然生命恢復現在會消耗飢餓飽和度    (最好大家去minecraft zh 去睇下更新)

•改變了生物難度的概念

•區域難度：待在一個地方的時間越長，難度將越來越高
•隨著難度浮動 - 物品，附魔或AI將隨著難度更改


所以搵食物係第1日要做的事,記得都要有間屋. (多人遊戲可以分工合作,1人搵食物,1人擴建)

以下係我第1日發生的事,開始啦.


測試版本 1.7.4  seed: -2870430473655538337  難度: 易   生成地牢/村莊  是   新手獎勵箱 否

遊戲mode為生存,地圖大小為基本. 目前合作人數: 得自己1個   末來會唔會考慮多人合作: 問下master joe

(新手獎勵箱,係為左比新手生存易D,會有火把,小小食物,工具同埋成個木箱比你拎走)

下方有圖片link,教埋你點做點合,就唔怕冇圖冇真相啦.

第1日: 開始果時我係草原樹林到,冇獎勵箱的我只好打樹,我得到木頭. 之後拆分做左工作台.

記得收集樹苗同埋蘋果,樹木冇晒. 樹葉就消失,有機會拎到呢2個野. (唔好把全數木頭拆分)

咁我就整左木棒,因為要做工具同武器,仲有火把. (唔好諗住用木棍打CC,用劍啦)


之後我整左把木斧,回收木制品/打樹會快好多嫁. 之後我打左D草,搵種子準備野食.

點知搵到有黑的山洞,更係出返來啦,好危險嫁. 我就睇到有豬,不過唔殺得,因為冇紅蘿蔔.


時間到左中午,姐係要快手D,如果天黑都未搵到落腳的地方,就大單野.



圖片說明: https://drive.google.com/folderv ... bkk&usp=sharing

[ 本帖最後由 kwong19 於 2014-4-4 16:32 編輯 ]

kwong19

引用:

原帖由 kagamine520 於 2014-3-14 01:27 PM 發表
支持一下樓主既苦心, 另附上本人既一點意見
文字方面寫得都算唔錯, 但編排方面需要更加明確
例如一出世, 就要先砍木, 做好工具先搵地方起屋, 再提醒唔好離出生點太遠
(人物死左係會係出生點重生,即使你跑左幾千格)
...

先要係到多謝大家的支持先,我冇注意呢點,下次會補返.
你所講的野好岩,下次我會整埋挖礦心得.
下次更新應該係挖礦,我會係圖片入面加字,提供更加明確的技巧.
寫呢D文係想有新手會玩得易D,幫下佢地.


接著上次的故事.........

留心個天空,因為上面有方塊,如果有不死生物入左去,因為冇太陽照到,佢唔會被燒死.
所以最好拆分木版疊自己上去,回收上面的方塊. 為左生存更係要有武器啦,整木鎬挖石.
(記得回收木版,小心唔好係高處趺落來呀....)


咁岩發現有煤炭方塊,用鎬挖掘得到煤炭. (可以用來合火把,用作照明防止生成敵人)
快手D挖8個石,再挖大約15石,用來整熔爐同石質工具,更耐用. (熔爐要用鎬回收,唔好用手打)
石制工具耐久大約為132,木制為60,鐵制大約是250,鑽石應該有15XX ........
(斧頭/鋤頭/剷子 保持石制比較好,劍和裝甲可以用鑽石制作,早期也可以用牛皮裝甲)
用鑽石鎬可以開採黑曜石,黑曜石要用一格水和一格熔岩生成. (可去minecraft zh 睇)
記得要用高級的裝備開採高級方塊,留下的鐵用來儲備有需要再用吧.


斧頭/鋤頭/剷子 只是普通工具,不要浪費鐵和鑽石資源.
(正常情況下,可以1人起屋,1人搵野食同埋制作工具)


整火把,控制地區的敵人生成,太黑的地方會生敵人. (火把的光係14,光亮7的地方會有危險)
如果冇煤,就把未拆分的木頭放入熔爐,用拆分左的木版去燒木炭,自制火把.

煤同木炭的功能冇分別,只係木炭大塊D,一樣燒到8個物品.
整埋石劍保護自己,有武器係手安全D呀. 仲要整埋門,唔好比佢地入來.... (此時天色已黑)
(石劍,把2個挖到的石放係工作台上面,中間各1,下方放木棍)


由於有敵人入侵,好在我擋下左攻勢到左第2日...... 一定要快D整鋤頭,搵野食....
點知隻CC係山洞出來想殺我,因為不死的生物會怕太陽,最後佢地全數身亡.
火把有幾支,就去光照入面,控制D敵對生物生成. (不要行太入) 嘩,好彩搵到馬.
不過有馬都係冇咩用,因為我都冇咁快養到佢啦. 我決定快D去野食,點知好好彩.

我打樹有蘋果掉左落來,好在汁返條命仔.....之後發現左D雞,就喂佢地食種子.
(記得用樹苗種D樹係屋企近小小,方便有木)
我終於可以唔洗捱餓同埋有雞蛋啦,之後就把D雞帶返入屋,因為我唔夠木整農場.
可以的話,最好把 牛/魚/豬/雞 放入熔爐燒熟. (河豚魚係整藥水,唔食得嫁,會中毒)
點知呢晚,出現左CC村民,救唔到佢,我只好殺左佢地..... (方法:把屍村民用方塊包圍,
對佢投擲虛弱藥水,再把附魔金蘋果比佢食(右鈕),等3~5分鐘就OK.
注意(1.唔好比任何生物接觸佢,會失敗. 2.救佢的時候,佢唔可以受任何攻擊/傷害)

[ 本帖最後由 kwong19 於 2014-4-4 16:34 編輯 ]

kwong19

大大的意見好好,我會改善,多謝支持



到左天光,因為唔係不死生物佢地唔怕太陽,所以要清理佢地. 呢隻野打死左之後,
有線可以掉落,4個線用來合毛,就可以加埋木版整床. (太陽落山果時訓教,可以跳過晚上)
避開敵對生物生成. (3個羊毛放係工作台的中間果行打橫,下面放3個木版就合到)
(羊毛同木版咩野色都合到) 不過都係搵羊先啦,同牛一樣佢地都食小麥.


點知真係搵到羊,唔想晒2個鐵錠去整,就用小麥喂羊,等佢地長大左再殺1隻.

但係,同時發現左2個問題,第1個係綠色的自爆怪. 佢會接近你之後自爆,
最好就係大的地方先打,用石劍打一下之後閃人. (注意周圍,以防出事)
等佢唔再閃果時再斬,咁就應該殺到佢. 如果你有水桶/熔岩就更好,如果佢係水入面,
爆炸的時候會比水吸左D爆炸力. (水面放柵欄有分隔水的設定,無法防爆....)
熔岩就可以直按燒死,不過戰利品就... (用熔岩時注意周圍,以防火災/TNT...)
如果自爆怪最後一下比骷髏弓箭手殺左,會有音樂CD,一般殺死就會有火藥,自爆就咩都冇.


第2個問題就係狼狗,佢地會吃羊,死晒就大件事. 但係打佢地,佢地就會成班圍埋來,
點好呢 ?

方法1. 之前晚上打死骷髏會有骨頭,唔好拆分晒. 去用木頭加埋門圍住佢地,
2格高同埋4*4 16格空間,有火把係入面就OK. (等待下次更新)

方法2: 殺左果d狼狗,不過你要有充足的準備. (記住自爆怪會破壞地形,小心!)
(我選擇左殺死佢地,為有一路打一路後退)
之後去左d洞入口搵到鐵礦,不過唔好行太入呀,入面好危險. 可以用火把照明d地方,以防挖挖下.....
記得唔好用木鎬,要用石鎬. 如果搵到黃金的,記得用鐵,用木係挖完拎唔到野.


(鐵礦放入熔爐,燒完會變鐵錠,可以用來做鐵質武器/工具/裝甲嫁)
諗住有鐵用,點知出現左隻弓箭手,佢地射擊速度會因應目標距離,近的話會好快.
因為我種左樹所以出障礙物掩體大法.方法係行去樹後面,佢來就打佢.
你出手快過佢,佢就比你死得更快. 圍住來行就ok.

[ 本帖最後由 kwong19 於 2014-4-4 16:36 編輯 ]

kwong19

(骨骨弓箭手,殺死佢可能會骨頭/弓箭/弓,可能會有強化過的)
咁子彈方面係唔係要打骨骨弓箭手先會有 ? 其實你可以合,不過沙礫回收果時
可能會變左黑色的打火石原料,燧石+木棒+毛 就合到 (毛,殺雞會有).


(因為天然生成的沙礫有限,會用晒,最好都係用可再生方式去合)
好啦,因為要準備搵個新地點出新基地,所以我把之前挖到的鐵礦燒3個.
整個桶 (3個小麥,2隻雞蛋,1個糖,3桶牛奶可以整蛋糕) 桶可以收集1個水/熔岩.
(如果自己著左火,搵到水/有水桶倒水滅火自救) 桶係為左方便係基地種植.
你又可以把燒好的鐵整做裝甲,點選擇就睇你自己啦. 講返好重要的合成,就係木箱.
用工作台,把8個木版係合成區圍住8格,就整到,可以加多個變成大木箱.


第1步,收好晒D野去整新屋. (差D唔記得拎埋小麥,甘蔗,有機會整蛋糕/南瓜pie)
由於事前儲左D木,就整左柵欄. (用6支木棒係工作台到合成,6支合到2個)


嘩,有牛. 就更係帶去新基地.你可以整埋有門的柵欄. (4支木棒,中間2個木版)
(南瓜方塊拆分會變成種子,鋤頭整2格可種植的泥土,種左之後等收成)
下次回補圖片教大家種甘蔗同埋其他野.


新屋我用左木版同石去整,記得屋頂有4格高會好D,有隻黑色的野會爬上來嫁,
但係夠高佢就會唔夠力再上,屋頂要放火把!


之後搵到南瓜,終於可以種野,咁就更係用水桶取水啦. 無限水大法: 水桶同埋有水的地方
先把地面挖3個方塊,之後係左/右的地方倒水,最後左右都有水,取水中間的水就會無限.
經過多日的收集,我終於合到床可以訓教啦.....  (待更新) (喂:咁快就訓,講好的挖礦更新呢?)

[ 本帖最後由 kwong19 於 2014-4-4 16:37 編輯 ]

kwong19

因為要多d食物,自己種唔快

搵到村莊,介紹左入面d野,同埋保護村莊技巧,

先再去挖礦,希望大家諒解.....

下次推出: 新手版無限石頭大法,村莊防衛戰,村莊一日遊.

[ 本帖最後由 kwong19 於 2014-3-18 00:53 編輯 ]

kwong19

引用:

原帖由 katat1 於 2014-3-18 09:27 AM 發表
另外

在山洞 最不推介用木門來做門口......

屍仔 簡單以上 即可 破壞木門.....

山洞中

最好是用活板門 在 門口做為第一個 入口

再用木門 做為第2個入口

那樣,無論是屍仔,骷髏,苦力怕,任何怪都不會來打擾你~~
...

感謝你提供方法,其實在上面我講了光照少於7就會有生怪危險.

又可以用柵欄門,鐵門都得嫁. 不過現時的怪強化了,和以往不同打法.


好啦,又講返上回的故事.......  上次講到種野,記得唔好係田地到跳.....


大家可以係有水,有沙的方塊上面種甘蔗,甘蔗就係用來比馬/整蛋糕/南瓜PIE.

種的時候,相同高度要有水,水要連住沙方塊,最多生到3格高. (回收得返1格,會再生)

南瓜/西瓜種植方法: 先把種子放在種植地,上/下/左/右要有空間,之後佢會成長

為根,(黃黃地色)最後等佢有南瓜生成就OK. 唔洗再用種子,回收南瓜方塊,佢會再生的.


咁岩果晚打死CC有馬鈴薯,如果可以就唔好食左佢,種左佢會生多D出來.

紅蘿蔔都種得,鐵都有機會得到. (以上3個,最後一下最好係玩家殺死CC)

之前儲備的線可以加木棍合做弓/魚竿. (1.7.4魚竿可以強化)

會有機會釣到,裝甲,名命牌,水瓶..........


由於有資源我就合左個鏟,用來鏟雪球,再合雪人整無限雪.

呢個時候我去左收南瓜,之後去D洞入面睇下,當然唔行太入,挖小小鐵礦.

記得木材質的鎬工具只可以回收到石材質,石鎬先可以挖鐵礦,鐵質鎬

就挖到黃金礦,鐵鎬挖可以挖到鑽石礦.鑽石鎬就回收黑耀石.



南瓜派要用雞蛋,糖,南瓜方塊,唔洗工作台,但係你要有呢3個. (可再生材料)

因為唔係肉類,你會發現只係應急之用.  蛋糕用工作台先整到,先用2個甘蔗拆分2個糖,

準備好3個小麥同埋3桶牛奶,1隻雞蛋. 3桶牛奶放上面,中間果行,左同右放1個糖.

中間就放雞蛋,最後3個小麥放係合成介面的下層,就搞點嫁啦. (蛋糕應該夠1~2個人分享)

但係合左之後係唔可以疊加,一放就冇得回收. (用手打會拆毀) 右鈕食一次,回復小小肚餓.


之後搵到個小熔岩區,但係太陽落山啦,日頭先去救村莊啦. (加上我都冇咁多木整火把...)

難得有熔岩就收左1個返來,但係要小心使用,因為熔岩會燒著草,木材質.

有樹就更加要小心,如果高難度........ 我到時都救你唔到呀....

因為有熔岩,所以就無限石了,水流到熔岩會變石,但係小心熔岩,唔好變左黑耀......

(到時會有升級版,請等我再整啦.......) 熔岩的用法有3個. 拎去燒野,做陷阱,整石頭.


好似果晚有隻弓箭手要來殺我,我就整左陷阱區,再打佢落去.

戰利品會因為熔岩,所以拎唔返. 不過保得住條命,好過冇. (最好就唔用熔岩落熔爐燒野,浪費)

話咁快就到左村莊,我要介紹一下村莊做D咩先. 可以當係比你休息的中途站/買野/拎野食的地方.

1條村莊正常來講唔係太大/太細,會有以下的設施. 唔同設施都好有用,記得保護環境.


肉店: 動物有關的地方,下次1.8應該會買到,肉/皮革 之類的野. 特點係入面有石磚,

屋後面有個柵欄的地方.

圖書館:  入面有工作台,書櫃,冇旅館的話可以考慮係到放床訓教.

水井: 小心唔好跳左落去,裝飾用.

鐵匠加工屋: 有熔爐,入面有箱子有野拎. 不過都係拎野就做返D野,保護條村.

小心加工屋有時會火災,幫手救火啦. (用手打火,就得嫁啦)


旅館: 唔想係人地到起屋,唔介意有個地方搵落腳就來呢到啦,1~2人合作應該夠住.

記得,記得,村莊要好多火把同木板/石頭去保護,準備好多日頭去,幫手放火把照明.

古屋: 空冇一物的屋,火把夠光就唔洗理.


有時會發現條村有地下洞,為左唔好比村民送死,要放野擋住. 好似石/木方塊加梯子,

只要唔好有位比佢地上去就OK. (等待下次更新)


D野點合同圖片係附件.......

[ 本帖最後由 kwong19 於 2014-4-4 16:37 編輯 ]