星幻乂夢

是咁的，今日小弟上最尾果堂時，不小心將自己收藏於衫袋的彩虹糖跌左出來，
結果坐我後面既一位同學就見到，佢係咁叫我請佢食，話好肚餓，未食野，
咁我就話唔得啦，哇你想係老師堂食，你死你事，但若連累到我就唔多好啦，係米先，
之後過一堂（果一堂係咁嘈嘈嘈，要我比佢）
突然，佢扯住我衫領，拉我向後，係咁威逼我比佢，我扔低一句「唔呀！」後，
佢就放手，突然，佢又拉住我，今次直情拉到枱上面，老師又發緊雞盲，
咁我呼吸唔到啦，直情出唔到聲咁啦，當我用力起返身果陣，條友就會扯低我，
咁我第四次準備起身果陣，佢又扯，呢個時候我一個大大力鏗落佢隻手到，
果下我聽到一下好清楚既爆裂聲，「啪」一聲，我慢慢起返身，只見佢痛到無法形容，
之後佢話「你好嗎？你媽媽身體好嗎？洗唔洗咁大力呀！」
「哎呀？點呀？同老師講好嗎？同老師講你想勒死我，之後我為求自保，一個頭鏗落黎好嘛？」
我咁樣講左句之後，佢就即時收左聲，到底點解佢會為左一包糖而作賤自己呢？
所謂高清無碼彩虹糖真的如此吸引？

星幻乂夢

引用:

原帖由 　　.Angry★ 於 2012-12-19 20:42 發表
同意同意

當然！我好乖架！我係乖到上堂訓覺，玩電話！

星幻乂夢

引用:

原帖由 ★凍檸茶 於 2012-12-19 20:45 發表
上堂食糖?

上堂食薯片、百樂滋、麥提莎乜都得啦。

仲細咩唔敢食。。

重點係佢煩到乜咁，自己本身同佢又唔友好
朋友就算驚中伏我都會請啦，但佢啦喎

星幻乂夢

引用:

原帖由 poing.DaL 於 2012-12-19 22:07 發表
呢個時候我一個大大力鏗落佢隻手到

個頭鏗落佢隻手到?

當然，我的手腳是無法如此大力的