★洪九_×

金錢對於我地人生黎講真係咁重要?
人生既羸家 = 有錢人?
有錢 = 幸福?
對於金錢至上既價值觀 我個人係唔認同的

首先家人朋友的關係是不可以用錢來填補的
你要知道　　錢唔係萬能　
我認同　無錢就萬萬不能　但起碼你要知道
錢雖然係必要　但錢唔係你既目標
你可能會為左維持一ｄ關係　需要搵多ｄ錢
但絕對唔係因為搵錢而搵錢
錢唔係大哂　有ｄ野　有錢都唔一定擁有
隨時有ｄ更重要既野　係你想搵更多錢既過程中失去左
以後都未必搵得番

唔知你地有無聽過一個故仔　
一隻狗狗　口有舊骨　行過橋既時候
見到河水上舊骨既倒影　就開口　　
跟住舊骨就跌左落水
隻狗為左得到骨而失去骨
當人想利用金錢獲得幸福　然後盲目咁想搵多ｄ錢
會唔會變到隻狗狗咁
為左得到幸福而失去幸福?

仲有就係stardriver第８集開始戈陣既故仔
塞姆千辛萬苦得到飛船
而飛船要既燃料係佢所愛的人既血
為左踏上銀河旅程呢個憧憬　佢不惜殺左少女　
開始佢既旅程　但係佢馬上就注意到
佢一直著迷既銀河世界　同佢一直生活係既魚之星又有幾大分別呢?
魚之星都係銀河既其中一粒行星　事實上銀河並唔係遙遠既世界
佢一開始已經活係呢個燦爛既世界入面
咁少女係為左咩而犧牲呢?

塞姆所憧憬既銀河之旅
就好似人們所憧憬既有錢生活
少女就好似我地身邊既事同物
有錢固之然係好　
又值唔值得我地去犧牲周圍既事同物呢?
你所憧憬既生活　又係唔係真係咁美好呢?
會唔會因為呢個虛假既理想　而失去近在眼前　卻更為重要既野呢?
AIR入面都有句係
『為什麼我到現在才注意到，我在你身邊，看著你的笑容是那樣的幸福，只要這樣，我就已經很幸福了。』
呢ｄ都係唔好令自己後侮既反思

現今社會經常
將富有簡化左做有錢
將家庭簡化左做房屋
將知識簡化左做學歷
將美麗簡化左做瘦
將宅男當能左做毒男
不知不覺間　好多野既本質都唔同左
你地所追求既係唔係正確既?
我覺得係現"金"社會上 更加需要清醒
如果唔係好容易會迷失

你既人生是否幸福 只有你自己可以判斷
金錢雖然係必要 但一定唔係最大既因素
就算我暫時無咩發大達 做咩工既目標
但係我已經擁有人生最重要既野 相對呢d都唔重要
只要有家人朋友支持
就算以後要面對咩既困難 都唔需要畏懼
即使現實有幾殘酷  只要我有親情、友情、愛情
我相信我呢一生都係幸福既
就算當我聽日知道有絕症 都無咩所求
所以接下來最重要既 就只有唔好比自己有遺憾既機會
我得戈17歲 人生經驗仍然係少到哭
你話我天真又好 咩都好
以上既都係我暫時既睇法同理念
但儘可能我想留低自己既睇法 等我以後可以睇番

[ 本帖最後由 ★洪九_× 於 2010-12-17 20:04 編輯 ]

★洪九_×

引用:

原帖由 tony987852 於 2010-12-17 20:27 發表
你覺得D露宿者又好幸福?

都唔關事
咁都要拎黎問?

★洪九_×

引用:

原帖由 -★奶媽、 於 2010-12-17 20:43 發表
      宅男變毒男阿

太好了 有人睇到

★洪九_×

引用:

原帖由 叛逆乂月 於 2010-12-18 11:59 發表
冇錢好多野都做唔到 起碼有病連睇醫生都唔得
而有錢呢? 好多野都做到 比起冇錢真係好好多 可能你會話 有錢買到親情 友誼等嗎?
係 岩 但係冇錢就一定可以有親情 友誼?  有錢唔係大晒 但係比起冇錢一定幸福好多
正如 ...

都唔係討論有錢幸福定係無錢幸福
就好似我話想靚有無必要減到咁瘦
你同我講你覺得肥婆好靚女?
又或者
我話家庭包括既除左你屋企有幾多尺之外家人都好緊要
你同我講一家四口迫埋一間細房好好?

問題唔係咁樣問嫁

[ 本帖最後由 ★洪九_× 於 2010-12-18 13:13 編輯 ]

★洪九_×

引用:

原帖由 Mamiki。 於 2010-12-18 14:49 發表
價值觀，性格，家庭。
每個人的經歷不同，不能一概而論。
不要強迫別人接受你的想法。
即使是社會上的主流看法也一樣。

所以我講得好清楚　以上只係我自己既睇法