kelvin19250

我就冇樓主咁多經歷...
不過我果次真係好深刻

話說，係我5年級左右的年齡
我同屋企人就跟團番大陸玩...
其中一個行程就係玩賽車....
果陣我真係太細個，又唔識死喎
咪扭計求我媽咪比我玩囉
我媽咪不嬲都好心軟，我扭多幾扭
佢就比左我去玩

當時我真係好開心同刺激，一上到車到....
當正自已拓海上身...
一踏油門，成架車呼一聲就飛左去
當時我太細粒，果陣大約1米3cm左右
成個人差唔多拋一拋前...
我諗著呢d係正常，本身都好地地，一去到前面灣位
就出事啦，我果時真係以為鬆一鬆油門，踏一踏"壁"，扭一扭呔
就可以漂移...但係唔知係架車有問題，定係我技術問題...
成架車冇漂移不得止，仲要成架車撞埋d車呔到
可能我太細粒，個安全帶都起唔到作用，我成個頭撞向前
撞左d螺絲到，果時我覺得眼前一白，突然聽到d聲，係咁叫我個名
之後我覺得個頭涼涼地，後尾開始清醒番少少...
我發覺自已成頭血
件衫由白色差不多變左紅色
果陣真係半隻腳踏左入鬼門關....

時隔咁多年，真係仲驚驚地