SmileBoy

每次上vLan主要都係打理信長區  今日就黎吹水區開帖發享下


尋日係敝校一年一度社際戲劇比賽
係眾多校內活動中被視為最大型既一項
而今年身為社幹事.. 當然要出一分力 加上我都幾喜歡係舞台上面既表達方式


其實係中三已經開始參與 當時係做幕後工作人員.. 簡稱咕哩 負責換背景
而中四果年 就係亂打亂撞既情況下 擔任編劇+導演
成績唔錯  雖然被另一實力豐厚(有話劇人員班底)既社拎左冠軍
但套戲都拎左個最佳導演, 最受歡迎劇, 最佳演員x2
(共設有 最佳舞台效果獎, 最佳原創劇本獎, 最佳導演, 最受歡迎劇獎, 最佳整體演出獎, 最佳演員獎x3 共八項)


而今年 由於參與戲劇既社員又唔同左..

好多黎自choir(歌詠團) 所以佢地興高采烈要玩音樂劇

不過我好反感  感覺上佢地係因為想唱歌而參加  如果單純想唱歌  點解要搞垮我夢寐以求既戲劇比賽呢


加上現任社長係新生 唔清楚我既能力

所以我就本住當拎少幾個獎既心態(嘴巴上逞強 即耍帥) 唔理佢地 由得佢地自生自滅

不過再諗清楚之後 唔應該咁細路耍脾氣 有問題係應該諗辦法解決 唔係搵藉口逃避啊

點可以成日做懦夫呢..


所以最後 雖然無得做埋編劇(遲左參與佢地), 演員(本想係中六獻出第一次.. 但有更適合人選, 還有我唱歌不在行)

但都幫手做導演 應付我好少接觸既音樂劇

由排練到演出 只有唔夠兩三星期時間  期間仲要不斷修改劇本 同應付校內大大小小雜項..


好不容易 係放棄學科好多測驗既情況下.. 終於順利演出

觀眾既反應比預期中更好 雖然演出仲有不足之處

不過演員係咁短時間演到呢個效果 都心滿意足嚕

最後我地好意外地 擊敗大熱門(兩年前嬴的那社) 囊括左七個獎項(除了一個最佳演員獎是熱門社拿到)

係領獎當時既熱烈掌聲下  係慶功宴上既一輪歡呼狂喜中..


在舞台上的演出告一段落


直至今日我先發覺戲劇比賽完得太快..

可以既話  我仲想沉醉多一會  就這麼多一會..

下一年 又要應付公開考試 一切課外活動又再與我隔絕

下一次踏上舞台.. 又要待到何時呢


ps: 校方有錄影片  有機會既話放上黎比大家睇下


[ 本帖最後由 SmileBoy 於 2008-5-17 12:20 編輯 ]

SmileBoy

  此舞台不同彼舞台啦

SmileBoy

可惜依家既校園

只有成績

成績

成績

上堂悶到嘔  猛做past paper幹啥?

幹嘛學校變得像補習社一樣!

好濫的制度..  學校一個決策不小心  就淪為濫制下的濫學校

SmileBoy

只可惜學校已全無學習氣氛