SmileBoy

其實小組討論方面我都算唔錯  平均係第4等級  (限中文...)

當有dead air, 最好當然提出新既論點  然後繼續討論落去..
但如若一時諗唔起有咩講  歸納之前所討論既野都係一個唔錯既選擇

例如 係討論香港學生語文水平下降
a君提出 師資下降 ; b君提出 學生課餘少接觸語文 ; c君提出 傳媒口語化
咁當大家無野好講既時候  你可以發言歸納一下
「讚同香港學生語文水平下降既考生, 主要提出3個論點, 1.師資下降(可闡述) 2.學生課餘少接觸語文 3.傳媒口語化...」
如果你係正方, 可以繼續提出新既論點, 或形成呢d論點既成因、如何改善
　　　　反方, 可以反駁對手既論點, 加以闡述, 再推出自己既論點, 再闡述以鞏固自己既論點.
如果真係諗唔到新論點..  可以用問題去引導整個小組繼續討論落去

SmileBoy

呀..  要緊記一點  出到去會考  係唔可以話「請2號考生你發表下意見」之類

因為會有穿通作弊之嫌

如果你提出問題  最好用「唔知大家對此有咩意見?」之類

如果大家繼續唔出聲  唯有你繼續講落去..
需知道如果一齊唔出聲  就會攪埋一齊死, 但如果你表現到自己既能力出黎  係其他人唔合作  錯不在你