紫游

我今日條氣已經好唔順,
俾老細鬧完一肚氣,返到屋企樓下仲俾狗追,跑既途中仲要踩埋屎
但係我都忍,只要一上vlan就咩野都唔係一回事
我連衫都未換,著住果對踩左屎既爛鬼皮鞋,都要堅持上vlan先
我一見到呢個標題就毫無戒心咁禁左入黎,因為我知道呢度每一位巴打都係好pure好true
絕對唔會線我一獲金
可惜我一入到黎,就知道呢鋪賴野啦
每一個人上vlan都係為左放鬆下姐
我同你三唔識七,你咁做有咩好處先?
點解你要開個咁既post黎玩我?
香港人本身已經好大壓力,本身諗住入黎笑下
誰不知你咁樣整個陷阱係度,連我隔離屋上緊vlan既陳生都大叫左聲:仆街,中伏!
之後就聽到佢發晒爛渣打老婆既聲,後尾仲有d電鋸聲添
你有冇諗過d殺人犯,強姦犯,變態佬同埋家庭暴力就係你呢d人搞出黎?
你問下自己,你慚唔慚愧?就係因為你,令到成個香港變左個悲情城市
你玩還玩,唔好拎呢d野黎玩
所以話丫,樓主,你真係衰人黎架
我而家諗返,隻狗都唔知係咪你放出黎,d屎都唔知係咪你痾既,點解你要玩謝我呀

[ 本帖最後由 紫游 於 2010-9-6 17:05 編輯 ]