大家好,又見面了..無錯,又係我
開始講前想同大家講d前言先..
首先想同大家講聲唔好意思先..雖然標題寫住悠閒小作,但其實係小弟既"真Game真事",只係諗唔到用咩標題
所以先寫悠閒小作
小弟之前都有兩篇講番關於自已新手玩信長既post同埋一篇天馬行空既信長post
如果未睇過既會員,有興趣既話不妨支持下:lol
另外係度有個請求,就係話,希望大家多d開post,講番自已以前既經歷同故事
因為小弟對大家以前既經歷都好有興趣..想多d知道每個人唔同既故事:)
而且版主又會加分..何樂而不為呢:lol (係度再次多謝番立哥,同sweetom版主兩位加我分,感激不盡)
---------------------------------------------------------------------------------------------------------------------------------------------
記得..個陣尚算係新手實力既時侯..隊中既隊友總係會有一兩個會選隨機英雄...當時既我不知天高地厚
試試挑戰隨機英雄..當然啦..唔係一抽即刻抽到隨機英雄..但係抽親都唔識用:lol 結果呢..就係走場了..
直到有一次..我禁隨機英雄既時侯..抽到個赤裸上身既人物
.. 大家都應該估到..宮本武藏..
當時隊友都好羨慕..個個都講d類似"你就好啦" "我都想用呀"的說話..當時我都幾自豪下
不過..其實只係惡夢既開始
由於受過人地用隱英既影響..我決定好有型講一句：單下,唔該
(型呢.. 睇落去你會笑
)
行出去無耐,我開始打兵既旅程....哈哈..明智光秀..咁廢既英..睇住我點打羸你啦..:)
話說我講完呢句無耐之後..由於我掛住用隻馬買野..結果
...明智光秀 擊敗 宮本武藏
當時既感覺...好瘀..身為隱英..點可以咁容易死呢..唔緊要唔緊要..再黎囉咩事姐..
接著,我再度渣住兩把刀仔赤裸上身行出去...哈..6lv了..你仲唔死..也...一開始..
我先出連環鋼破,劈呀劈..跟住再孤月斬一下...hehe..你仲唔死...突然我耳邊聽到一句..."your mana is xxxxxxx"
oh no..冇魔
..跳唔起...嗚哇...結果...我好似拍電影咁..d隕石係我後面狂炸落黎..我就好似成龍／李連杰咁不斷向前跑..
可惜..似還似..結果都係 本能寺燄上 擊敗 宮本武藏:Q
呢個時侯..出事了..隊友開始問：你搞咩呀..
係呢個咁緊張既關頭下..我決定採用張國榮某套劇集既一句名言：okok..下次一定冇問題:Q 黎回答佢...
由於怕大家悶..所以我決定直飛去大會戰既情境..:)
情況1.我方齊藤道三陷入險境..被敵方一眾圍嘔...我方只剩下兩名生還者
係咁既情況下..我決定做一件好偉大既事...道三!..唔洗怕..我來了..."哦哦哦"...
我決定好有型咁跳出去...好可惜..當我開始跳既時侯..我後悔了...因為..道三已經死左...
oh no!!!....boom...當落地個刻..我感受到..我就好似係身處於七一大遊行既董伯伯咁...
係兩秒後,佢地決定帶我去見道三...
情況2.敵方進攻,我方陷入大險境,但一眾剛好復活..追擊之際...敵方打算撒退..
係呢個時侯,我隨著一眾同行既兄弟們追擊..中途唔知俾邊個埋伏..我地再度係中間大會戰:)
而呢個時侯,我發現茶器鋪有個松永久秀..我心諗..你今次仲唔死....咦..冇魔添..算啦..岩岩好夠爆大..:Q
我睇死你實會郁去第二個方向走架啦...計定你行邊度先....於是..我既"哦哦"計劃..正式展開...:)
的確,我估中左,佢真係上左去..不過呢個鐵一般既事實..由我就落地個刻改變...係行上去個刻..
松永先生決定用施丹轉身向反方向移動625米....於是...我再度失手了....算吧...放過佢....
可惜..我饒他..他不饒我...佢決定好狠咁捉住我..好好運..冇人幫佢:lol
我決定好有型咁跑番基地..點知..慶次衝到埋黎..oh no
..呢個時侯..我見到松永走緊..冇法子啦..我決定
用鋼破係佢身上..以避免前田殺我...但當我用完後..我竟然發現.....................佢後面有兩個隊友
係三秒後..我冷靜落黎..我決定好後悔咁樣後悔四秒前做既決定..:(
跟住..我走上左一條不歸路...(走場):call:
直到而家..a...唔好以為我講我進步左...錯....直到而家...我仲係唔識用隱英:( ..
佐佐木小次郎 → 於丹羽長秀(隊友)放火山時拉走敵人..但打唔死..:(
宮本武藏 → 跳完出去再行番入基地／跳入去人地基地再行番出黎:(
柳生宗嚴 → 係服部放大絕期間將一個滿血既前田慶次轉上天...:(
上泉信綱 → 飛埋去人地度..人地岩岩開左魔免先出大絕:(
今次呢篇文雖然打左好耐..但係由於記憶都唔太深刻..好模糊,所以應該冇以前兩篇咁好笑..
亦都希望大家睇完之後會回post,或者開post發表下你以前既經歷:lol
多謝大家咁哂時間睇我個post:lol
P.s 文中所有對話並無針對或污辱角色人物既意思,純為加入爛gag元素..:call:
:D 可能大家會覺得我d gag爛
:( 或者超爛..
