420.jun

講起都嬲嬲地, l4d系列都出左兩年幾, l4d2 都好長時間啦.
都唔知搞乜, 依度大部份人都仲係玩緊coop ??
正如我係格離post所講既, coop就算係專家級, 玩到識飛都好,
個難度都係俾唔上一場雙方都係4vs4神手既精彩對抗, 錯, 係冇得比. 咁即係代表咩呢 ?  
即係話到左2012年, vlan既l4d2 都只係充斥住大量既幼稚園級數玩家
真正識玩l4d2既, 尊重佢係一隻好game既,
當然要用競技既形式去表現男人既浪漫, 而唔係玩咁耐, 都係同d死物電腦係度周旋.

頂丫, 想當年人材輩出, 晚晚versus 爆區爆到3am, l4d1 既vlan, 邊係好似依家咁架 ???

[ 本帖最後由 420.jun 於 2012-1-28 14:20 編輯 ]

420.jun

引用:

原帖由 orangejuice 於 2012-1-28 14:23 發表

當年得幾隻特感用, 而家出多左新特感, d人材玩唔慣, 於是走晒
有d又話買左正版黎玩, 正版真係大把對抗場, 快點去玩吧
vlan有幾個對抗場已經很滿足, 有d人玩對抗玩到出晒名, 人人見到都想入佢隊,
唔排除有很多 ...

有邊幾個出晒名呀   睇下小弟有冇機會一賭其風采

420.jun

引用:

原帖由 orangejuice 於 2012-1-28 20:09 發表

通常我攞最高分, 佢地會轉去對面隊
可能佢地唔鍾意一個無名小卒都高分過佢

你係咪話緊做怪果時呀, 高唔高分好似不代表甚麼架喎 ?

420.jun

引用:

原帖由 slunmak 於 2012-1-28 19:38 發表

勁人?好多去曬steam la~

我比較鐘意sm人so我5鐘意d新手
vs同新手一team 我會講好多F字頭既野

其實你肯定自己唔係新手 ????

420.jun

引用:

原帖由 RDiver 於 2012-1-29 03:35 發表

我相信你仲未明白 L4D2 受歡迎既原因與其精髓所在。

最後，唔好再攞３年前既 Left 4 Dead 相題並論，玩家喜好往往隨著時間而改變。

千其唔好自大到同我講你明白L4D2 受歡迎既原因與其精髓所在, 真係想笑. 你最多只可以話你明白 VLAN L4D2  受歡迎既原因與其精髓所在.  

你知唔知人地美國, 歐洲, 日本果D國家個L4D2 競技風氣有幾盛行呀 ?  
人地有比賽, 有直播, 有旁述, 有神手呀 ! 睇住世界最強果幾隊打FINAL就好似你睇世界杯咁刺激讚嘆呀 !
似香港 ?  香港由頭到尾都係得一兩TEAM 叫做上得STEAM 見得下場面咁咋, 記住, 係見得下場面咋.

仲似得果D RPG, 10VS10, 細路仔玩泥沙嗎 ?  有冇人會直播自己coop破關最高難度, 然後直播又會有幾百個人一路睇一路緊張一路打字吹水呀? 最多咪justin tv  小貓三四隻.  幾難既coop, 都一早有人破左youtube都應該有得睇番啦, 況且coop除左所謂既地獄settings, 最高果幾個難度 要花小小d時間打多幾次, 其他所謂難度其實真係冇乜難度可言.  我真係諗爆頭都唔明點解coop都可以玩成年.
你睇足球的話, 你希望睇到活生生既團體合作競技較量定係人同機器比腳法 ?   唔明白個精髓果個, 其實係你呀

如果你話我唔明白既係 VLAN L4D2  受歡迎既所謂"原因"同所謂"精髓"所在, 咁你就岩.
因為, 我上一個留言就係講緊我有幾咁不爽呢一d毫無電子競技含量, 同死物周旋既玩法, 原因同所謂既精髓.
你明唔明白我覺得你地咁樣玩法, 簡直係侮辱緊隻咁好既GAME呀 ??

當然要點樣玩隻game係個人既自由, 其他人絕對係無從干涉.
但你同我講呢d咁野既, 我咪即管坦誠咁講下我感受囉

[ 本帖最後由 420.jun 於 2012-1-29 19:58 編輯 ]

420.jun

引用:

原帖由 katat1 於 2012-1-29 19:49 發表
人地點玩未點玩囉
官方出game給我們玩
官方出game又關你事
現在l4d2大多人玩普通戰役場
你又不入去
唔通你一定要去rpg,10vs10場呀

你知唔知人地美國, 歐洲, 日本果D國家個L4D2 競技風氣有幾盛行呀 ?
人地有比賽, 有 ...

你睇清楚人地講乜先出聲啦老友   九唔搭八對討論係冇益處的.

420.jun

引用:

原帖由 orangejuice 於 2012-1-29 20:56 發表
對本人而言喜愛玩對抗是出於好奇, 剛出了新特感, 係人都想試下,
所以某個時期l4D2的對抗也是很興旺, 後來地圖越出越多, 插件花款又多, 玩家不致於一定要玩對抗解悶
本人回想起, 最多時間打機同埋練game就係中一中二 ...

呢位仁兄咁講就有d唔岩喇.  無論係邊度, 全職打機都係會被歧視, 因為咁多人打機, 當中贏比賽搵到錢既人, 有幾多呀 ?
然後, 你認為日本既讀書同工作壓力, 會比香港低嗎 ?  人地既l4d2 level 係亞洲最高, 分分鐘贏鬼佬.
你最後果句雖然係岩, 不過既然我地已經係呢個l4d2 forum 討論緊l4d2, 即係話唔關事.

引用:

原帖由 anthonyij 於 2012-1-29 21:32 發表 [url=redirect.php?goto=findpost&pid=4950505&ptid=502644][/url]


你知唔知人地美國, 歐洲, 日本果D國家個L4D2 競技風氣有幾盛行呀 ?
首先 E度係香港 唔係日本 唔係美國 你覺得可以用一個地區比較一個國家咩

仲似得果D RPG, 10VS10, 細路仔玩泥沙嗎 ?
其次 E個只係其中一個玩法 ...

台灣, 星加坡, 韓國係國家啦掛 ?  佢地地方咁大咁多人, 都係同香港面對住同一問題, 只得一兩隊見得人.  礙於大陸網速同正版既不盛行, 基本上係國際上中國人係極少極少(基本上未見過)係亞洲l4d2既競技社區度出現過, 咁樣情況下我可以用香港比較啦掛 ?

阿老友, 我當然知果種係另一個玩法, 正如我話玩包對既人都係幼稚園玩家, 你咁樣講對件事根本冇影響, no offense無意冒犯, 係廢話.
有冇人直播方面, 我就係回答緊阿RDiver所講既原因同精髓, 有一個國際性既社群一齊搞一個比賽, 直播, 以作良性交流, 而佢地就係發明呢隻game既西人, 亦都係最多人玩l4d2既地區, 呢樣野非常大程度支持我所講果種競技方式先至係呢隻game既精髓.

哈, 別傻, 你咁樣又話我膚淺我真係唔知關咩事, set到十萬血一隻特感的話, 係人都知係冇可能過到, 有冇邊個咁傻會講d係人都知既野 - 講廢話呀 ?  當然係純粹講緊隻game 原生最難既幾個coop, 專家寫實之類啦. 至於加唔加強, 我真係冇興趣. 因為最後, coop, 都係打緊電腦, 零互動交流 - 完全冇癮.

亦都最後, 你講得冇錯, 我的確第一次玩l4d就係玩對抗 , 當時亦都係短時間內成為一個(只限)vlan公認之所謂神手(亦從沒出自本人口中).
合作玩下coop, 玩下新map, 緊係冇咩問題, 我同d frd悶起上黎都會咁做.
但全個vlan區都係coop, 10vs10, rpg server, 會唔會有d過份 ?  我有一樣野比較介意, 就係見到幾個阿nick, 幾個ellis 係度行黎行去, 已經即刻唔想玩!  改到都唔知係咪仲玩緊l4d2 ?  隻game不如改名複製人大戰喪屍呀 ?
我絕對認同coop 係應該存在, 但絕對唔係好似依家既vlan l4d2咁, 一開條server list  全部都係 rpg 10vs10  果d, 見到係Expert coop 都冇咁嬲 !

最最後, 我有講過d乜野難聽說話嗎 ?  我最多只有講, 選擇coop, 玩開coop而唔玩對抗既玩家, 係l4d2入面, 實力上, 係幼稚園級數, 新手.  而我非常之不爽呢一個現象發生係曾經都人材輩出既vlan, 我冇鬧人, 但我所指出既野亦都唔見得係錯, 可以話係事實.
peace.

[ 本帖最後由 420.jun 於 2012-1-30 02:13 編輯 ]

420.jun

引用:

原帖由 anthonyij 於 2012-1-29 23:49 發表 [url=redirect.php?goto=findpost&pid=4951071&ptid=502644][/url]


如果你覺得 丸對先係叫正常既對抗 咁唔好意思 包對先係原來隻GAME既對抗 丸對只係後期玩家為左加強個難度而整出黎
玩coop 當然會互動交流 吹下水 講下邊度有野汁 ED唔係交流叫咩? 唔通一定要話商討戰略先叫交流?
...

你連confogl同fresh 都唔知係乜, 你口中既丸對係都近乎官方既比賽config黎架啦   咁都拎出黎講一餐
最過癮係你仲好意思話我井底之蛙   你連我所講果d外國l4d2 既少少資訊, 其實, 唔好怪我咁講, 你知條鐵咩.
我又唔覺得係侮辱緊人, 講緊既係事實, 你唔認即係你自大, 而唔係我.

我係steam既競技世界裡面只係一個普通到不得了既玩家 所謂既神手只限vlan裡面, 亦係人地講, 人地認, 我從來都唔會話自己係, 呢d咁既野唔係由我口中講出黎就話係的   字眼上我係應該講清楚d既

420.jun

引用:

原帖由 anthonyij 於 2012-1-30 01:39 發表
咁我想問多一問 你講到vlan D人咁廢 又話幼稚園玩家 咁點解你仲係VLAN度開post? 兩個唔同區域 自然有兩種既特色 你唔鍾意 vlan係多rpg多coop冇對抗嫁啦
你e+咁不滿vlan既l4d2 返返去你既STEAM度同你D西人玩啦  ...

呢度係討論區, 唔留言討論又愛黎做咩 ?  好似你咁悔氣係度趕走人都有架 ?
師兄, 邊個為嘈而嘈, 邊個討論, 人地有眼睇架  

引用:

原帖由 lauykanson 於 2012-1-30 01:46 發表 [url=redirect.php?goto=findpost&pid=4951536&ptid=502644][/url]
樓上420 師兄你講既野的確係事實

但係一隻game有好多種玩法,有部份人係鐘意競技(VERSUS), 有部份人係鐘意玩下COOP呢D輕鬆簡單的模式(個人認為)

佢地鐘意點玩,呢一點你真係無辦法去改變,咁又何必咁勞氣呢

半年前v ...

其實勞氣就唔係話好勞氣既, 反正l4d2 係隻game就算係國際上都已經末落到不行
所以我話冇權干涉人地點玩隻game既. 但係我覺得coop都算, 玩耐左玩expert, 正正路路, 有計劃打下tank, 幾好丫.
到有一日過晒咁多個map既expert, 咪會想玩更難既versus囉, 咪真正欣賞到隻game囉.
不過你睇? 10vs10同rpg果d都唔知咩黎! 最緊要d人又好鍾意玩, 濕透喎 ??  有點兒大惑不解咁姐

最後我覺得有必要向vlan既玩家說明一下,唔好講到vlan就係垃圾,而steam就係眾神的國度咁,steam上面真係識玩vs既,相對總人數只係非常小的一部分,而且只玩8fd/4v4,大部分的玩家都係noob到你唔信,分分鐘衰過vlan

你講得冇錯.  steam 成千上億既人玩l4d2, 比例上當然得番非常小既部份
一隻game 當然永遠都係noob 多過pro, 一樣係越勁越少啦, 講緊的都係比例問題姐.
但你話大部份玩8fd/4v4 都好noob既又唔係, steam 玩開高對既應該大部份都仍然係勁過vlan,
見到香港青年打l4d2打到咁, 其實我鄧創造隻game個班人好心痛

引用:

原帖由 kiucat 於 2012-1-30 02:25 發表 [url=redirect.php?goto=findpost&pid=4951627&ptid=502644][/url]

唔好搞GAG啦樓主 你舉晒美國台灣又點?? 呢D係國家, 香港呢?? 香港係國家??

點解你唔諗埋香港係國際城市, 全世界既GAME 香港人都有機會玩得到

何況你而家剩係睇vlan, 你唔排除有好多係唔同地方玩緊既L4D玩家 ...

我唔係樓主   
你睇清楚d下面, 中國根本係同國際玩家冇接觸, 即係直情唔駛預佢,
以我所見之前香港既玩家人數同其他亞洲國家絕對係有得揮, 咁呢個情況下當然可以拎香港黎比較啦.
咁你都幫我講埋, 香港係國際城市, 全世界既GAME 香港人都有機會玩得到. 一隻game如果hit的話亦都會有電子競技比賽令你打出世界. 點解vlan 依家d人咁樣玩 ??  網吧果d算啦.  除非佢24小時都係網吧生活既姐.

不過講到尾我都係有d不爽先打下字, up幾句, 勸年少氣盛者or老馬有火者莫要太認真, 開火啡落我度, 遊戲研究姐

[ 本帖最後由 420.jun 於 2012-1-30 03:14 編輯 ]

420.jun

引用:

原帖由 anthonyij 於 2012-1-30 03:13 發表
點解你會咁汁著係對抗先係真正玩LEFT 4 DEAD既方法呢 E點我真係唔明 或者只係你既固執/偏見  
我冇發悔氣 只係真心唔明
不過你都諗下 除左我之外都有唔少人唔同意你 你諗下點解 (我唔識佢地) ...

唔同意唔緊要   
又番黎原點

我講緊coop 10vs10 rpg玩家技術含量低, 論技術, 佢地同versus神手比, 係幼稚園玩家, 係講緊事實, 唔到你唔同意.

然後, 我覺得玩l4d2 應該表現出男人既浪漫, 作智力上既"體育"競技, 力求去一個更精彩既境界, 而唔係同死物電腦周旋玩黎玩去都係打到固定程式跑來跑去自high, 呢d, 只係小弟我既意見.   你可以唔同意, 但請以理服人.

你諗真少少, 冇氣量的是你.
我講緊事實姐, 你又駁唔切,
講意見, 你又話唔係 !
咁我咪講講點解我會咁睇囉, 丫, 又俾你叫我走wo

[ 本帖最後由 420.jun 於 2012-1-30 03:26 編輯 ]

420.jun

引用:

原帖由 anthonyij 於 2012-1-30 03:27 發表
我咪就係問你點解咁汁著要競技 你都係冇答到我
咩叫男人既浪漫 ?
我相信你冇入過coop /10v10 /rpg既場度玩
你係邊個  你係對抗冠軍? 你有資格去話人地既技術低過你?
或者 你對抗方面可能 ...

呢位巴打不如將文章始末從頭睇多次   如果你睇到我由頭到尾講緊咩 應該唔會仲咁樣問.  
一路都講緊玩開versus而又比較勁果d根本對coop果d所謂難度係不屑一故, 你仲好意思話人井底之蛙都有既 ?
我係話果d coop rpg等玩家同versus神手比根本就係天同地 !  又冇話我就係versus神手, 嘩, steam的話我真係唔夠膽認呀.

我冇踩人, 我係講緊事實, 同時表達下意見, 慨嘆緊點解2代的vlan會搞到咁.
難道某A君全副身家得十蚊, 人地問我A君窮唔窮, 我答佢: "都幾窮架."
咁又係踩緊佢呀 ??  唔好玩啦師兄 !  成件事一路都係得你認為我攻擊緊你咋 !

引用:

原帖由 lauykanson 於 2012-1-30 03:39 發表 [url=redirect.php?goto=findpost&pid=4951724&ptid=502644][/url]


唔好為左駁而去駁,佢有玩過coop,無講過佢係對抗冠軍同埋人地技術低過佢,佢淨係指出vs既技術含量係高過coop/其他玩

法,無意義咁去拗又係等鎖post(我個人認為呢個post係應該要置頂)

對抗技術含量係咁多種玩法中最 ...

巴打中晒POINT 岩先嘗試講理去同一個只係想駁贏既人明白並承認事實同接受意見,
原來係好難, 下次見到對方比較激的話, 我都係講少句野.
暖暖肚去好過塞資訊入人袋仲要俾人噓 訓先.

[ 本帖最後由 420.jun 於 2012-1-30 12:27 編輯 ]

420.jun

引用:

原帖由 milkchan 於 2012-1-30 05:24 發表
420.jun
其實你講既野係有你既道理
我都覺得對抗中玩家與玩家之間鬥智鬥力極之吸引
技術含量都極高(個人認為比XXO既技術含量更高)
但我依然中意玩COOP多過對抗
我諗我就係你口中幼稚園級玩家
我玩L4D2只開COOP,而且 ...

你喜歡輕鬆玩下擺明唔會再深果隻, 唔緊要.  
只怕有d人認為玩coop rpg 10vs10可以係一樣好有技巧學問, 放得上大場面既野.

而你所講既coop入面會學人教人, 無聲交流, say hello 吹水聊天. 對抗絕對只會更多進一步的技巧交流, 經常性既8fd, 亦都成日發生大量笑料, 全場爆笑.  你所喜歡既野對抗明顯更豐富 !

再者我根本就冇嘈過   討論下咋嗎, 都係果句, 玩遊戲研究下點進步姐

[ 本帖最後由 420.jun 於 2012-1-30 12:28 編輯 ]

420.jun

引用:

原帖由 anthonyij 於 2012-1-30 12:54 發表
算了 已經唔想再同你駁 你話我唔夠駁又好點都好 因為我講既野你一句都冇理到
最後想講 除非你係rpg/coop/其他場方面 都係"公認既神手" 如果唔係 你冇咩資格話玩其他場既玩家全部幼稚園玩家
this post is end 唔會再 ...

哦, 好吧, 咁你話冇理咪冇理, 唔係咪唔係囉.

[ 本帖最後由 420.jun 於 2012-1-30 20:50 編輯 ]