mr18c

引用:

原帖由 AoBa. 於 2019-10-20 10:33 發表
可以考慮出兩把

至於某D英會唔會因為唔洗點擊而過強的問題
(e.g. 淺井E插 - 其實新版比P版一定仲過分...新版E有暈)
呢D等實際改完睇情況點

我建議維持原狀 甚至削弱鬼丸
鬼丸一直都係一把強勢裝備 屬性優秀 極難反制既大範圍暈眩
類似信長2技 強勢甚至過強 但難以調整
新版雖然唔洗點擊 但係其實整體暈裝都係nerf過黎
鬼丸nerf傷害同暈眩時間 吉鋼移除 吹箭大nerf 紅雷本身暈得短所以冇乜點改
巫術都被改短持續時間 亦不存在阿松竹中既4秒暈
同時御守大BUFF 即使鬼丸唔洗點擊 新版鬼丸反而冇舊版咁高既地位
但係對於一D需要範圍控既角色 例如黑田 毛利 島左 服部 仍然係核心裝備 只係冇咁強勢
印象中AOBA好似係冇玩過新版 不過我認為新版有唔少改動係可以參考同借鑑

目前黎講 P版整體既生態係比11.2B同13.2B暴力
但係暈裝保持不變 其實已經係一種buff 法英用鬼丸仲有個不無小補既CD優勢
好似吉鋼同鬼丸只能透過做好視野 走位以及預讀對方起手來反制
但依家又冇忍睇位 鬼丸配合隱刀或者閃戒一齊用既話 只要唔走步正常人係唔會反應到
往往優勢方一出鬼丸就雪球到完場
好似道三 直江 阿松 松永之類既輔手係順風局一出鬼丸就捉到對面永不超生 有丁都冇用
更何況大部分玩家早已熟悉用鬼丸唔會走步 保留走步既可能性只係對依件強勢裝備既小小剋制

[ 本帖最後由 mr18c 於 2019-10-20 20:37 編輯 ]

mr18c

引用:

原帖由 AoBa. 於 2019-10-20 10:33 發表
可以考慮出兩把

至於某D英會唔會因為唔洗點擊而過強的問題
(e.g. 淺井E插 - 其實新版比P版一定仲過分...新版E有暈)
呢D等實際改完睇情況點

順帶一提新版淺井由於缺乏暈裝
御守人人出 可以擋一刀瞬個暈
所以即使有暈都冇你想像中咁勁
不過魔水時間短左 有淨化戰法 部分技能取消起手動作 所以仍然可以大殺特殺

mr18c

另外我認為目前既爆擊裝備比較尷尬
大部份情況爆擊流既玩法係比唔上出法球
個人認為有幾個原因

第一 增加左幾種法球 間接打壓爆擊地位
第二 唔少甲裝BUFF左  
第三 因為一同二 出爆擊既效益低左 所以寧願出法球或者防守裝
第四 對人輸出不及其他裝備

依家除左某幾隻遠程射手之外基本上冇乜角色適合出爆擊
考慮到爆擊其實都只係一種對人輸出 仲要係單體
如果近戰角色想殺人既話我稔更多人會選擇出暈裝或者追擊裝 甚至係防裝谷血 而唔係野太或者長船
有唔少裝平過長船但係更實用 例如對人輸出極高仲可以清兵既毒泉 可以切坦既童子切 可以追擊既梅毒刀/涷雲
或者係蜘蛛切 / 降魔輪杖減防 同埋最直接既吉鋼/鬼丸接暈

個人認為可以調整下3把爆擊裝


野太刀可以新增主動效果 3秒內將野太刀爆擊率提升至100% CD30秒 耗魔120 (無視魔免生效)
如有需要可加價或者新設一級向上合成 並強化物品屬性

雖然唔太關事但係史實野太刀本身係好似騎槍咁要配合跑步或者騎馬衝鋒用
但因為太長所以唔適合近身混戰 衝斬完就要即刻走 比較match依種短時間提升爆發力既設定
因為主動施放唔加攻速同攻擊 所以唔可以比主力利用黎爆塔
即使係殺人英亦可以出 而唔係出死隱刀暈裝毒泉

長卷可以將爆擊倍率改成2.0
籠手換成再生鋼 去除攻速加成
合成後每秒回復15點生命值
新增主動效果 開啟後每秒回復15點增至60點 持續8秒 CD 25秒  耗魔50 (無視魔免生效)
可以增強抗壓能力 續戰力 被捉時亦有一點點保命能力

考慮到目前兩把野差唔多 令到更多人寧願出長卷谷血
所以想將長卷改成偏向防守求穩既裝備 野太刀偏向輸出能力
可以令兩件裝更有特色 玩家可以各取所需

長船屬性可以小buff 例如提高5-10%爆擊機率
加設爆擊額外傷害而且爆擊不會失誤
否則後期面對數珠丸非常乏力

mr18c

引用:

原帖由 MisteR_n 於 2019-10-21 16:26 發表
如果暈裝改廢，全部人會轉哂玩主力，無左暈裝，副手點玩....，係咪想變到好似ＬＯＬ咁一套帶唔走比人有反應可以走下...咁就唔洗玩信長架啦...

引用:

原帖由 MisteR_n 於 2019-10-21 16:37 發表
唔知你講既新版信長係咪**廣告**果隻，人地令竹中服仔都係出攻裝A死人...我唔想呢邊信長變成咁，我覺得呢邊應該保留返呢邊既特色

我唔明點解可以將削弱 推論到全部人玩主力無人出暈裝
參考新版 推論到成張圖變左新版
咁樣過分推論係無討論價值
何況你所講既"新版"應該係指 S版12.5C 武士服無雙優化版


不過點都好 既然有依個平台可以集思廣益
我咪提出小小意見brainstorm一下 睇下會唔會產生新既想法

[ 本帖最後由 mr18c 於 2019-10-22 07:46 編輯 ]

mr18c

引用:

原帖由 MisteR_n 於 2019-10-22 16:45 發表
現在只有4件暈裝，你提議改廢３件（淨係紅雷唔改)

睇完依句已經唔洗睇落去
我從來冇提議過改廢3件暈裝同改廢輔手暈技
唔該你睇清楚我講緊乜野 一次睇唔清楚睇多兩次
兩次唔清楚睇多三次
我係講緊新版咩環境 所以新版鬼丸就算係瞬發都唔係真係咁勁
都係果句 如果你認為參考新版就等於將成個新版抄過黎既話
咁樣過分推論無冇討論意義

[ 本帖最後由 mr18c 於 2019-10-22 17:15 編輯 ]

mr18c

多謝回復
我都知其實我對兩件裝既提議都係唔完善 始終都係稔住拋磚引玉
先講野太刀 我開頭有稔過改到好似前田咁一擊必爆
但係同法球相性太好 所以想同法球路線分開
所以轉做100%暴擊 好似義輝咁
義輝輸出的確係高 但係義輝本身有暈有瞬移有加攻有破防
本身就已經係高輸出 所以唔應該淨係睇佢既100%爆擊
而且必爆係有個同機率法球完全相衝既副作用

其實前田本身單單有3倍必爆都唔係特別勁
係一定要配合埋槍之又左同移速優勢先發揮到
你比隻阿市必爆6倍我稔都未必有前田咁勁
當然我都覺依家既前田係幾恐怖 可能要調整下

因為爆擊本身係要有其他因素配合先發揮到
爆擊勁唔勁係要睇背後有咩support
出爆擊唔似出法裝 要考慮好多既因素  唔係出完一把爆擊就完事
例如攻速 攻擊力 追擊力 生存能力 續戰力 洗兵能力 好似LOL既ADC咁
而且個個人得5件裝+魔水 好難做到why not both
本身係稔過好似新版既紅雪左文字咁 攻卷混野太 但考慮到會用黎爆塔太勁所以放棄
如果出皆朱槍谷攻 加完係好高攻 又有血同攻速
但相對係要犧牲 追擊力 同前中期洗兵能力 續戰力 兩件裝都無得向上合成
如果出毒刀追人 就會偏向少血
如果殺人英出野太殺人 又要考慮清兵能力

我想令到爆擊裝變成一種都可以根據英雄本身既能力黎調整出裝既多變玩法
如果你今日打算出爆擊既話 就要用成套裝黎support
尤其係打裝/ 法裝都出得既角色 除左洗兵洗到鬼丸吉鋼周圍殺人之外仲有其他玩法
而且只係多左種玩法 唔會影響以往既接技玩法
咁當然如果真係改成100%必爆會唔會令到佐佐雜賀之類既主力太勁都係未知之數

至於長卷其實我本身唔係想咁改 本身係想用柔軟鋼
因為考慮到史實長卷係改良過既野太刀 相比起野太刀較為適合近身混戰
但係會同柔軟刀重疊所以都係放棄
改成慢性回血同埋只可以自身施放其實想同和泉既直接自身 / 隊友回血有D分別
不過主要都係想明確D分開長卷同野太兩件裝 實際上長卷要點改我都稔唔到

至於你話以往既涷雲長船玩法 我既意思唔係淨係爆擊覆蓋法球
而係依家多左法球 而且實用性高 屬性又唔錯
更多人寧願出法球混其他裝都唔會優先考慮爆擊
始終野太長船唔加血 而P版既環境下更多主力會優先偏向保命洗兵而唔係輸出

不過點都好我都唔係話一定要改到野太必爆 咁樣改既話之後既英雄調整實做死AOBA
最重要都係想提出目前幾件爆擊裝的確係效益唔高既事實
希望之後可以出現比較合理既方案

mr18c

雖然我唔覺得共雪會出手打壓
但係我同意要改下技名 技能說明之類
我覺得目前鄉江經查太露骨 建議改頭換面

mr18c

唔關共雪事
純粹覺得作為一種諷刺作品唔應該咁直接露骨
應該含蓄得黎但係個個都明
反正依家個個都知鄉江經查係D乜野
我個人係希望將成隻英既背景,技名,技能說明重新包裝 改頭換面 換湯不換藥
不過AOBA話要尊重返原作者所以唔稔住改