花汶

-  一間有份外感覺既網吧 -  

二月十五日星期六

因為凍到頭痛  成晚都訓下醒下咁   好早就起左身   
本身約好左1點去到網吧既   結果同朋友12點就去到

到達後個一刻  我的確見到好多人係到試緊機同準備緊比賽  
好多陌生既面孔係我眼前  差D連入去既位都冇
我同個朋友企左係門口一陣    有個後生仔走埋黎同我地講
:[咁早黎左既   我預左1點先有機比你地喎   等多陣OK嘛  真係唔好意思]
我心諗你乜水呀o靚仔   應該係小飛豬請返黎d人/7171   事關我未見過佢地
跟住我地就走左去收銀個到望望   有人叫我地做會員   黎得vlan網吧唔做會員做乜???
咁我地未做囉   見到龍大係到同d會員笑笑口   又同我地吹下水咁  感覺到大家都相處得好和諧
做會員既同時發現原來我同我朋友係計vlan之後第一/二個會員喎   都唔知開心定唔開心好lol

入完會之後岩先個後生仔又走埋黎同我地講唔好意思   要等多陣先有機   我地答佢:唔急唔急
坐到埋部機到既時候  個後生仔係到同我地講解點樣登入會員帳號   同soso下佢電腦既設備
我地話自己搞掂   叫佢唔洗理我地  佢就走開左   

因為岩岩入到黎網吧   鐘意左望望右望望   見到有人叫岩岩個後生仔做飛豬喎   
我當堂嚇左跳   咁後生又咁nice既少年係飛豬?
玩左陣AVA  玩左陣英雄聯盟    途中飛豬過左黎3-4次   問我地D機點  又同我地吹水
真係估佢唔到依個人係老闆   走黎走去完全坐都冇坐定過   好著緊網吧事務既所有野

6點幾我同個FD各自出左去食飯    我同我另外個朋友食完個快飯就返左黎坐
見到7171同野小孩佢地係到打緊機   小飛豬好似出左去食飯
望兩望  抖兩抖   見到飛豬買埋飯盒返黎比佢地食  咁好既老闆去邊到搵
做好佢既野之後同我吹左陣水  我睇落佢真係好擔心  好徬徨網吧之後既路

過左陣 冠軍賽就開始左   我同我朋友問飛豬今晚係咪開通宵  
飛豬原本答左我地開既   計過度過之後其實都真係冇咩人  所以決定左唔開
9點半左右過黎同我地講  話請我地打機打到12點  原因係因為應承左開通宵既承諾做唔到  
推推就就左一陣   最後接受左依份好意    可見佢係一個幾講承諾既老板

夜晚個陣除左打冠軍賽同支持隊伍既人外   都真係已經冇咩人   
冠軍賽完左   輸贏難免有開心與否   兩隊都懷住兩樣心態好快咁走左
間網吧除左我同朋友/3個幫手既人/飛豬之外   約有10個人吧
吹住水hea住玩電腦既同時   我問下飛豬今日真正做左既生意有幾多?
[大約十幾個左右啦]  我聽完帶點椎心之痛  認真的

朝早發現英雄聯盟有D卡飛既情況  11點左右飛豬同我地vlan留低既人玩左場英雄聯盟
因為實力懸殊  我同朋友2打4飛豬個隊   最後好可惜我地輸左  
雖然係測試緊個網絡問題   但過程大家都有講有笑幾開心

最後都12點幾都準備要收鋪    幫佢手既VLAN會員都一一離開  
我同朋友留到最尾先走   小飛豬送我地出門口
   [真係唔好意思  本身應承左你地開通宵]  小飛豬仲好執著咁同我地講   
出到門口   小飛豬都仍然笑住咁問間網吧搞成點  叫我地比d意見  之後送我地走

全日係間網吧莫名奇妙咁感受到家庭式既溫暖   但我又帶住唏噓既感覺離開
我都真係希望有一日網吧可以多人到開通頂   成功之路有你有我

最後有個疑問   點解小飛豬會知道我地係邊個?

[ 本帖最後由 花汶 於 2014-2-17 20:33 編輯 ]

花汶

引用:

原帖由 A_c 於 2014-2-17 15:34 發表


轉吓新LOOK

又話結衣bb  而家依個乜水黎

花汶

你鹵味唔食食叉燒,敬酒唔飲飲罰酒　　　　　

花汶

你個日唔鬼出黎   搵日出黎網吧+食飯98

花汶

引用:

原帖由 ★凍檸茶 於 2014-2-22 00:14 發表
小你花汶去撐場唔call我

請我去OK?