自嘲999

點講都好 樓主滅團戰請槍就係冇品
好似你出去考試 你請槍手代你去考
我任個槍手改名,化妝,甚至去整容整到你一模一樣 槍手都只係槍手 唔係你本人
唔好話考出嚟個成績會比人取消左 就算冇取消 個成績都唔係你的
因為你根本冇實力
同樣地 槍手唔係該團成員 就算佢地用樓主團ac打成點都好 個結果會關你地團事咩?
根本果場性質上只係一場團對5 fd的信長街場 同樓主唯一有關的就係得個ac名
咁ga一場對戰 代表到邊個?
另外 樓主講過滅團戰時間未定 你並無回覆夜鬼團何時開戰
我真係好想問下樓主 你當人地24小時得閑 你話幾時打就幾時打?
你當自己係邊位?
你連對人最基本ga尊重同禮貌都唔識 請問你點做到問心無愧?
對於樓主同夜鬼團喺呢次"滅團戰"之前所發生ga恩怨 喺呢度得你同夜鬼團員知道
你要開呢個post解釋清楚成件事
唔該你放埋你地兩個有關樓主離開夜鬼團ga經過的對話記錄上嚟
如果你所言屬實 咁做一方面可以比各位知道成件事之後再作判斷 令各位唔再誤解你
另一方面又可證實你同夜鬼‧K所講ga2個版本 邊個係現實
呢d對你有利ga事 你何樂而不為呢?
至於請槍打滅團戰呢件事 我諗2團都係約出去網吧 重賽一次吧啦
最後 我相信各位玩家組團ga目的 係想聚集一班志同道合ga玩家一齊打信長 尋找更大ga樂趣
大家之間ga關係 應該係戰友 應該係伙伴 應該係朋友
我地平時成日會講ga「有fd」所指ga咪就係呢d囉
我相信朋友之間應該要互相信任 互相尊重
但係睇下樓主 打滅團戰仲要請槍 之後仲要為自己呢個不應該編出千般藉口
一個滿口謊言 仲要焗敵團遷就自已時間嚟打滅團咁自私ga人 就係一團之長應該有ga特質?
我並冇要分化樓主團ga意思 我想各位諗下 自己當你ga團友係咩
自己個團ga團長 仲跟唔跟得過?

[ 本帖最後由 自嘲999 於 2010-6-18 04:26 編輯 ]