大白鯊魚

故事個4條友佢地一開始係守係間安全屋,聽廣播等人救。但係糧食都就黎食晒都未有人黎，同時廣播又斷埋，於是4條友決定殺條血路殺出去。（佢地４個人之前都有唔同既職業一個女女醫生，一個係警察，一個係武術教練，同一個大隻佬水電工人。個女醫生補血可以快少少，個警察換彈可以快少少，個武術教練右鍵推怪可以推遠Ｄ同高傷少少，個大隻佬可以一邊拎住Ｄ石油氣一邊用手槍／刀棒之類，換彈時會自動放下石油氣）同埋依家手槍都有限子彈，但可以同時帶手槍和近武在身
第一戰役
一開始佢地打算去附近間商場睇下有冇野食之類，但佢地屋企冇槍同子彈，所以只可以拎ｄ刀刀棍想出劈喪屍，所以佢地要去左附近間警局拎武器。所以第一章到安全門口都只可以用近武。
佢地拎到槍之後，佢地要係差館第二個門口出去。一路上都會有好多個ｄ裝左裝甲既警察喪屍，佢地行到一個關犯人地方時要整響個鐘先可以過。咁樣當然又會有一大埋喪屍啦，佢地就要行上２樓間房關左個警鐘．當佢地關左警鐘。發現有條友哩埋左，佢話岩岩拎左條車匙準備去開車，唔知邊條契弟整響個鐘所以哩埋，佢話同佢地一齊走。點知一去到地下停車埸會有個動畫（成班喪屍衝過黎，之後有條友仆低，兩個人被左救人係度射怪，條仆街自己上車走左。Ｄ主角見到咁就爆晒粗，係呢個時候佢架車前面有隻ＴＡＮＫ衝出黎，將佢連人帶車，打落隔離Ｄ燃料樽度，佢就咁同隻ＴＡＮＫ一齊炸死左。）之後成個埸都係煙,要係多煙既情況跑去下一個安全室。
佢地依家要穿過一個地盤先可以到安全室，不過個地盤用土製炸彈會爆爛Ｄ野，跌到鬼殺咁嘈引喪屍。
佢地去到商場個時發現個商埸比喪屍攻佔左，之後佢地決定係商場Ｄ超級市埸搵食物再搬落去架貨車度走去搵軍隊。
第二戰役
主角去到一個碼頭見到有架郵輪，但係比軍方同ＣＥＤＡ　Ｄ人控制左，上到船之後船上面Ｄ人變晒喪屍。係船上會見到一Ｄ　ＣＥＤＡ的文件知道即使好似４個主角咁冇變喪屍，個佢地既血同普通人接觸都可能會搞到人地變喪屍。同埋病毒係身體擴散速度好快，同埋佢地冇疲苗同冇辦法將Ｄ喪屍變返做人，而且個病毒有可能會造成更多新特感既出現。佢地用船上既無線電叫左架民用直昇機黎救佢地。同佢地一齊飛去新奧爾良個軍方基地搵救援。
第三戰役
係軍事基地５００米外，架飛機比火箭炮打中擊落，機師死左但個４個主角又大命不死。佢地去到基地個時，發覺守門Ｄ人唔係變左喪屍就死晒。但係從軍人屍體，同Ｄ機槍既方向睇Ｄ喪屍係係個基地入面攻出黎，最後佢地決定入地碰下運氣。佢地打到去一間研究室咁既地方，會見到ＮＩＣＫ條屍(中槍死),Ellis同Rochelle,仲有一隻新怪既屍體,佢個樣睇落有d似Coach。係佢地既對話得知，軍隊發現黑人對個病毒有ｄ特殊反感，格硬捉左Coach。ＮＩＣＫ因為阻止佢地咁做，比人話佢係帶菌者，所以捉佢去打靶。Ellis同Rochelle發覺唔對路打算逃走，佢地親眼睇住ＮＩＣＫ比人開槍打死。之後Coach變左新怪出黎發癲，最後比Ellis同Rochelle殺左。就遇上４條友人，Ellis同Rochelle話呢度好危險要快Ｄ走，咁佢地就上左架裝甲車走。

[ 本帖最後由 大白鯊魚 於 2010-7-16 18:30 編輯 ]