MiYuni

近日接到一單投訴, 一個家長幫小朋友報幼稚園.
面試完之後收到信通知不被取錄.
個家長話面試個陣答晒所有問題啦. 我淨係要入呢一間. 做咩入唔到?
發晒癲咁要投訴間幼稚園.
---
我第一個感覺係個家長好野蠻. 你去報名, 人地就一定要收你?
N咁多人去報名, 既然間野有返咁上下質素, 佢自然會揀學生來收.
自己既小朋友名落孫山, 講得難聽d係不如人或者唔岩人地要求. 應該嘗試提升小朋友各方面既能力, 加強競爭力. 而唔係人地唔收就要投訴人地.
唔通你個仔去報大學唔收你又投訴大學? 見工唔請你又要投訴人地公司?
咁你買完6合彩唔中都去投訴啦, 明明買左6個號碼. 點解唔派錢???
---
咁既家長, 是非不分. 以為全世界都要以佢為中心, 不能接受挫敗.
在這樣的家庭教育下成長的小朋友如何能建立正確價值觀???
讀得書的, 可能因一次成績唔好就跳樓, 少少感情問題就燒炭
唔讀得書的, 援交, 濫藥.
然後所有人再將問題歸疚政府.
問題永遠解決唔到, 因為無人看到自己本身的問題.